ତେଲକୋଇ ୧୬।୦୯: ଲଗାଣ ବର୍ଷାରେ ଭାସିଗଲା ଚେକ୍ ଡ୍ୟାମ୍ । ନିମ୍ନମାନର କାମ ଯୋଗୁଁ ଲଗାଣ ବର୍ଷାରେ ଭାସିଗଲା ଚେକ୍ ଡ୍ୟାମ୍ । କେନ୍ଦୁଝର ଜିଲ୍ଲା ତେଲକୋଇ ବ୍ଲକ ରାଇସୁଆଁ ଗାଁ ଗୋଡଭଙ୍ଗା ନାଳ ଉପରେ ନିର୍ମାଣ ହୋଇଥିଲା ଏହି ଡ୍ୟାମ୍ ।
ଖବର ଅନୁଯାୟୀ, ୧୫ ଲକ୍ଷ ଟଙ୍କା ବ୍ୟୟ ଅଟକଳରେ କ୍ଷୁଦ୍ର ଚାଷୀଙ୍କ ଜମିକୁ ଜଳସଚେନର ସୁବିଧା ପାଇଁ ନିର୍ମାଣ ହୋଇଥିଲା ଚେକ୍ଡ୍ୟାମ୍ । କିନ୍ତୁ ନିମ୍ନମାନର କାମ ଯୋଗୁଁ ଏହା ଭୂଷୁଡି ପଡିଥିବା ଜଣାପଡିଛି। ଠିକାଦାର ଓ ଯନ୍ତ୍ରୀ ଙ୍କ ମଧୁଚନ୍ଦ୍ରିକା ଯୋଗୁଁ ନିମ୍ନ ମାନର କାମ ହୋଇଥିବା ଚାଷୀ ମାନେ ଅଭିଯୋଗ କରିଛନ୍ତି । ଏହି ଚେକ୍ ଡ୍ୟାମ୍ ଉପରେ ଗାଁର ଅନେକ ଚାଷୀ ନିର୍ଭର କରି ଚାଷକାମ କରିଥିଲେ ।କିନ୍ତୁ ଏବେ ଚେକ୍ ଡ୍ୟାମ୍ ଭୂଷୁଡି ଯିବା ଫଳରେ ଚାଷକାମ ବାଧାପ୍ରାପ୍ତ ହେବା ନେଇ ଆଶଙ୍କା ଦେଖାଦେଇଛି । ଯଥାଶୀଘ୍ର ଚାଷୀଙ୍କ ଜମିକୁ ପାଣି ବ୍ୟବସ୍ଥା କରିବା ପାଇଁ ଦାବି ହୋଇଛି ।
