Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ନଜରବନ୍ଦୀ ପାଇଁ ଅଦାଲତରେ ଗୁହାରି କଲେ ପୂର୍ବତନ ଅର୍ଥ ମନ୍ତ୍ରୀ ଚିଦାମ୍ବରମଙ୍କ ଓକିଲ, ସୁପ୍ରିମକୋର୍ଟ କହିଲେ ତିହାର ଜେଲ୍‌ ପଠାଯିବ ନାହିଁ

2/09/2019 at 2:44 PM

ନୂଆଦିଲ୍ଲୀ – ପୂର୍ବତନ ଅର୍ଥମନ୍ତ୍ରୀ ପି ଚିଦାମ୍ବର ଗୁରୁବାର ପର୍ଯ୍ୟନ୍ତ ସିବିଆଇ ହେପାଜତରେ ରହିବେ । ତାଙ୍କୁ ତିହାର ଜେଲ୍‌ ପଠାଯିବ ନାହିଁ ବୋଲି ସୁପ୍ରିମକୋର୍ଟ ନିର୍ଦେଶ ଦେଇଛନ୍ତି । ତାଙ୍କୁ ସିବିଆଇ ୧୧ ଦିନ ଧରି ନିଜ ହେପାଜତରେ ରଖିବା ସହ ଜେରା କରୁଛି। ଅଗଷ୍ଟ ୨୧ ତାରିଖରେ ଚିଦାମ୍ବରମଙ୍କୁ ଗିରଫ କରାଯାଇଥିଲା । ତାଙ୍କୁ ୭୪ ବର୍ଷ ବୟସ ହୋଇଥିବାରୁ ନଜରବନ୍ଦୀ କରି ରଖାଯାଉ ବୋଲି ତାଙ୍କର ଆଇନଜୀବୀ କପିଲ୍‌ ସିବଲ୍‌ ଅଦାଲତଙ୍କୁ ଗୁହାରି କରିଥିଲେ । ।
ଏବେ ସିବିଆଇ ହେପାଜତରେ ଥିବା ଚିଦାମ୍ବରମଙ୍କୁ ଦିଲ୍ଲୀରେ ଥିବା ସିବିଆଇର କାର୍ଯ୍ୟାଳୟରେ ଅତିଥି ଭବନରେ ରଖାଯାଇଛି । ତାଙ୍କୁ ଜୁଡିସିଆଲ୍‌ କଷ୍ଟିଡିକୁ ପଠାଗଲେ ତିହାର ଜେଲ୍‌କୁ ପଠାଯାଇ ପାରେ ।

ପୂର୍ବତନ କେନ୍ଦ୍ରମନ୍ତ୍ରୀଙ୍କୁ ଏକ ଦୁର୍ନୀତି ମାମଲାରେ ସିବିଆଇ ଗିରଫ କରିଛି । ତାଙ୍କୁ ଜାମିନ ପାଇବା ପାଇଁ ହେଲେ ସଠିକ୍‌ ଅଦାଲତରେ ଆବେଦନ କରିବା ପାଇଁ ପଡିବ ।
ହେଲେ ତାଙ୍କର ଆଇନଜୀବୀ କପିଲ ସିବଲ୍‌ ତାଙ୍କୁ ଏପରି କରାଯାଇ ପାରିବ ନାହିଁ ନିମ୍ନ ଅଦାଲତ ଜାମିନକୁ ଖାରଜ କରି ଜେଲ୍‌ ପଠାଇ ଦେଲେ କଅଣ ହେବ ବୋଲି ଯୁକ୍ତି କରିଥିଲେ ।

ହେଲେ ନଜର ବନ୍ଦୀ କରି ରଖିବା କେବଳ ରାଜନୈତିକ ବନ୍ଦୀ କ୍ଷେତ୍ରରେ ହୋଇଥାଏ । ବୋଲି ସୁପ୍ରିମକୋର୍ଟର ଖଣ୍ଡପୀଠ କହିଛନ୍ତି । ସେ ଜାମିନ ପାଇଁ ସିବିଆଇ ଅଦାଲତରେ ଆବେଦନ କରନ୍ତୁ ବୋଲି ନିର୍ଦେଶ ଦେଇଛନ୍ତି ।

   Related Posts