Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯୁବ ମୋର୍ଚ୍ଚା ନେତାଙ୍କୁ ମାଡ଼ ଘଟଣାରେ ପ୍ରତିବାଦ, ମୁଖ୍ୟମନ୍ତ୍ରୀଙ୍କ କୁଶ ପୁତ୍ତଳିକା ଦାହ କଲା ବିଜେପି
  • ||
  • କାର୍ତ୍ତିକ ମାସର ପ୍ରଥମ ସୋମବାରରେ ଧବଳେଶ୍ଵର ପୀଠରେ ୧୪୪ ଧାରା ଜାରି
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା : ବଦଳିଲେ ତମାଣ୍ଡୋ ଥାନା IIC, ଚନ୍ଦକା ଥାନାର ସବ୍ ଇନ୍ସପେକ୍ଟର ତୁଲାଇବେ ଦାୟିତ୍ବ
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା, କନେଷ୍ଟବଳ ପ୍ରସନ୍ନ ବେହେରା ନିଲମ୍ବିତ
  • ||
  • ଜଗତସିଂହପୁର : ଦେବୀ ନଦୀରେ ବୁଡି ୫ମ ଶ୍ରେଣୀ ଛାତ୍ରଙ୍କ ମୃତ୍ୟୁ, ଅନ୍ୟ ୩ଜଣ ଉଦ୍ଧାର
  • ||
  • ବ୍ରହ୍ମପୁର : ବ୍ରହ୍ମପୁରରେ ସ୍ବର୍ଣ୍ଣିମ ବିଜୟ ବର୍ଷ ପାଳିତ, ପୋଲିସ ରିଜର୍ଭ ଗ୍ରାଉଣ୍ଡରେ ପହଞ୍ଚିଲା ମଶାଲ
  • ||
  • ଭୁବନେଶ୍ବର : ତେଲ ଟ୍ୟାଙ୍କରରେ ଗଞ୍ଜେଇ ଚାଲାଣ, ଅଢେଇ କ୍ବିଣ୍ଟାଲ ଗଞ୍ଜେଇ ସହ ୨ ଜଣଙ୍କୁ ଗିରଫ କଲା ଏନ୍‌ସିବି
  • ||
  • ବାଲିପାଟଣା : ବୃଦ୍ଧଙ୍କୁ ଚାପିଦେଲା ହାଇଓ୍ବା, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ସୁନ୍ଦରଗଡ : ଗଛରୁ ଉଦ୍ଧାର ହେଲା ଯୁବକଙ୍କ ଝୁଲନ୍ତା ମୃତଦେହ, ଆତ୍ମହତ୍ୟା ସନ୍ଦେହ
  • ||
  • ବାରିପଦା : ମୟୁରଭଞ୍ଜରେ ସ୍ବାସ୍ଥ୍ୟ ସ୍ମାର୍ଟ କାର୍ଡ ବାଣ୍ଟିଲେ ମୁଖ୍ୟମନ୍ତ୍ରୀ, ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ
  • ||

କୋଲକାତା ବିପକ୍ଷରେ ଚେନ୍ନାଇର ରୋମାଞ୍ଚକର ବିଜୟ : ଶେଷ ବଲରେ ଜିତିଲା ଚେନ୍ନାଇ, ଜାଡେଜାଙ୍କ ବିସ୍ଫୋରକ ବ୍ୟାଟିଂରେ ଚିତ୍‌ପଟାଙ୍ଗ କେକେଆର୍‌

26/09/2021 at 7:29 PM

ଦୁବାଇ ୨୬/୦୯ : ଇଣ୍ଡିଆନ ପ୍ରିମିୟର ଲିଗର ଆଜିର ମ୍ୟାଚରେ ମୁହାଁମୁହିଁ ହୋଇଥିଲେ ଚେନ୍ନାଇ ସୁପର କିଙ୍ଗସ ଏବଂ କୋଲକାତା ନାଇଟ୍ ରାଇଡର୍ସ । ବ୍ୟାଟ୍ସମ୍ୟାନଙ୍କ ଦମଦାର ବ୍ୟାଟିଂ ବଳରେ ରୋମାଞ୍ଚକର ବିଜୟ ହାସଲ କରିଛି ଚେନ୍ନାଇ ସୁପର କିଙ୍ଗସ୍‌ । ପ୍ରସିଦ୍ଧ କ୍ରିଷ୍ଣାଙ୍କ ଓଭର ମ୍ୟାଚର ଟର୍ଣ୍ଣିଂ ପଏଣ୍ଟ ହୋଇଛି । ଶେଷ ୧୨ ବଲରୁ ଚେନ୍ନାଇ ୨୬ ରନ ଆବଶ୍ୟକ କରୁଥିବା ବେଳେ ପ୍ରସିଦ୍ଧଙ୍କ ୧୯ ତମ ଓଭରରେ ରନ ବର୍ଷା କରିଛନ୍ତି ଜାଡେଜା । ଜାଡେଜା ୮ ବଲରୁ ୨ଟି ଚୌକା ଏବଂ ୨ଟି ଛକା ସହାୟତାରେ ୨୨ ରନର ବିସ୍ଫୋରକ ଇନିଂସ ଚେନ୍ନାଇକୁ ରୋମାଞ୍ଚକର ବିଜୟ ଦେଇଛି ।  ଓପନିଂ ଯୋଡି ଋତୁରାଜ ଗାୟକଓ୍ବାଡ୍‌ ଏବଂ ଫାଫ୍‌ ଡୁ’ ଫ୍ଲେସିସ୍‌ ଚମତ୍କାର ଆରମ୍ଭ କରିଥିଲେ । ଋତୁରାଜ ବ୍ୟକ୍ତିଗତ ଭାବେ ୪୦ ଏବଂ ଫାଫ୍‌ ଡୁ ପ୍ଲେସିସ୍‌ ୪୩ ରନ କରି ଆଉଟ ହୋଇଥିଲେ ।

Image

ଅନ୍ୟମାନଙ୍କ ମଧ୍ୟରେ ମୋଇନ୍‌ ଅଲ୍ଲୀ ୩୨ରନ, ଅମ୍ବାତି ରାୟୁଡୁ ୧୧ ରନ କରି ଆଉଟ ହୋଇଥିଲେ । ଅଧିନାୟକ ଏମ୍‌ଏସ୍‌ ଧୋନୀ ମାତ୍ର ୧ ରନ, ସାମ କରନ ୪ ରନ, ଜାଡେଜା ୨୨ ରନ କରି ଆଉଟ ହୋଇଛନ୍ତି । ଦୀପକ ଚହର ୧ ଏବଂ ଶାର୍ଦ୍ଦୁଳ ଠାକୁର ୩ ରନ କରି ଅପରାଜିତ ଅଛନ୍ତି ।

କୋଲକାତା ପକ୍ଷରୁ ଲୋକି ଫର୍ଗ୍ୟୁସନ୍‌ ୪ ଓଭରରେ ୩୩ ରନ ଦେଇ ଗୋଟିଏ ଓ୍ବିକେଟ ନେଇଥିବା ବେଳେ, ବରୁଣ ଚକ୍ରବର୍ତ୍ତୀ ୪ ଓଭରରେ ୨୨ ରନ ୧ ଓ୍ବିକେଟ, ଭେଙ୍କେଟସ୍‌ ଆୟର ୧ ଓଭରରେ ୫ ରନ, ସୁନୀଲ ନାରିନ୍‌ ୪ ଓଭରରେ ୪୧ ରନ ଦେଇ ୩ଟି ଓ୍ବିକେଟ୍‌, ଆ​‌େ​‌ନ୍ଧ୍ର ରସେଲ ୩ ଓଭରରେ ୨୮ ରନ ୧ ଓ୍ବିକେଟ୍‌, ପ୍ରସିଦ୍ଧ କ୍ରିଷ୍ଣା ୪ ଓଭରରେ ୪୧ ରନ ଦେଇ ଗୋଟିଏ ଓ୍ବିକେଟ ନେଇଛନ୍ତି ।

ଇଣ୍ଡିଆନ ପ୍ରିମିୟର ଲିଗ୍‌ର ୩୮ତମ ମୁକାବିଲାରେ ମୁହାଁମୁହିଁ ହୋଇଥିଲେ ଧୋନୀଙ୍କ ଚେନ୍ନାଇ ସୁପର କିଙ୍ଗସ୍ ଏବଂ ମୋର୍ଗାନଙ୍କ କୋଲକାତା ନାଇଟ୍‌ ରାଇଡର୍ସ । ଟସ୍ ଜିତି ପ୍ରଥମେ ବ୍ୟାଟିଂ କରିଥିବା କୋଲକାତା ନିର୍ଦ୍ଧାରିତ ଓଭରରେ ୬ ଓ୍ବିକେଟ ହରାଇ ସଂଗ୍ରହ କରିଥିଲା ୧୭୧ ରନ । ଦଳ ପକ୍ଷରୁ ରାହୁଲ ତ୍ରିପାଠୀ ଭଲ ଇନିଂସ ଖେଳିଥିଲେ । ଶେଷରେ ଦିନେଶ କାର୍ତ୍ତିକ ଏବଂ ନୀତିଶ ରାଣା ବିସ୍ଫୋରକ ବ୍ୟାଟିଂ କରି ଏକ ଫାଇଟିଂ ସ୍କୋର ଛିଡା କରିଥିଲେ । ଅନ୍ୟପଟେ ଲମ୍ବା ବ୍ୟାଟିଂ ଲାଇନ୍‌ ଅପ୍‌ ଥିବା ଚେନ୍ନାଇ ପୁଣି ଥରେ ପ୍ରମାଣିତ କରିଛି ।

କେକେଆର୍‌ ପକ୍ଷରୁ ଓପନିଂ ବ୍ୟାଟିଂ ଆସିଥିବା ଶୁଭମାନ ଗିଲ ଏବଂ ଭେଙ୍କେଟସ୍‌ ଆୟର ନିରାଶ କରିଥିଲେ । ଗିଲ ମାତ୍ର ୯ ନର କରି ଆଉଟ ହୋଇଥିବା ବେଳେ ଭେଙ୍କେଟସ ଆୟର ୧୮ ରନ କରି ଆଉଟ ହୋଇଥିଲେ । ସେହିଭଳି ରାହୁଲ ତ୍ରିପାଠୀ ଚମତ୍କାର ଇନିଂସ ଖେଳି ୪୫ରନର ଇନିଂସ ଖେଳିଥିଲେ । ଅଧିନାୟକ ଇୟନ ମୋର୍ଗାନ୍‌ ୮ରନ, ଆ​‌େ​‌ନ୍ଧ୍ର ରସେଲ ୨୦ ରନ, ଶେଷରେ ଦିନେଶ କାର୍ତ୍ତିକ ବିସ୍ଫୋରକ ବ୍ୟାଟିଂ କରି ୧୧ ବଲରୁ ୨୬ କରି ଆଉଟ ହୋଇଥିଲେ । ନୀତିଶ ରାଣା ୩୭ ଏବଂ ସୁନୀଲ ନାରିନ୍‌ ୦ ରନ ସଂଗ୍ରହ କରି ଅପରାଜିତ ଥିଲେ ।

ଚେନ୍ନାଇ ସୁପର କିଙ୍ଗସ୍ ପକ୍ଷରୁ ଦୀପକ ଚହର ୪ ଓଭରରେ ୨୩ ରନ ଦେଇଥିବା ବେଳେ, ସାମ୍‌ କରନ ୪ ଓଭରରେ ୫୬ରନ, ଗୋସ ହେଜେଲଉଡ ୪ ଓଭରରେ ୪୦ ରନ ୨ ଓ୍ବିକେଟ୍‌, ଶାର୍ଦ୍ଦୁଳ ଠାକୁର ୪ ଓଭରରେ ୨୦ ରନ ୨ ଓ୍ବିକେଟ୍‌ ଏବଂ ରବୀନ୍ଦ୍ର ଜାଡେଜା ୪ ଓଭରରେ ୨୧ ରନ ଦେଇ ୧ ଓ୍ବିକେଟ ନେଇଥିଲେ । 

   Related Posts