Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାକାଶରେ ନିୟନ୍ତ୍ରଣ ହରାଇଛି ସ୍ପେସଏକ୍ସର ଫାଲକନ-୯, ବିପଦରେ ଭାରତର ଚନ୍ଦ୍ରଯାନ
  • ||
  • ବିଜେପିରେ ସାମିଲ ହେଲେ ଉତ୍ତରାଖଣ୍ଡର ପୂର୍ବତନ କଂଗ୍ରେସ ଅଧ୍ୟକ୍ଷ କିଶୋର ଉପାଧ୍ୟାୟ
  • ||
  • ରାଜ୍ୟରେ ଆଉ ୮ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୫୦କୁ ବୃଦ୍ଧି
  • ||
  • ରାଜ୍ୟରେ କମିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୯୦୧ କୋଭିଡ୍ ପଜିଟିଭ୍, ୧୨୩୧୧୬୯ରେ ପହଞ୍ଚିଲା ସଂଖ୍ୟା
  • ||
  • ଜିଲ୍ଲା ପରିଷଦ ନିର୍ବାଚନ ଲଢୁଛନ୍ତି ଡାକ୍ତରାଣୀ, ଚର୍ଚ୍ଚାରେ ବିଜେପି ପ୍ରାର୍ଥୀ ମୋନାଲିସା
  • ||
  • ବିସ୍ଫୋରଣ କରି ଟ୍ରେନ୍ ଲାଇନ ଉଡାଇଲେ ନକ୍ସଲ, ପୋଷ୍ଟରରେ ଦେଲେ ଧମକ
  • ||
  • କୁହୁଡିର ଚାଦରରେ ଜଗତସିଂହପୁର, ଗମନାଗମନ ବାଧାପ୍ରାପ୍ତ
  • ||

ଚିଦାମ୍ବରମଙ୍କ ରିମାଣ୍ଡ ଅବଧି ବଢିଲା , ଅଗଷ୍ଟ ୩୦ ଯାଏଁ ରହିବେ ସିବିଆଇ ହେବାପଜତରେ

26/08/2019 at 5:08 PM

ନୂଆଦିଲ୍ଲୀ . – ପୂର୍ବତନ ଅର୍ଥମନ୍ତ୍ରୀ ପି ଚିଦାମ୍ବରଙ୍କର ରିମାଣ୍ଡ ଅବଧି ଅଗଷ୍ଟ ୩୦ ତାରିଖ ପର୍ଯ୍ୟନ୍ତ ବୃଦ୍ଧି ପାଇଛି। ଦିଲ୍ଲୀର ସ୍ୱତନ୍ତ୍ର ସିବିଆଇ ଅଦାଲତ ସିବିଆଇ ରିମାଣ୍ଡକୁ ଅଗଷ୍ଟ ୩୦ ତାରିଖ ପର୍ଯ୍ୟନ୍ତ ବୃଦ୍ଧି କରିଛନ୍ତି । ସିବିଆଇ ପକ୍ଷରୁ ରିମାଣ୍ଡ ଅବଧିକୁ ବୃଦ୍ଧି କରିବା ପାଇଁ ଆବେଦନ କରାଯାଇଥିଲା ।

ଆଇଏନ୍‌ଏକ୍ସି ମିଡିଆ ମାମଲାରେ ପୂର୍ବତନ କେନ୍ଦ୍ର ଅର୍ଥମନ୍ତ୍ରୀ ପି ଚିଦାମ୍ବରମଙ୍କୁ ସିବିଆଇ ଜେରା କରୁଛି । ତାଙ୍କର ରିମାଣ୍ଡ ସମୟକୁ ବୃଦ୍ଧି କରିବା ପାଇଁ ପର୍ଯ୍ୟପ୍ତ ପ୍ରମାଣ ରହିଛି ବୋଲି ଅଦାଲତ କହିଛନ୍ତି । ଅଗଷ୍ଟ ୨୩ -୨୬ ତାରିଖ ପର୍ଯ୍ୟନ୍ତ ଏଥିରେ ଥିବା ଅନ୍ୟ ଅଭିଯୁକ୍ତ ସାମ୍ନା ସାମ୍ନି ଜେରା କରାଯାଇଥିଲା।
ଏହା ସମ୍ପୂର୍ଣ୍ଣ ହୋଇ ନଥିବା ଯାଞ୍ଚ କରାଯାଉଥିବା ସଂସ୍ଥା ଦ୍ୱାରା ଅଦାଲତଙ୍କୁ ସୂଚନା ଦିଆଯାଇଥିଲା ।ଏହି ଦୁଇ ଅଭିଯୁକ୍ତଙ୍କ ମଧ୍ୟରେ କରାଯାଇଥିବା ଇ-ମେଲ୍‌ ବାର୍ତ୍ତାକୁ ଅଦାଲତଙ୍କ ସମ୍ମୁଖରେ ଉପସ୍ଥାପନା କରାଯାଇଥିଲା ।
ଅଗଷ୍ଟ ୨୨ ତାରଖରେ ଚିଦାମ୍ବରମଙ୍କୁ ରିମାଣ୍ଡରେ ନେବା ପାଇଁ ସ୍ୱତନ୍ତ୍ର ସିବିଆଇ ଅଦାଲତ ଅନୁମତି ପ୍ରଦାନ କରିଥିଲେ ।
ପି ଚିଦାମ୍ବରମଙ୍କୁ ତାଙ୍କ ସହ ଅଭିଯୁକ୍ତ ଥିବା ବ୍ୟକ୍ତିଙ୍କ ଏକାଠି ଜେରା କରିବାପାଇଁ ଆଉ ୫ ଦିନ ସମୟ ଦରକାର ବୋଲି ସିବିଆଇ ପକ୍ଷରୁ ସୂଚନା ଦିଆଯାଇଥିଲା । ତେବେ କେଉଁ ଅଭିଯୁକ୍ତଙ୍କ ସହ ତାଙ୍କର ସାମ୍ନା ସାମ୍ନି ଜେରା ହେବା ସେ ବିଷୟରେ ସୂଚନା ଦିଆଯାଇ ନାହିଁ ।
ଗତ ଚାରି ଦିନମଧ୍ୟରେ ସିବିଆଇ କଣ କରିଛି ବୋଲି ଅଦାଲତ ପ୍ରଶ୍ନ କରିଥିଲେ । ସିବିଆଇ ପକ୍ଷରୁ ଏହାର ପ୍ରମାଣ କୋର୍ଟରେ ଉପସ୍ଥାପନ କରାଯାଇଥିଲା ।

   Related Posts