ନୂଆଦିଲ୍ଲୀ ୧୩/୧୧ : ପୁଣି କେନ୍ଦ୍ର ସରକାରଙ୍କୁ ଟାର୍ଗେଟ କରିଛନ୍ତି ପୂର୍ବତନ ଅର୍ଥମନ୍ତ୍ରୀ ତଥା ବରିଷ୍ଠ କଂଗ୍ରେସ ନେତା ପି. ଚିଦମ୍ବରମ୍ । କରୋନା ମହାମାରୀ ସମୟରେ ଦେଶରେ ଜିଡିପି ହ୍ରାସ ପାଇଛି । ତେଣୁ କେନ୍ଦ୍ର ସରକାର ଦୀପାବଳିରେ ଉତ୍ସାହିତ ନହୋଇ ଦେଶରେ ମାନ୍ଦାବସ୍ଥା ହଟାଇବାକୁ ପଦକ୍ଷେପ ନିଅନ୍ତୁ ବୋଲି ଚିଦମ୍ବରମ୍ କହିଛନ୍ତି । ପ୍ରଥମେ ରାହୁଲ ଗାନ୍ଧୀ ଏବଂ ଏବେ ପି. ଚିଦମ୍ବରମ୍ ଦେଶରେ ଲାଗି ରହିଥିବା ଆର୍ଥିକ ମାନ୍ଦାବସ୍ଥାକୁ ନେଇ ମୁହଁ ଖୋଲିଛନ୍ତି ।

wp:html

The very poor are outside of formal economy. The other persons who have lost their jobs or livelihood, unless money is put in their hands, they will not be able to contribute to the revival of demand and consequent revival of economy: Shri @PChidambaram_IN pic.twitter.com/zct0IiFalE

— Congress (@INCIndia) November 13, 2020

/wp:html

କରୋନା ସଙ୍କଟ ଏବଂ ଲକଡାଉନ ଯୋଗୁଁ ଦେଶର ଜିଡିପି ମାଇନସକୁ ଖସିଆସିଛି । ଲଗାତାର ୨ୟ ତ୍ରୈମାସିକ ପାଇଁ ଜିଡିପି ହ୍ରାସ ପାଇଛି ଏବଂ ଆର୍ଥିକ ମାନ୍ଦାବସ୍ଥା ବଢି ବଢି ଚାଲିଛି । ଗତ ତ୍ରୈମାସିକରେ ଜିଡିପିର ଗତି ୮.୬ ପ୍ରତିଶତ ରହିଛି । ଚିଦାମ୍ବରମ୍ କହିଛନ୍ତି ଦେଶର ପରିସ୍ଥିତି ଏବେ ଚିନ୍ତାଜନକ ଏବଂ ଏହାରି ମଧ୍ୟରେ ସରକାରଙ୍କୁ କିଛି ଠୋସ ପଦକ୍ଷେପ ଗ୍ରହଣ କରିବାକୁ ପଡିବ । ଚିଦାମ୍ବରମ ଆହୁରି ମଧ୍ୟ କହିଛନ୍ତି ଯେ ନୋଟବନ୍ଦୀ ଭଳି ନିଷ୍ପତ୍ତି ଦେଶର କୋଟି କୋଟି ଲୋକଙ୍କ ଉପରେ ପ୍ରଭାବ ପକାଇଥିଲା ଏବଂ ଏହା ଦ୍ବାରା ସାଧାରଣ ଲୋକଙ୍କର କିଛି ଫଇଦା ହୋଇନଥିଲା । ଦେଶରେ ଆଜି କେବଳ ଗୋଟିଏ ସଂସ୍ଥା ବା ବ୍ୟକ୍ତି ପାଖରେ ସାରା ଦେଶର ୨୦ ପ୍ରତିଶତ ପୁଞ୍ଜି ରହିଛି । ଏଥିରେ ସାଧାରଣ ଲୋକଙ୍କର କୌଣସି ଫାଇଦା ହେଉନାହିଁ ।

{"id":361217,"sizeSlug":"large"}

ଏଭଳି ପରିସ୍ଥିତି ଦେଶ ଯେଉଁଠି ମାନ୍ଦାବସ୍ଥା ଦେଇ ଗତି କରୁଛି ସେଠାରେ ସରକାର ଉତ୍ସାହିତ ହୋଇ ଉତ୍ସବ ମନାଇବା ବଦଳରେ ଦେଶ​‌ରେ କିଭଳି ଆର୍ଥିକ ମାନ୍ଦାବସ୍ଥା ଦୂର ହେବ ସେଥିପ୍ରତି ଦୃଷ୍ଟି ଦେବା ଦରକାର । ପି. ଚିଦାମ୍ବରମ କହିଛନ୍ତି ଦେଶରେ ଏବେ ନ୍ୟାୟ ଯୋଜନା ଲାଗୁ ହେବା ଆବଶ୍ୟକ । ଯାହା ଫଳରେ ସିଧାସଳଖ ଲୋକଙ୍କ ପାଖରେ ଟଙ୍କା ପହଞ୍ଚିପାରିବ । କୃଷକମାନଙ୍କୁ ମଧ୍ୟ ସହଯୋଗ କରିବା ଜରୁରୀ ହୋଇପଡିଛି । କିନ୍ତୁ କେନ୍ଦ୍ର ସରକାର ନୂଆ କୃଷି ବିଲ ଆଣି କୃଷକମାନଙ୍କ ସମସ୍ୟା​‌ ବଢାଇ ଦେଇଛନ୍ତି । ଯାହା ଫଳରେ କି ସାଧାରଣ ଲୋକଙ୍କ ପାଖରେ ଅର୍ଥ ରହିବନି, ତେବେ ଅର୍ଥ ବ୍ୟବସ୍ଥା କିଭଳି ଆଗକୁ ବଢିବ ବୋଲି ପ୍ରଶ୍ନ କରିଛନ୍ତି ଚିଦମ୍ବରମ୍ ।

ରିପୋର୍ଟ ଅନୁଯାୟୀ ଜୁଲାଇ-ଡିସେମ୍ବର ତ୍ରୈମାସିକରେ ଜିଡିପି ୮.୬ ପ୍ରତିଶତ ମାଇନସ ରହିଛି । କରୋନା ମହାମରୀ ସୟରେ ଜିଡିପି -୨୪ ପ୍ରତିଶତ ରହିଥିଲା । ସେପଟେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ଅର୍ଥ ବ୍ୟବସ୍ଥାରେ ଦୃତ ସୁଧାର ଆସୁଛି ।