ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଖସୁଛି କରୋନା, ୨୪ ଘଣ୍ଟାରେ ବାହାରିଲେ ୧୩ ପଜିଟିଭ୍
  • ||
  • ଦେବଗଡ଼ : ଭୁଲିଗଲା ସଂପର୍କ, ମଦ୍ୟପ ବାପାର କଟୁରୀ ଚୋଟରେ ପୁଅ ମୃତ
  • ||
  • ଗଞ୍ଜାମ: ତାରାତାରିଣୀଙ୍କ ପୀଠରେ ନୂତନ ମନ୍ଦିର ପ୍ରତିଷ୍ଠା ଉତ୍ସବ, ଯୋଗଦେବେ ମୁଖ୍ୟମନ୍ତ୍ରୀ
  • ||
  • ପୁରୀ : ରଥଯାତ୍ରା ପାଇଁ ଚଳଚଞ୍ଚଳ ରଥଖଳା, ଚକ ନିର୍ମାଣରେ ବ୍ୟସ୍ତ ମୁଖ୍ୟ ବିଶ୍ୱକର୍ମା
  • ||
  • ଉଦଳା: ପ୍ରେମିକାକୁ ଦେଖାକରିବାକୁ ଯାଇଥିଲେ ପ୍ରେମିକ ଧରାପଡିଗଲେ, ଦେଖାଇଲେ ବନ୍ଧୁକ
  • ||

ଛତିଶଗଡ଼ ବିଧାନସଭା ନିର୍ବାଚନ : କଂଗ୍ରେସ ପରେ ବିଜେପି ପ୍ରକାଶ କଲା ନିର୍ବାଚନ ଇସ୍ତାହାର, ଜାଣନ୍ତୁ କଣ କହିଲେ ଅମିତ ଶାହ…

10/11/2018 at 2:16 PM

ଛତିଶଗଡ଼ ୧୦/୧୧ : ଆଉ ଗୋଟିଏ ଦିନ ପରେ ଅର୍ଥାତ ୧୨ ତାରିଖରେ ଆରମ୍ଭ ହେବାକୁ ଥିବା ଛତିଶଗଡ଼ ବିଧାନସଭା ନିର୍ବାଚନ ପରିପ୍ରେକ୍ଷୀରେ ଭାରତୀୟ ଜନତା ପାର୍ଟି ଆଜି ନିର୍ବାଚନୀ ଇସ୍ତାହାର ପ୍ରକାଶ କରିଛି | ଏହି ନିର୍ବାଚନ ଇସ୍ତାହାରକୁ ‘ସଂକଳ୍ପ ପତ୍ର’ ବୋଲି ଦଳ ନାମିତ କରିଛି | ଛତିଶଗଡ଼ର ରାଜଧାନୀ ରାୟପୁର ଠାରେ ନିର୍ବାଚନ ଇସ୍ତାହାର ଉନ୍ମୋଚନ କରିଛି | ଦଳର ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ, ଛତିଶଗଡ଼ ମୁଖ୍ୟମନ୍ତ୍ରୀ ରମଣ ସିଂହ ଓ ଅନ୍ୟ ବରିଷ୍ଠ ଭାରତୀୟ ଜନତା ପାର୍ଟି ନେତା ଇସ୍ତାହାର ଉନ୍ମୋଚନ ଉତ୍ସବରେ ଉପସ୍ଥିତ ଥିଲେ | ଏହି ଇସ୍ତାହାରରେ ଛତିଶଗଡ଼ରେ କ୍ଷମତାସୀନ ରମଣ ସିଂହ ସରକାରଙ୍କ ବିଭିନ୍ନ ସଫଳତାର ଲମ୍ବା ତାଲିମ ପ୍ରଦାନ କରାଯାଇଛି | ନକ୍ସଲ ଦମନ କ୍ଷେତ୍ରରେ ଛତିଶଗଡ଼ ସରକାରଙ୍କ ସଫଳତାକୁ ଅମିତ ଶାହ ଏହି ଉତ୍ସବରେ ଭୁରି ଭୁରି ପ୍ରଶଂସା କରିଛନ୍ତି |

ଅମିତ ଶାହ କହିଛନ୍ତି ଯେ, ଗତ ୧୫ବର୍ଷ ଧରି ଛତିଶଗଡ଼ରେ ରମଣ ସିଂହଙ୍କ ସରକାର ସଫଳତାର ଶାସନ କରିଆସିଛନ୍ତି | ସ୍ୱତନ୍ତ୍ର ରାଜ୍ୟ ଗଠନ ପରଠୁ ଏଠାରେ ଭାରତୀୟ ଜନତା ପାର୍ଟି କ୍ଷମତାରେ ରହିଛି | ଏଯାଏଁ ସମ୍ପୂର୍ଣ ପଛୁଆ ଅଂଚଳ ଭାବେ ପରିଗଣିତ ଛତିଶଗଡ଼ ରମଣ ସିଂହଙ୍କ ନେତୃତ୍ୱରେ ପାୱାର ହବ, ଇସ୍ପାତ ହବ, ଆଲୁମିନିୟମ ହବ ଏବଂ ଶିକ୍ଷା ହବରେ ପରିଣତ ହୋଇଛି | ଏହି ସରକାର ଅଦ୍ୟାବଧି ଯୋଜନା ଉପରେ ଗୁରୁତ୍ୱ ଦେଇଛି | ଲୋକଙ୍କୁ ୧ଟଙ୍କାରେ ଚାଉଳ ଯୋଗେଇ ଦିଆଯାଇଛି | ଲୁଣ, ଚପଲ ଓ ସାଇକଲକୁ ନିଃଶୁଳ୍କ କରାଯାଇଛି | ଲୋକ ହିତକର କାର୍ଯ୍ୟ ଜରିଆରେ ଭାରତୀୟ ଜନତା ପାର୍ଟି ଲୋକଙ୍କ ଆସ୍ଥା ଜିତିପାରିଛି | ସେହିଭଳି ନକ୍ସଲଙ୍କ ଦମନ କ୍ଷେତ୍ରରେ ସରକାରଙ୍କୁ ବିଶେଷ ସଫଳତା ମିଳିଛି | ଏବେ ରମଣ ସିଂହ ସରକାର ଛତିଶଗଡ଼କୁ ଡିଜିଟାଲ ହବ କରିବା ପାଇଁ ପ୍ରତିଶୃତିବଦ୍ଧ | ସେହିଭଳି ଚାଷୀଙ୍କ ପ୍ରମୁଖ ଫସଲ ପାଇଁ ଉପଯୁକ୍ତ ସମର୍ଥନ ରାଶି ପ୍ରଦାନ କରାଯାଇଛି ବୋଲି ଅମିତ ଶାହ କହିବା ସହ ଅନ୍ୟାନ୍ୟ ବହୁ ଯୋଜନାର ସଫଳ ରୂପାୟନ ହୋଇଥିବା କହିଥିଲେ |

ସୂଚନାଯୋଗ୍ୟ ଯେ, ବିଧାନସଭା ନିର୍ବାଚନ ପରିପ୍ରେକ୍ଷୀରେ ଗତକାଲି କଂଗ୍ରେସ ଦଳ ମଧ୍ୟ ନିର୍ବାଚନ ଇସ୍ତାହାର ପ୍ରକାଶ କରିଛି | ଗତକାଲି ଡୋଙ୍ଗରଗଡ଼ ଠାରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ନିର୍ବାଚନ ଇସ୍ତାହାର ଜାରି କରିଥିଲେ | କଂଗ୍ରେସ ନିର୍ବାଚନ ଇସ୍ତାହାରର ନାଁ ‘ଜନ ଘୋଷଣା ପତ୍ର’ ରଖାଯାଇଛି | କଂଗ୍ରେସ କ୍ଷମତାକୁ ଆସିଲେ ଚାଷୀଙ୍କ ଋଣ ଛାଡ କରାଯିବ ବୋଲି ଇସ୍ତାହାରରେ କୁହାଯାଇଛି |

   Related Posts