ରାୟପୁର: ଛତିଶଗଡ ରାଜ୍ୟପାଳ ଅନୁସୂୟା ୱିକେ ଦେଶର ପ୍ରଥମ ଆଦିବାସୀ ମହିଳା ପାଇଲଟ୍ ଅନୁପ୍ରିୟା ଲାକ୍ରାଙ୍କୁ ବଧେଇ ଜଣାଇଛନ୍ତି। ୱିକେ କହିଛନ୍ତି ପାଇଲଟ ହୋଇ ଅନୁପ୍ରିୟା କେବଳ ଓଡିଶା ନୁହେଁ ସାରା ଦେଶର ଆଦିବାସୀଙ୍କ ସମ୍ମାନ ବଢାଇଛନ୍ତି। ଏଥିଲାଗି ୱିକେ ତାଙ୍କର ଉଜ୍ଜ୍ୱଳ ଓ ସୁଖମୟ ଜୀବନ କାମନା କରିଛନ୍ତି।

{"id":156804}

ଉଲ୍ଲେଖଯୋଗ୍ୟ ଯେ ମାଲକାନଗିରି ଜିଲ୍ଲାର ଅନୁପ୍ରିୟା ନିକଟରେ ପାଇଲଟ ଭାବେ କାର୍ଯ୍ୟରେ ଯୋଗଦେଇଛନ୍ତି। ତାଙ୍କ ପିତା ଓଡିଶା ପୋଲିସରେ ଜଣେ ହାବିଲଦାର । ଦିପ୍ତି କନଭେଣ୍ଟ ସ୍କୁଲରେ ପ୍ରାଥମିକ ଶିକ୍ଷା ସମାପ୍ତ କରିବା ପରେ ଅନୁପ୍ରିୟା ସିମିଳିଗୁଡା ଚାଲିଯାଇଥିଲେ। ସେଠାରେ ସେ ଜୀବନଜ୍ୟୋତି ସ୍କୁଲରୁ ସଫଳତାର ସହ ଯୁକ୍ତ ୨ ଉତୀର୍ଣ୍ଣ ହୋଇ ଉଚ୍ଚ ଶିକ୍ଷା ନିମନ୍ତେ ରାଜଧାନୀ ଭୁବନେଶ୍ୱର ଯାଇଥିଲେ।

{"id":156810}

ସେଠାରେ ଅନୁପ୍ରିୟା ଏକ ଇଞ୍ଜିନିୟରିଂ କଲେଜରେ ଅଧ୍ୟୟନ କରୁଥିବା ବେଳେ ପାଇଲଟ୍ ହେବା ଲାଗି ପଢା  ଅଧାରେ ଛାଡି  ଉଡ୍ଡୟନ ଆକାଡେମୀରେ ଯୋଗଦେଇଥିଲେ। ପାଇଲଟ ଲାଇସେନ୍ସ ପ୍ରାପ୍ତ କରିଥିବା ଅନୁପ୍ରିୟା ନିକଟରେ ଏକ ଘରୋଇ ବିମାନ କମ୍ପାନୀରେ ପାଇଲଟ ଭାବେ ଯୋଗଦେଇଛନ୍ତି।