Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବହ୍ମପୁର : ବୋଲେରୋ ଧକ୍କାରେ ଜଣେ ମୃତ
  • ||
  • ଆଜିଠୁ ଅନିର୍ଦ୍ଦିଷ୍ଟ କାଳ ପାଇଁ ତାଳଚେରରେ ଅର୍ଥନୈତିକ ଆନ୍ଦୋଳନ, ସମସ୍ତ ଖଣିରୁ କୋଇଲା ଉତ୍ପାଦନ ସହ ପରିବହନ ବନ୍ଦ
  • ||
  • ନୂଆଦିଲ୍ଲୀ : ୩ ବର୍ଷରେ ପୂରା ହେବ ରାମ ମନ୍ଦିର ନିର୍ମାଣ
  • ||
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||

ପୂଜାରା ଫ୍ଲପ୍ : ଗତ ୧୭ଟି ଇଂନିସ୍‌ରେ ଗୋଟିଏ ବି ଶତକ ହାସଲ କରିପାରିନାହାନ୍ତି, ଚିନ୍ତାରେ ଟିମ୍ ମ୍ୟାନେଜମେଣ୍ଟ୍

27/12/2020 at 3:31 PM

ନୂଆଦିଲ୍ଲୀ ୨୭/୧୨ : ଟେଷ୍ଟ୍ କ୍ରିକେଟ୍‌ରେ ଭାରତର ନିର୍ଭରଯୋଗ୍ୟ ବ୍ୟାଟ୍ସମ୍ୟାନ୍‌ ଚେତେଶ୍ବର ପୂଜାରାଙ୍କର ଖରାପ ଫର୍ମ ଜାରି ରହିଛି । ମେଲବର୍ଣ୍ଣରେ ଜାରି ରହିଥିବା ଦ୍ବିତୀୟ ଟେଷ୍ଟ ମ୍ୟାଚର ପ୍ରଥମ ଇଂନିସରେ ପୂଜାରା ମାତ୍ର ୧୭ ରନକରି ଆଉଟ ହୋଇଯାଇଥିଲେ । ରାହୁଲ ଦ୍ରାବିଡ୍‌ଙ୍କ ଅବସର ପରେ ଟିମ୍ ଇଣ୍ଡିଆର ନୂଆ ‘ଦ-ଓ୍ବାଲ’ କୁହାଯାଉଥିବା ଚେତେଶ୍ବର ପୂଜାରାଙ୍କ ଖରାପ ଫର୍ମ ଦଳକୁ ଚିନ୍ତାରେ ପକାଇଛି । ଏହାର ପ୍ରଭାବ ଦଳର ମଧ୍ୟକ୍ରମ ଖେଳାଳୀଙ୍କ ଉପରେ ପଡୁଛି । ଅଷ୍ଟ୍ରେଲିଆ ବିପକ୍ଷ ଆଡିଲେଡ୍ ଟେଷ୍ଟ୍‌ରେ ପୂଜାରା ପ୍ରଥମ ପାଳିରେ ୪୩ ଓ ଦ୍ବିତୀୟ ପାଳିରେ ଖାତା ଖୋଲିବା ପୂର୍ବରୁ ଆଉଟ ହୋଇଥିଲେ ।

ପୂଜାରା ଏବେ ଖରାପ ଫର୍ମ ଦେଇ ଗତି କରୁଛନ୍ତି । କ୍ରିଜ୍‌ରେ ଅଧିକ ସମୟ ରହୁଥିଲେ ମଧ୍ୟ ରନ୍ ବାହାର କରିବାରେ ସକ୍ଷମ ହେଉନାହାନ୍ତି ପୂଜାରା । ଦ୍ବିତୀୟ ଟେଷ୍ଟର ପ୍ରଥମ ଇଂନିସରେ ୭୦ ବଲରୁ ମାତ୍ର ୧୭ ରନ୍ ସଂଗ୍ରହ କରିଥିଲେ ପୂଜାରା । ସେହିଭଳି ଆଡିଲେଡ୍ ଟେଷ୍ଟରେ ୪୩ ରନ କରିବା ପାଇଁ ୧୬୦ ବଲ ଖେଳିଥିଲେ । ସେହି ମ୍ୟାଚର ଦ୍ବିତୀୟ ପାଳିରେ ୮ ଟି ବଲ ଖେଳି ଖାତା ଖୋଲିବାରେ ସକ୍ଷମ ହୋଇନଥିଲେ ଚେତେଶ୍ବର ପୂଜାରା ।

ଏହାରି ମଧ୍ୟରେ ୩ ନମ୍ବର ସ୍ଥାନରେ ପୂଜାରାଙ୍କୁ ନେଇ ପ୍ରଶ୍ନ ଉଠିବା ଆରମ୍ଭ ହେଲାଣି । ଭାରତ ପାଖରେ କେଏଲ ରାହୁଲଙ୍କ ଭଳି ଷ୍ଟାର ପ୍ଲେୟାର ଅଛନ୍ତି । ରାହୁଲ ଏବେ ଚମତ୍କାର ଫର୍ମ ଦେଇ ଗତି କରୁଛନ୍ତି । ଭାରତୀୟ ଟିମ ପାଇଁ ୩ ନମ୍ବର ସ୍ଥାନରେ ଲମ୍ବା ସମୟ ଧରି ବ୍ୟାଟିଂ କରିବାର କ୍ଷମତା ରାହୁଲଙ୍କ ନିକଟରେ ଅଛି । ଏହା ବାଦ ରାହୁଲ ଓ୍ବିକେଟ୍ କିପିଂ ମଧ୍ୟ କରିପାରନ୍ତି । ଯାହା ଦ୍ବାରା ଭାରତ ଜଣେ ଅଲରାଉଣ୍ଡର, ବୋଲର କିମ୍ବା ବ୍ୟାଟ୍ସମ୍ୟାନଙ୍କୁ ଦଳରେ ସାମିଲ କରିପାରିବ ।

୩୨ ବର୍ଷିୟ ଚେତେଶ୍ବର ପୂଜାରା ଗତ ୧୭ ଟି ପାଳିରେ ଗୋଟିଏ ବି ଶତକ ହାସଲ କରିନାହାନ୍ତି । ଯାହାକି ମ୍ୟାନେଜମେଣ୍ଟ ପାଇଁ ଚିନ୍ତାର କାରଣ ପାଲଟିଛି । ଶେଷ ଥର ପାଇଁ ୨୦୧୮ରେ ଅଷ୍ଟ୍ରେଲିଆ ବିପକ୍ଷରେ ଶତକ ହାସଲ କରିଥିଲେ ଚେତେଶ୍‌ବର ପୂଜାରା । ଚଳିତ ବର୍ଷ ନ୍ୟୁଜିଲାଣ୍ଡ ଗସ୍ତରେ ମୋଟ ୪ଟି ଇଂନିସରେ ମାତ୍ର ୧୦୦ ରନ କରିଥିଲେ । ଭାରତ ଉକ୍ତ ସିରିଜକୁ ୨-୦ରେ ପରାସ୍ତ ହୋଇଥିଲା । ପୂଜାରା ନିଜ ଟେଷ୍ଟ କ୍ୟାରିୟରର ୭୮ଟି ମ୍ୟାଚରୁ ୫୮୮୩ ରନ ସଂଗ୍ରହ କରିଛନ୍ତି । ଯେଉଁଥିରେ ୧୮ ଟି ଶତକ ଏବଂ ୨୫ ଟି ଅର୍ଦ୍ଧଶତକ ସାମିଲ ଅଛି ।

   Related Posts