Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

ବଲାଙ୍ଗିର ମେଡିକାଲରେ ପୁଣି ଶିଶୁ ବଦଳ ଅଭିଯୋଗ

28/12/2018 at 1:03 PM

ବଲାଙ୍ଗିର ୨୮|୧୨: ବଲାଙ୍ଗିର ମେଡିକାଲ କଲେଜ ହସ୍ପିଟାଲର ପୁଣି ଶିଶୁ ବଦଳ ଭଳି ସମ୍ବେଦନଶୀଳ ଘଟଣା । ବଲାଙ୍ଗୀର ପୁଇଁନ୍ତଳାର ପଙ୍କଜୀନି ଗଡତିଆ ବଲାଙ୍ଗିର ହସ୍ପିଟାଲରେ ଗତ ୨୪ ତାରିଖରେ ଏକ ଶିଶୁ ପୁତ୍ର ଜନ୍ମ ଦେଇଥିଲେ । ୨୬ ତାରିଖରେ ତୁଷୁରା ବ୍ରାହ୍ମଣିପାଲିର ପଙ୍କଜିନି ଖାଡିଆ ନାମକ ଅନ୍ୟ ଜଣେ ଜଣେ ଗର୍ଭବତୀ ଏକ ଶିଶୁ ପୁତ୍ର ଜନ୍ମ ଦେଇଥିଲେ । ଦୁଇ ଶିଶୁର ସ୍ବାସ୍ଥ୍ୟ ଅବସ୍ଥା ଠିକ ନଥିବାରୁ ଉଭୟଙ୍କୁ ଏସଏନସିୟୁରେ ରଖାଯାଇଥିଲା ।

ତେବେ କାଲି ରାତିରେ ପଙ୍କଜୀନି ଖାଡିଆଙ୍କ ଶିଶୁର ଦେହ ଅତି ଖରାପ ହେବାରୁ ତାଙ୍କୁ ବୁର୍ଲା ସ୍ଥାନାନ୍ତର କରିବାକୁ କହିଥିଲେ ଡାକ୍ତର । ହେଲେ ଏସଏନସିୟୁ ବାହାରକୁ ଆସି ନର୍ସ ଡାକିଥିଲେ ପଙ୍କଜୀନି ଗଡତିଆଙ୍କ ପରିବାର ଲୋକଙ୍କୁ । ତୁରନ୍ତ ଶିଶୁକୁ ଆମ୍ବୁଲାନ୍ସ ଯୋଗେ ନିଆଯାଇଥିଲା ବୁର୍ଲ୍ଲା । ସେଠାରେ ପହଞ୍ଚି ଶିଶୁର ଓଜନ କରାଯିବା ପରେ ଡାକ୍ତର ଶିଶୁର ପ୍ରେସକ୍ରିପସନ ଓ ଶିଶୁର ଓଜନରେ ଫରକ ଦେଖିବାକୁ ପାଇଥିଲେ । ଏପରିକି ମା ନାଁ ବି ଅଲଗା ଥିଲା । ଏ ଖବର ବଲାଙ୍ଗୀରକୁ ଦିଆଯିବା ପରେ ପଙ୍କଜିନି ଖାଡିଆଙ୍କ ସ୍ବାମୀ ସକାଳୁ ଏକ ଆମ୍ବୁଲାନ୍ସ ବୁର୍ଲ୍ଲାକୁ ପଠାଇ ତାଙ୍କ ଶିଶୁକୁ ଆଣି ଆସିବା ପାଇଁ କହିଥିଲେ । ସେଠାରେ ପହଞ୍ଚିବା ପରେ ତାଙ୍କୁ ମୃତ ଶିଶୁ ଦିଆଯାଇଥିଲା ।

ବଲାଙ୍ଗିର ପୋଲିସ ଡାକ୍ତରଖାନାରେ ପହଞ୍ଚି ତଦନ୍ତ ଆରମ୍ଭ କରିଛି । ସେପଟେ ବଲାଙ୍ଗୀର ନଗର କଂଗ୍ରେସ ପକ୍ଷରୁ ଡାକ୍ତର ଓ ଷ୍ଟାଫଙ୍କ ଅବହେଳା ଯୋଗୁଁ ଶିଶୁ ମୃତ୍ୟୁ ହୋଇଥିବା ଅଭିଯୋଗ କରି ଡାକ୍ତରଖାନା ସମ୍ମୁଖରେ ଧାରଣା ଦେଇଛି । ଏହି ଘଟଣା ପାଇଁ ଦାୟୀ ବ୍ୟକ୍ତିଙ୍କ ଉପରେ କଡା କାର୍ଯ୍ୟାନୁଷ୍ଠାନ ପାଇଁ ଦାବି ହୋଇଛି । 

   Related Posts