Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପଦ୍ମ ସମ୍ମାନ ଘୋଷଣା: ୩ଟି ବର୍ଗରେ ମୋଟ ୧୧୯ ଜଣ ପାଇବେ ସମ୍ମାନ
  • ||
  • ବଜେଟ୍‌ ଡେ’ରେ ପାର୍ଲାମେଣ୍ଟ ଚଲୋ: ଆନ୍ଦୋଳନକାରୀ କୃଷକ ଦେଲେ ଡାକରା
  • ||
  • ଚିନ୍ତା ବଢାଇଲେଣି କୁଲଡିହା ହାତୀପଲ, ନଷ୍ଟ କରୁଛନ୍ତି ବ୍ୟାପକ ଫସଲ
  • ||
  • ଭୁବନେଶ୍ବର : ଫେବୃଆରୀ ୧୪ରୁ ରାଜ୍ୟରେ ଦ୍ବିତୀୟ ପର୍ଯ୍ୟାୟ ଟିକାକରଣ
  • ||
  • ଅନୁଗୋଳ : ଜିଲ୍ଲାପାଳଙ୍କ ଅଫିସ୍ ଆଗରେ ମା’ ଓ ପୁଅଙ୍କ ଆତ୍ମାହୁତି ଉଦ୍ୟମ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୦ କୋଭିଡ୍ ସଂକ୍ରମିତ, ୩୩୪୪୩୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ବ୍ରହ୍ମପୁର : ଟ୍ରାକ୍ଟର ସହ ବାଇକ୍ ଧକ୍କା, ଜଣେ ମୃତ, ୨ ଶ୍ରମିକ ଗୁରୁତର
  • ||
  • ଆନନ୍ଦପୁର : ଧାନ ଡୋଲି ଓଲଟିପଡି ସ୍ତ୍ରୀ ମୃତ, ସ୍ବାମୀ ଗୁରୁତର
  • ||
  • ଖସୁଛି କରୋନା ଗ୍ରାଫ୍‌, ଦେଶରେ ଗତ ୨୪ଘଣ୍ଟାରେ ୧୩,୨୦୩ କୋଭିଡ଼ ସଂକ୍ରମିତ ଚିହ୍ନଟ
  • ||
  • ବରଗଡ : ଭିଜିଲାନ୍ସ ଜାଲରେ ବରଗଡ ଜିଲ୍ଲା ଭଟଲି ବ୍ଲକ୍ କେଲେଙ୍ଗାପାଲିର ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ
  • ||

ଅଜବ ପରମ୍ପରା: ବାହାଘର ପୂର୍ବରୁ ଯୁବତୀ ଗର୍ଭବତୀ ହେବା ଶୁଭ, ଲିଭ୍‌ଇନ୍‌ରେ ରହିବାକୁ ଘରଲୋକ ନିଜେ ଦିଅନ୍ତି ଅନୁମତି

29/11/2020 at 5:12 PM

ଜୟପୁର ୨୯/୧୧ : ବାହାଘର ପୂର୍ବରୁ ଲିଭଇନରେ ରହିବା ଆଜିକାଲିର ଫ୍ୟାସନ ହୋଇଗଲାଣି। ଲିଭଇନରେ ରହି ଯୁବକ ଯୁବତୀ ପରସ୍ପରକୁ ଭଲ ଭାବେ ବୁଝିବାକୁ ଚେଷ୍ଟା କରନ୍ତି। ବିବାହ ପୂର୍ବରୁ ଯୁବକ ଯୁବତୀ ଲିଭଇନରେ ରହିବା ଭାରତରେ ଠିକ ନୁହେଁ ବୋଲି ବିଶ୍ୱାସ କରାଯାଏ। ପରିବାରଲୋକେ ଲିଭଇନ ସମ୍ପର୍କକୁ ବିରୋଧ କରିଥାନ୍ତି। ବିଶେଷକରି ଗାଁମାନଙ୍କରେ ଲିଭଇନ ସମ୍ପର୍କକୁ ପାପ ବୋଲି କୁହାଯାଏ। ଲିଭଇନରେ ରହୁଥିଲେ ଯୁବକ ଯୁବତୀଙ୍କୁ ଖରାପ ନଜରରେ ଦେଖାଯାଇଥାଏ। 

ଭାରତରେ ଲିଭଇନ ସମ୍ପର୍କ ପାଇଁ କିଛି ଆଇନ ରହିଛି। ଏହି ନିୟମ ପାଲା କରି ଦମ୍ପତ୍ତି ଲିଭଇନରେ ରହିପାରିବେ। ଏହାକୁ ଭାରତୀୟ ସମାଜରେ ଏବେ ସୁଦ୍ଧା ମାନ୍ୟତା ମିଳିନାହିଁ। ସେଥିପାଇଁ ଲିଭଇନରେ ରହୁଥିବା ଦମ୍ପତ୍ତିଙ୍କୁ ଲୋକେ ଖରାପ ନଜରରେ ଦେଖିଥାନ୍ତି। କିନ୍ତୁ ଭାରତରେ ଏମିତି ଏକ ରାଜ୍ୟ ଅଛି ଯେଉଁଠାରେ ଯୁବତୀ ବାହାଘର ପୂର୍ବରୁ ଯୁବକ ସହ ରହିବା ଅନିବାର୍ଯ୍ୟ।

ଶୁଣିବାକୁ ଅଡୁଆ ଲାଗୁଥିଲେ ମଧ୍ୟ କଥାଟି ସତ। ରାଜସ୍ଥାନର ଏକ ଅଞ୍ଚଳରେ ଏହି ନିୟମ ରହିଛି। ରାଜସ୍ଥାନରେ ଏମିତି ଏକ ସମ୍ପ୍ରଦାୟ ଅଛି ଯେଉଁଠାରେ ବାହାଘର ପୂର୍ବରୁ ଶିଶୁ ଜନ୍ମ ଦେବା ଶୁଭ ବୋଲି କୁହାଯାଏ। ଗରାସିୟା ସମ୍ପ୍ରଦାୟ ଅନୁସାରେ ସେଠାରେ ଦାପା ପରମ୍ପରା ରହିଛି ଯାହା ବହୁତ ଲୋକପ୍ରିୟ। ଏହି ପରମ୍ପରା ବହୁତ ଆଗରୁ ଆରମ୍ଭ ହୋଇଥିଲା। ଏଠାରେ ରହୁଥିବା ଗୋଟିଏ ପରିବାରର ୪ ଭାଇ ବାହାରକୁ ଯାଇଥିଲେ। ସେଠାରେ ୩ ଭାଇ ବାହା ହୋଇଗଲେ କିନ୍ତୁ ଜଣେ ବାହା ନ ହୋଇ ଜଣେ ଯୁବତୀଙ୍କ ସହ ରହୁଥିଲେ।

ବାହା ନ ହୋଇ ଯୁବତୀଙ୍କ ସହ ରହୁଥିବା ଭାଇର ଶିଶୁ ଜନ୍ମ ହେଲା କିନ୍ତୁ ଅନ୍ୟ ୩ ଭାଇଙ୍କର ସନ୍ତାନ ପ୍ରାପ୍ତି ହେଲାନାହିଁ। ଏହି ଘଟଣା ପରେ ଏହି ସମ୍ପ୍ରଦାୟର ଲୋକେ ଏହି ପରମ୍ପରା ଆପଣେଇଲେ। ଗରାସିୟା ସମ୍ପ୍ରଦାୟରେ ୨ ଦିନିଆ ସ୍ପେଶାଲ ବିବାହ ମେଳା ହୋଇଥାଏ। ଏହି ମେଳାରେ ଯୁବକ ଯୁବତୀ ପରସ୍ପରକୁ ପସନ୍ଦ କରନ୍ତି। ପସନ୍ଦ କରିବ ପରେ ବିବାହ ନ କରି ଲିଭଇନରେ ରୁହନ୍ତି। ସନ୍ତାନ ପ୍ରାପ୍ତି ପରେ ପରସ୍ପରକୁ ବିବାହ କରିଥାନ୍ତି।

   Related Posts