ନୂଆଦିଲ୍ଲୀ ୦୬/୧୧: ଛଟ୍ ପାଇଁ ପ୍ରସ୍ତୁତି ସାରା ଦେଶରେ ଆରମ୍ଭ ହୋଇଯାଇଛି। ବିହାର, ଝାଡଖଣ୍ଡ ସମେତ କେତେକ ରାଜ୍ୟରେ ଏହି ପର୍ବ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ। ଏହି ପୂଜାରେ ସୂର୍ଯ୍ୟଙ୍କୁ ଅର୍ଘ୍ୟ ଅର୍ପଣ କରାଯାଏ ଏବଂ ଛଟୀ ମାତାଙ୍କୁ ପୂଜା କରାଯାଏ। ପ୍ରତିବର୍ଷ ଛଟ୍ ପୂଜା ଅବସରରେ ଭୋଜପୁରୀର ପ୍ରସିଦ୍ଧ ଗାୟକମାନେ ସେମାନଙ୍କର ନୂଆ ଗୀତ ରିଲିଜ୍ କରନ୍ତି। ପୱନ ସିଂ, ଖେସରୀ ଲାଲ ଯାଦବ, ଅକ୍ଷରା ସିଂ, ଶରଦା ସିହ୍ନା ଛଟ୍ ଗୀତ ଗାଆନ୍ତି କିନ୍ତୁ ବର୍ତ୍ତମାନ ରାନୁ ମଣ୍ଡଳ ମଧ୍ୟ ଛଟ୍ ମା’ଙ୍କ ଗୀତ ଗାଇଛନ୍ତି।

wp:html /wp:html

ରାନୁ ମଣ୍ଡଳଙ୍କ ନାମରେ ପ୍ରସାରିତ ଏହି ଗୀତ ୟୁଟ୍ୟୁବରେ ଖୁବ୍ ଭାଇରାଲ ହେବାରେ ଲାଗିଛି। ଏହି ଭିଡିଓକୁ ୟୁଟ୍ୟୁବ୍ ଚ୍ୟାନେଲରେ ମ୍ରିଦଙ୍ଗ ମ୍ୟୁଜିକ୍ ୱାର୍ଲ୍ଡ ନାମକ ଏକ ୟୁଟ୍ୟୁବର୍ ଅପଲୋଡ୍ କରିଛନ୍ତି। ଯଦିଓ ଏହି ଗୀତକୁ ରାନୁ ମଣ୍ଡଳ ଗାଇ ନାହାଁନ୍ତି କିନ୍ତୁ ଏହା ତାଙ୍କ ନାମରେ ସୋସିଆଲ ମିଡିଆରେ ପ୍ରସାରିତ ହେଉଛି। ଏହି ଗୀତକୁ ଏପର୍ଯ୍ୟନ୍ତ ୯ ଲକ୍ଷରୁ ଅଧିକ ଥର ଦେଖାଯାଇ ସାରିଲାଣି। ଏହି ଗୀତରେ ରାନୁ ମଣ୍ଡଳ ସୂର୍ଯ୍ୟଙ୍କୁ ଅର୍ଘ୍ୟ ଅର୍ପଣ କରୁଥିବା ନଜର ଆସିଛନ୍ତି।

{"width":717,"height":484}

ତେବେ କମେଣ୍ଟରେ ଅନେକ ୟୁଜର୍ସ ଏହା ମଧ୍ୟ କହିଛନ୍ତି ଯେ ଏହା ରାନୁ ମଣ୍ଡଳଙ୍କ ସ୍ୱର ନୁହେଁ। ଜଣେ ୟୁଜର୍ସ ଲେଖିଛନ୍ତି - କେବଳ ଲାଇକ୍ ଏବଂ କମେଣ୍ଟ ପାଇଁ ରାନୁ ମଣ୍ଡଳଙ୍କ ନାମ ଲେଖିବା ଠିକ୍ ନୁହେଁ। ଲୋକମାନେ ଏହି ଭିଡିଓରେ ରାନୁ ମଣ୍ଡଳଙ୍କୁ ଟ୍ରୋଲ କରିବାରେ ବ୍ୟସ୍ତ ଅଛନ୍ତି।