Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ସବୁଠାରୁ ଶସ୍ତା ଇଲେକ୍ଟ୍ରିକ୍ ବାଇକ୍ : ଦାମ୍ ୨୦ ହଜାରରୁ ମଧ୍ୟ କମ୍, ଘରେ ବସି କରନ୍ତୁ ବୁକ୍

16/08/2020 at 6:38 PM

ନୂଆଦିଲ୍ଲୀ, ୧୬|୦୮:  ଶସ୍ତା ଫୋନ୍ ଓ ଏଲଇଡି ଟିଭି ପରେ ଡିଟେଲ୍ ଇଣ୍ଡିଆ ଏବେ ଇଲେକ୍ଟ୍ରିକ୍ ବାହାନ ଭାରତୀୟ ବଜାରରେ ଲଞ୍ଚ୍ କରିଛି । କୌଣସି ସ୍ଥାନକୁ ଯାତ୍ରା କଲେ କିମି ପିଛା ମାତ୍ର ୨୦ ପଇସା ଖର୍ଚ୍ଚ ହେବ ବୋଲି କମ୍ପାନୀ କହିଛି ।

ଏହି ଇଲେକ୍ଟ୍ରିକ୍ ଦୁଇଚକିଆ ଯାନର ନାଁ ହେଉଛି ଡିଟେଲ୍ ଇଜି । କମ୍ପାନୀ ଦାବି କରିଛି ଯେ, ଏହା ସବୁଠାରୁ ଶସ୍ତା ଇଲେକ୍ଟ୍ରିକ୍ କାର୍ । ଏହି ବାଇକ୍ ତିନୋଟି କଲରରେ ଉପଲବ୍ଧ । ପର୍ଲ ହ୍ୱାଇଟ୍, ମେଟାଲିକ୍ ରେଡ୍ ଓ ଜେଣ୍ଟ୍ ବ୍ଲାକରେ ଏହି ଯାନ ଉପଲବ୍ଧ ।

ଏବେସୁଦ୍ଧା ଭାରତୀୟ ବଜାରରେ ଏହାଠୁ ଶସ୍ତା ଇଲେକ୍ଟ୍ରିକ୍ ଦୁଇ ଚକିଆ ଯାନ ନାହିଁ . ଏହାର ଦାମ୍ ରହିଛି ୧୯୯୯୯ ଟଙ୍କା । ଏହାକୁ କିଣିବା ସହ ଚଲାଇବାରେ ମଧ୍ୟ କମ୍ ଖର୍ଚ୍ଚ ହେବ ବୋଲି କମ୍ପାନୀ କହିଛି । ଏହାକୁ କମ୍ପାନୀର ଓ୍ୱେବସାଇଟରୁ କିଣିହେବ ।

ଏହାକୁ ଚଲାଇବା ପାଇଁ କୌଣସି ଲାଇସେନ୍ସ ଆବଶ୍ୟକ ନାହିଁ । ଏହାକୁ ରେଜିଷ୍ଟ୍ରେସନ ମଧ୍ୟ କରିବାକୁ ପଡିବ ନାହିଁ । ଏହାକୁ ଥରେ ଚାର୍ଚ୍ଚ କଲେ ଏହା ୬୦ କିମି ଯାଇପାରିବ । ଏହାର ସ୍ପିଡ ଘଣ୍ଟା ପ୍ରତି ୨୫ କିମି । ଏହା ମାତ୍ର ୮ ଘଣ୍ଟାରେ ଫୁଲ୍ ଚାର୍ଜ୍ଜ ହୋଇଯାଏ ।

   Related Posts