Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୩୯ କୋଭିଡ୍ ପଜିଟିଭ୍
  • ||
  • ବିଜେପି ନେତା ଫଡନାଭୀସଙ୍କ ଶରଣରେ କଂଗ୍ରେସ ନେତା, କହିଲେ- ‘ଆମ ପ୍ରାର୍ଥୀଙ୍କୁ ଜିତିବାରେ ସାହାଯ୍ୟ କର’
  • ||
  • ଆସୁଛି ବଡ ବର୍ଷା : ସନ୍ଧ୍ୟାରେ ଲଘୁଚାପରେ ପରିଣତ ହେବ ଘୂର୍ଣ୍ଣିବଳୟ
  • ||
  • ଉପରମୁଣ୍ଡରେ ବର୍ଷା, ବଢୁଛି ହୀରାକୁଦର ଜଳସ୍ତର
  • ||
  • ମହାନଦୀରେ ଭାସିଗଲେ ହାତୀପଲ : ମୁଣ୍ଡଳି ବ୍ରିଜରେ ଲାଖି ରହିଛି ହାତୀ ଛୁଆ
  • ||

ଭାଙ୍ଗି ଗଲା ଆଡିବନ୍ଧ, ହଜାର ହଜାର ହେକ୍ଟର ଚାଷ ଜମି ଜଳମଗ୍ନ ; ଚାଷୀ ମୁଣ୍ଡରେ ଚଡକ

2/02/2019 at 4:40 PM

ଟିଟିଲାଗଡ ୨|୨: ଭାଙ୍ଗି ଗଲା ଆଡିବନ୍ଧ । ହଜାର ହଜାର ହେକ୍ଟର ଚାଷ ଜମିରେ ମାଡିଗଲା ନଦୀ ପାଣି । ବଲାଙ୍ଗୀର ଟିଟିଲାଗଡର ଚାଷୀ ମୁଣ୍ଡରେ ପଡିଛି ଚଡକ । କୋଟି କୋଟି ଟଙ୍କାର ଆଡିବନ୍ଧ କାମରେ ବାରି ହୋଇଛି ଦୁର୍ନୀତିର ଗନ୍ଧ । ପ୍ରଶାଶନ ଓ ଠିକାଦାରଙ୍କ ମଧୁଚନ୍ଦ୍ରିକାରେ ନିମ୍ନମାନର କାମ ହେଉଥିବା ଅଭିଯୋଗ ହୋଇଥିବା ବେଳେ ଉପଜିଲ୍ଲାପାଳଙ୍କ ପାଖରେ ଖବର ନାହିଁ ।

ଭାଙ୍ଗି ଯାଇଛି ବନ୍ଧା ଯାଇଥିବା ଆଡିବନ୍ଧ । ହେକ୍ଟର ହେକ୍ଟର ଚାଷ ଜମିକୁ ମାଡି ଯାଇଛି ନଦୀ ପାଣି । ଚାଷ ଜମିରେ ବାଲି ଚରିଯାଇଛି । ନଷ୍ଟ ହୋଇ ଯାଇଛି ଅମଳକ୍ଷମ ଫସଲ । ଆପଣ ଦେଖୁଥିବା ଏହି ଦୃଶ୍ୟ ହେଉଛି, ବଲାଙ୍ଗିର ଜିଲ୍ଲା ଟିଟିଲାଗଡ ବେଲଗାଁର । ବେଲଗାଁ ଦେଇଯାଇଛି ତେଲ ନଦୀ । ନଦୀ ପାଖରେ ରହିଛି ହଜାର ହଜାର ହେକ୍ଟର ଚାଷଜମି ।

ପ୍ରତିବର୍ଷ ବର୍ଷା ଆସିଲେ ବଢି ପାଣି ଖେତକୁ ପସିବା ସହ ମାଡିଯାଇଥାଏ ବାଲି । ଚଳିତ ବର୍ଷ ମଧ୍ୟ ସେଭଳି ପରିସ୍ଥିତି ହୋଇଥିଲା । ଏଥିପାଇଁ କୋଟି କୋଟି ଟଙ୍କା ଖର୍ଚ କରି ଆଡିବନ୍ଧ କାମ ହୋଇଥିଲା । ପ୍ରଶ୍ନ ଉଠୁଛି ଆଡିବନ୍ଧ ଭାଙ୍ଗିଲା କିପରି ? ନିମ୍ନମାନର କାମ ହୋଇଥିଲା କି ? ନା ହାଲକାପୁଲକା କାମ କରି କାମ ସାରି ଦେଇଥିଲେ ଠିକାଦାର । ନା ସରକାରି ବାବୁ ଓ ଠିକାଦାରଙ୍କ ମିଲିଭଗତରେ ଚାଲିଥିଲା ନିମ୍ନମାନର କାମ ।

୧୦ କୋଟି ୪ ଲକ୍ଷ ୯ ହଜାର ୯୩୮ ଟଙ୍କା ବ୍ୟୟରେ ହୋଇଥିବା ଆଡିବନ୍ଧ କାମ । ନିମ୍ନମାନର କାମ ହୋଇଥିବାରୁ ନଇ ବଢିରେ ଧୋଇଯାଇଛି ଆଡିବନ୍ଧ । ମେଟାଲ ଓ ପଥର ଦେଇ ଆଡିବନ୍ଧ ତିଆରି କରିବା ବଦଳରେ ଏଠି ନାଲିମାଟି ଓ ବାଲିରେ ହୋଇଛି ଆଡିବନ୍ଧ ତିଆରି । ଯାହା ଏବେ  ଚାଷୀଙ୍କ ପାଇଁ କାଳ ହୋଇଛି  । ସେପଟେ ଉପଜିଲ୍ଲାପାଳ କହିଛନ୍ତି, କଣ କାମ ହୋଇଛି ତଦନ୍ତ ପରେ ଜଣାପଡିବ । ଏ ଘଟଣାକୁ ୭ ମାସରୁ ଅଧିକ ବିତିଲାଣି । ହେଲେ ନାଁ ଠିକାଦାରଙ୍କ ଉପରେ କଟକଣା ଲାଗିଛି ନାଁ କାର୍ଯ୍ୟାନୁଷ୍ଠାନ ଗ୍ରହଣ ହୋଇଛି ।

ଚାଷ ଜମିକୁ ପାଣି ମାଡିବ । କ୍ଷେତରେ ଫଳିବ ସୁନାର ଫସଲ । ଏଥିପାଇଁ ସରକାରୀ ଯୋଜନାର ରହିଛି ଲମ୍ବା ଲିଷ୍ଟ । ଚାଷୀଙ୍କ ଉନ୍ନତି ପାଇଁ ପାଣି ପରି ଟଙ୍କା ବି ଖର୍ଚ୍ଚ ହେଉଛି । ହେଲେ କୋଟି କୋଟି ଟଙ୍କା ବ୍ୟୟରେ ନିର୍ମାଣ ହୋଇଥିବା ଆଡିବନ୍ଧ ଭାଙ୍ଗି ଧୋଇ ଯାଇଛି ଫସଲ । ଏଥିପାଇଁ ଦାୟୀ କିଏ, ଏହା ଏବେ ପ୍ରଶ୍ନବାଚୀ ।

   Related Posts