Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୫ ହଜାରରୁ ଅଧିକ କରୋନା ପଜିଟିଭ୍, ୮୭୧ ମୃତ
  • ||
  • ବଜେଟ ପୂର୍ବରୁ ହେବନି ହାଲୁଆ ଉତ୍ସବ, ଏଥର ମୋବାଇଲ ଆପ୍ଲିକେସନରେ ମିଳିବ ସବୁ ତଥ୍ୟ
  • ||
  • ନୟାଗଡ : ଧାନବସ୍ତା ଚୋରି ପଡିଲା ମହଙ୍ଗା, ୨ ଯୁବକଙ୍କୁ ଗାଁ ଦାଣ୍ଡରେ ବାନ୍ଧିଦେଲେ ଲୋକେ
  • ||
  • ଭଦ୍ରକ : ଭିନ୍ନକ୍ଷମ ସାର୍ଟିଫିକେଟ୍‌ର ପୁନଃ ଯାଞ୍ଚ ପାଇଁ ଦାବି କଲା ଓଡିଶା ଭିନ୍ନକ୍ଷମ ମଞ୍ଚ
  • ||
  • ଘଟଗାଁ : ନାଳରୁ ମିଳିଲା ଅଜଣା ବ୍ୟକ୍ତିଙ୍କ ମୃତଦେହ, ହତ୍ୟା କରି ପାଣିରେ ଫିଙ୍ଗି ଦେଇଥିବା ସନ୍ଦେହ
  • ||
  • ରାଜ୍ୟରେ ଆଉ ୧୫ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୭୫କୁ ବୃଦ୍ଧି
  • ||
  • ରାଜ୍ୟରେ କମୁଛି ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୪୮୪୨ କୋଭିଡ୍ ପଜିଟିଭ୍, ୧୨୪୧୦୬୮ରେ ପହଞ୍ଚିଲା ସଂଖ୍ୟା
  • ||
  • ଭୁବନେଶ୍ବର : ଭୁବନେଶ୍ବର ଓ ବ୍ରହ୍ମପୁର ମେୟର ପଦବୀ ମହିଳାଙ୍କ ପାଇଁ ସଂରକ୍ଷିତ, କଟକ ପଦବୀ ଅଣସଂରକ୍ଷିତ
  • ||
  • ମୋରଡା : ଭାରସାମ୍ୟ ହରାଇ ପୋଲ ତଳକୁ ଖସିଲା ସ୍କର୍ପିଓ, ୪ ଗୁରୁତର ମେଡିକାଲରେ ଭର୍ତ୍ତି
  • ||
  • ଲମତାପୁଟ : ପୁଣି ଅପରେସନ୍ ଗ୍ରୀନ୍ କ୍ଲିନ୍ ଆରମ୍ଭ : ମାଓ ପ୍ରଭାବିତ ଅଞ୍ଚଳରେ ୮ଏକର ଗଞ୍ଜେଇ ଚାଷ ନଷ୍ଟ
  • ||

‘ମୋତେ ଠକିଲୁ, ଏବେ ବନ୍ଧା ହେଲୁ’: ପ୍ରତାରକ ଗଲା ଜେଲ୍‌

1/07/2020 at 3:42 PM

ଭୁବନେଶ୍ୱର ୦୧।୦୭ : ବିବାହର ପ୍ରତିଶ୍ରୁତି ଦେଇ ଜଣେ ନର୍ସଙ୍କୁ ଦୁଷ୍କର୍ମ କରିବା ଅଭିଯୋଗରେ ନୂଆପଲ୍ଲୀ ଥାନା ପୁଲିସ ଜଣେ ଯୁବକଙ୍କୁ ଗିରଫ କରିଛି । ତାଙ୍କ ନାମ ମିହିର ପ୍ରସାଦ ବାରିକ (୩୨) । ଘର ଖୋର୍ଦ୍ଧା ସଦର ଥାନା ଅନ୍ତର୍ଗତ ଗୋଡ଼ିସାହି ଅଞ୍ଚଳର ବୋଲି ଜଣାପଡିଛି । ସେ ରେଣ୍ଟାଲ କଲୋନୀରେ ରହି ଏକ ସେଲୁନ୍‌ କରିଥିଲେ ।

ପୁଲିସ ସୂଚନା ଅନୁଯାୟୀ, କଟକ ସାଲେପୁର ଅଞ୍ଚଳର ପ୍ରିୟଙ୍କା (ଛଦ୍ମନାମ, ୩୦) ନୂଆପଲ୍ଲୀରେ ଘର ଭଡ଼ା ନେଇ ରହୁଥିଲେ । ସେ ନର୍ସିଂ ଟ୍ରେନିଂ ପରେ କପିଳେଶ୍ୱର ଓ ନୂଆପଲ୍ଲୀରେ ଦୁଇ ରୋଗୀଙ୍କୁ ଘରୋଇ ସେବା କରୁଥିଲେ । ମିହିରଙ୍କ ସହ ତାଙ୍କର ଭେଟ ହେବା ପରେ ପ୍ରିୟଙ୍କା ତାଙ୍କ ଭଉଣୀଙ୍କ ପାଇଁ ବିବାହ ଠିକ୍‌ କରିଦେବାକୁ ମିହିରଙ୍କୁ କହିଥିଲେ । କିନ୍ତୁ ମିହିର ପ୍ରିୟଙ୍କାଙ୍କୁ ଭଲ ପାଉଥିବା ଓ ବିବାହ କରିବାକୁ ଚାହୁଁଥିବା ପ୍ରସ୍ତାବ ଦେଇଥିଲେ । ଏହାପରେ ଉଭୟଙ୍କ ମଧ୍ୟରେ ପ୍ରେମ ସଂପର୍କ ଗଢ଼ି ଉଠିଥିଲା । ବିବାହର ପ୍ରତିଶ୍ରୁତି ଦେଇ ମିହିର ପ୍ରିୟଙ୍କାଙ୍କ ସହ ଦୈହିକ ସଂପର୍କ ରଖିଥିଲେ । ତେବେ ୬ ମାସ ହେବ ମିହିରଙ୍କର ଆଉ ଦେଖା ଦର୍ଶନ ମିଳିନଥିଲା । ପ୍ରିୟଙ୍କା ମୋବାଇଲରେ ଯୋଗାଯୋଗ କରୁଥିଲେ ମଧ୍ୟ ମିହିର ଫୋନ୍‌ ଉଠାଉ ନଥିଲେ ।

ଏହା ଭିତରେ ମିହିରଙ୍କର ଅନ୍ୟ ଜଣେ ଯୁବତୀଙ୍କ ସହ ବିବାହ ଦିନ ଧାର୍ଯ୍ୟ ହୋଇଥିଲା । ତାଙ୍କର ନିର୍ବନ୍ଧ ମଧ୍ୟ ସରିଥିଲା । ଏହି ଖବର ପାଇବା ପରେ ପ୍ରିୟଙ୍କା ସଂପୃକ୍ତ ଯୁବତୀଙ୍କ ଘରେ ପହଞ୍ଚି ମିହିର ଓ ତାଙ୍କ ସଂପର୍କ ବିଷୟରେ ଜଣାଇଥିଲେ । ତେଣୁ ମିହିରଙ୍କର ବିବାହ ପ୍ରସ୍ତାବ ଭାଙ୍ଗି ଯାଇଥିଲା । ସେପଟେ ପ୍ରତାରଣାର ଶିକାର ପ୍ରିୟଙ୍କା ମିହିରଙ୍କ ବିରୋଧରେ ନୂଆପଲ୍ଲୀ ଥାନାରେ ଏତଲା ଦେଇଥିଲେ । ବିଳମ୍ବିତ ରାତିରେ ପୁଲିସ ଖୋର୍ଦ୍ଧା ଗୋଡ଼ିସାହିରେ ଚଢ଼ାଉ କରି ମିହିରଙ୍କୁ ଗିରଫ କରିଥିଲା । ପରେ ମିହିରଙ୍କୁ କୋର୍ଟ ଚାଲାଣ କରାଯାଇଛି ।

   Related Posts