Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବୌଦ୍ଧ : ସମ୍ପତ୍ତି ପାଇଁ ଭାଇ ହେଲା ବଇରୀ, ରକ୍ତ ସମ୍ପର୍କକୁ ଭୁଲି ମାରି ପୋଡିଦେଲେ ସାନ ଭାଇକୁ
  • ||
  • ନୟାଗଡ : ଗ୍ରାମବାସୀଙ୍କ ମାଡରେ ଲୁଟେରା ମୃତ ! ଚେନ୍ ଲୁଟ୍ ଉଦ୍ୟମ ବେଳେ ଧରି ଛେଚିଥିଲେ ଲୋକେ
  • ||
  • ମଣ୍ଡିରେ ବିକ୍ରି ହେଉନି ଧାନ, ପ୍ରତିବାଦରେ ରାସ୍ତାରୋକ କଲେ ଚାଷୀ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୧୬ ଛୁଇଁଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୮୬ କୋଭିଡ୍ ପଜିଟିଭ୍, ୩୩୭୨୭୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଟଙ୍କା ଦେବାକୁ ମନା କରିବାରୁ ରକ୍ତ ସମ୍ପର୍କ ଭୁଲିଗଲା ମଦ୍ୟପ ପୁଅ, କଟୁରୀରେ ବାପାକୁ ହାଣିଦେଲା
  • ||
  • ନୟାଗଡ : ଲୁଟ୍ ଉଦ୍ୟମ ବେଳେ ଗାଁ ଲୋକଙ୍କ ମାଡରେ ଲୁଟେରା ମୃତ
  • ||
  • ଧର୍ମଗଡ : ରୋଷେଇ ଗ୍ୟାସ୍‌ରୁ ଲାଗିଲା ନିଆଁ, ଯୁବତୀ ଜୀବନ୍ତ ଦଗ୍ଧ
  • ||
  • ଭୁବନେଶ୍ବର : କରୋନା ଟିକା ନେଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||
  • ହୁତୁହୁତୁ ହୋଇ ଜଳୁଛି ସଂରକ୍ଷିତ ଜଙ୍ଗଲ, ଗାଁ ମୁହାଁ ବନ୍ୟଜନ୍ତୁ
  • ||

ଭାରତ ଇତିହାସର ବୀରପୁତ୍ର ଛତ୍ରପତି ଶିବାଜୀ ମହାରାଜ: ମୁଗଲଙ୍କୁ ପରାସ୍ତ କରି ଜିତିଥିଲେ ଅନେକ ଗଡ, ଜାଣନ୍ତୁ ତାଙ୍କ ଜୀବନ କାହାଣୀ

17/02/2021 at 1:08 PM

ନୂଆଦିଲ୍ଲୀ ୧୭/୦୨ : ଭାରତ ଇତିହାସରେ ଅନେକ ବୀର ପୁତ୍ର ଅଛନ୍ତି ଯାହାଙ୍କ ବଳିଦାନ ଦେଶ ପାଇଁ ସ୍ମରଣୀୟ। ଏମାନଙ୍କ ମଧ୍ୟରେ ଜଣେ ହେଲେ ଛତ୍ରପତି ଶିବାଜୀ ମହାରାଜ। ଛତ୍ରପତି ଶିବାଜୀ ଜଣେ ମହାନ ଦେଶଭକ୍ତ ଥିଲେ ଓ ଜଣେ କୁଶଳ ପ୍ରଶାସକ ମଧ୍ୟ। ୧୬୭୦ ରେ ମୁଗଲ ସେନା ସହ ସେ ଯୁଦ୍ଧ କରିଥିଲେ। ମୁଗଲଙ୍କୁ ପରାଜିତ କରି ସିଂହଗଡ ଦୁର୍ଗରେ ବିଜୟ ପତାକା ଉଡ଼ାଇଥିଲେ। ଏହାପରେ ୧୬୭୪ ମସିହାରେ ପଶ୍ଚିମ ଭାରତରେ ମରାଠା ସାମ୍ରାଜ୍ୟର ଭିତ୍ତିପ୍ରସ୍ତର ସ୍ଥାପନ କରିଥିଲେ।

ଛତ୍ରପତି ଶିବାଜୀ ୧୬୩୦ ମସିହା ଫେବୃଆରୀ ୧୯ ତାରିଖରେ ଶିବନେରୀ ଦୁର୍ଗରେ ଜନ୍ମ ହୋଇଥିଲେ। ଏଥର ଦେଶରେ ତାଙ୍କର ୩୯୧ତମ ଜୟନ୍ତୀ ପାଳନ ହେଉଛି। ଶିବାଜୀଙ୍କ ପିତା ଶାହଜୀ ଭୋସଲେ ସେନାରେ ସେନାପତି ଥିଲେ। ତାଙ୍କ ମାତା ଜିଜାବାଇ ଧାର୍ମିକ ସ୍ୱଭାବର ଥିଲେ। ପିଲାଦିନୁ ଶିବାଜୀ ଧାର୍ମିକ ଗ୍ରନ୍ଥ ଶୁଣି ଆସୁଥିଲେ। ସେଥିପାଇଁ ପିଲାଦିନୁ ହିଁ ତାଙ୍କ ମନରେ ଶାସକ ବର୍ଗଙ୍କ କ୍ରୁର ନୀତି ବିରୋଧରେ ଲଢ଼ିବାକୁ ନିଆଁ ଜାଗି ଉଠିଥିଲା।

ଶିବାଜୀ ଭାରତର ଜଣେ ମହାନ ଯୋଦ୍ଧା ଓ କୁଶଳ ରଣନୀତିଜ୍ଞ ଥିଲେ। ଶିବାଜୀ ଗରିଲ୍ଲା ଯୁଦ୍ଧର ଏକ ନୂଆ ଶୈଳୀ ବିକଶିତ କରିଥିଲେ। ସେ ନିଜ ରାଜକାର୍ଯ୍ୟରେ ଫରାସୀ ବଦଳରେ ମରାଠୀ ଓ ସଂସ୍କୃତକୁ ଅଧିକ ମହତ୍ତ୍ୱ ଦେଉଥିଲେ। ସେ ଅନେକ ବର୍ଷ ଯାଏଁ ମୁଗଲ ଶାସକ ଔରାଙ୍ଗଜେବଙ୍କ ସହ ଯୁଦ୍ଧ କରିଥିଲେ।

ପ୍ରଥମେ ୧୬୫୬-୫୭ ରେ ଶିବାଜୀ ଓ ମୁଗଲଙ୍କ ମଧ୍ୟରେ ଯୁଦ୍ଧ ହୋଇଥିଲା। ସେ ମୁଗଲଙ୍କ ଅନେକ ସମ୍ପତ୍ତି ଓ ଶହ ଶହ ଘୋଡା କବଜା କରିନେଇଥିଲେ। ୧୬୮୦ ମସିହାରେ କୌଣସି ରୋଗ ଯୋଗୁଁ ନିଜ ରାଜଧାନୀ ରାଜଗଡ଼ରେ ଶିବାଜୀଙ୍କ ମୃତ୍ୟୁ ହୋଇଥିଲା ବୋଲି କୁହାଯାଏ। ଏହାପରେ ଶିବାଜୀଙ୍କ ପୁତ୍ର ସଂଭାଜୀ ରାଜ୍ୟଭାର ସମ୍ଭାଳି ଥିଲେ।

   Related Posts