Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

ବାରିପଦା ମେଡିକାଲରେ ଶିଶୁ ବଦଳ ଅଭିଯୋଗ

12/05/2020 at 10:21 PM

ବାରିପଦା, ୧୨|୦୫ : ଗୋଟିଏ ନାମରେ ଦୁଇଜଣ ମାଆ।  ସମାନ ଦିନରେ ଜନ୍ମ ଦେଲେ ୨ଟି ଶିଶୁପୁତ୍ର । ତେବେ ଏହି ସମୟରେ ଶିଶୁ ବଦଳ ହୋଇଥିବା ନେଇ ଅଭିଯୋଗ ଆଣିଲେ ପରିବାର ଲୋକେ। ଠିକ୍‌  ଏହି ସମୟରେ ଗୋଟିଏ ଶିଶୁର ମୃତ୍ୟୁ ଘଟିଲା । ଯାହାକୁ ନେଇ ବାରିପଦା ହସ୍ପିଟାଲରେ ଦେଖାଦେଇଛି ତୁମୁଳ କାଣ୍ଡ।

ଅପ୍ରେଲ ୨୬ ରବିବାର। ବାରିପଦା ହସ୍ପିଟାଲରେ ଦୁଇ ପୁତ୍ର ସନ୍ତାନ ଜନ୍ମ ଦେଲେ ଦୁଇ ମହିଳା।  ଉଭୟଙ୍କ ନାଁ ଥିଲା ରଇବାରୀ । ଜଣେ ରଇବାରୀଙ୍କ ସ୍ବାମୀଙ୍କ ନାମ କାର୍ତ୍ତିକ ସିଂ ହୋଇଥିବା ବେଳେ ଅନ୍ୟ ଜଣେ ରଇବାରୀଙ୍କ ସ୍ବାମୀଙ୍କ ନାଁ ଜଗମୋହନ ସିଂ। ମେ ୫ ତାରିଖରେ ହସ୍ପିଟାଲରୁ ଡିସଚାର୍ଜ ହୋଇ କାର୍ତ୍ତିକ ସିଂ ଘରକୁ ଫେରିଲେ। ନିୟମ ଅନୁସାରେ ସ୍ଥାନୀୟ ଅଙ୍ଗନଓବାଡିରେ ଶିଶୁର ଟୀକାକରଣ ବି କଲେ। ହେଲେ କାର୍ତ୍ତିକ ଗତକାଲି ଫୋନ ପାଇଥିଲେ ଯେ ତାଙ୍କ ପୁଅଙ୍କର ହସ୍ପିଟାଲରେ ମୃତ୍ୟୁ ହୋଇଛି । ତେବେ କାର୍ତ୍ତିକ କହିଥିଲେ ତାଙ୍କ ପୁଅ ସୁସ୍ଥ ଅଛି ଏବଂ ଘରେ ଅଛନ୍ତି। ଏହାପରେ କାର୍ତ୍ତିକଙ୍କ ପୁଅର ଏକ ଟୀକା ବାକି ଥିବା କହି ପୁଣି ଫୋନ୍ ଯୋଗେ ହସ୍ପିଟାଲକୁ ଡକାଇଥିଲେ ହସ୍ପିଟାଲ କର୍ମଚାରୀ। ପହଞ୍ଚୁ ପହଞ୍ଚୁ ଶିଶୁକୁ ଏସ୍ଏନସିୟୁ ଭିତରକୁ ନେଇ ଯାଇଥିଲେ ନର୍ସ । କିଛି ସମୟ ପରେ କାର୍ତ୍ତିକଙ୍କୁ ଖବର ଦେଇଥିଲେ ଯେ ତାଙ୍କ ଶିଶୁର ମୃତ୍ୟୁ ହୋଇଗଲା ବୋଲି କହିଥିଲେ ନର୍ସ । ହସ୍ପିଟାଲରେ ଶିଶୁ ବଦଳ କରାଯାଇଥିବା ଅଭିଯୋଗ କରି ବାରିପଦା ଟାଉନ୍ ଥାନାରେ ଏତଲା ଦେଇଛନ୍ତି ରଇବାରୀ।

ବର୍ତ୍ତମାନ ଏସ୍ଏନସିୟୁ ଭିତରକୁ କୌଣସି ଆଶାଦିଦିଙ୍କୁ ପ୍ରବେଶ ନିଷେଧ କରିଛନ୍ତି ହସ୍ପିଟାଲ କର୍ତ୍ତୃପକ୍ଷ । ଏଭଳି ସ୍ଥିତିରେ ଶିଶୁ ବଦଳ ଭଳି ସଙ୍ଗୀନ ଅଭିଯୋଗ ଆସିଛି।  ଯାହାକୁ ନେଇ ଆଜି ଆଶା କର୍ମୀମାନେ ଏସ୍ଏନସିୟୁ ସମ୍ମୁଖରେ ଧାରଣାରେ ବସିବା ସହିତ ୨ଟି ଶିଶୁଙ୍କୁ ବାହାରକୁ ଆଣିବା ପାଇଁ ଦାବି କରିଥିଲେ ।

   Related Posts