ନୂଆଦିଲ୍ଲୀ ୨୦/୦୯: ନୂଆ ମୁଖ୍ୟମନ୍ତ୍ରୀ ଭାବେ ଶପଥ ନେଉ ଆକ୍ସନ ମୁଡରେ ଚରଣଜିତ ସିଂ ଚନ୍ନୀ । ତାଙ୍କ କହିବା ମୁତାବକ ବର୍ତ୍ତମାନ ତାଙ୍କର ପ୍ରଥମ ଫୋକସ 'ପଞ୍ଜାବର ପ୍ରତିଟି ଜନସାଧାରଣ । ସେ କହିଛନ୍ତି ତାଙ୍କ ସରକାର ଚାଷୀଙ୍କ ସହ ଅଛନ୍ତି । ମୋତେ କିଛି ସମୟ ଦରକାର, ତୁମର ସମସ୍ତ ଦାବି ପୂରଣ ହେବ । ମୋତେ ବିଶ୍ୱାସ କର ପ୍ରତ୍ୟେକ ଅଭିଯୋଗର ସମାଧାନ ହେବ ।

wp:html

We will waive water and electricity bills of farmers: Punjab CM Charanjit Singh Channi pic.twitter.com/YVXTMH5MbC

— ANI (@ANI) September 20, 2021

/wp:html

ଏହା ଏକ ସାଧାରଣ ଲୋକର ସରକାର । କ୍ୟାପଟେନ ଅମରିନ୍ଦର ସିଂ ପଞ୍ଜାବରେ ବହୁତ ଭଲ କାମ କରିଥିଲେ । ତେବେ ଏହାରି ଭିତରେ ସେ ଏକ ବଡ ଘୋଷଣା କରିଛନ୍ତି ଚନ୍ନୀ । ସେ କହିଛନ୍ତି, 'ଚାଷୀଙ୍କ ପାଇଁ ଏଣିକି ବିଦ୍ୟୁତ୍ ବିଲ୍ ମାଗଣା ହେବ । କୃଷକଙ୍କ ବଡ ବିଦ୍ୟୁତ୍ ବିଲ୍ ଆମ ସରକାର ଛାଡ କରିବେ । ଯଦି କାହାର ବିଦ୍ୟୁତ୍ କାଟ ହୁଏ, ତେବେ ଆମେ ତାଙ୍କ ଘରକୁ ବିଦ୍ୟୁତ୍ ପୁନଃ ସ୍ଥାପନ କରିବୁ । ଏହା ହେଉଛି ପଞ୍ଜାବର ସାଧାରଣ ଲୋକଙ୍କ ସରକାର ।

ମୁଁ ନିଶ୍ଚିତ କରୁଛି ଯେ କାହା ସହିତ କିଛି ଭୁଲ୍ ହେବ ନାହିଁ । ଆଇନ ସମସ୍ତଙ୍କ ପାଇଁ ସମାନ ହେବ । ପଞ୍ଜାବର ନୂତନ ମୁଖ୍ୟମନ୍ତ୍ରୀ ଚରଣଜିତ ସିଂ ଚନ୍ନି କହିଛନ୍ତି ଯେ ଏହା ହେଉଛି କୃଷକଙ୍କ ସରକାର । ଯଦି ଚାଷୀଙ୍କ ସ୍ୱାର୍ଥରେ କିଛି ବି ଆଞ୍ଚ ଆସେ ତେବେ ମୁଁ ମୋର ଗଳା କାଟିବି । ଯଦି କୃଷକ ବୁଡ଼ିଯାଏ ତେବେ ଦେଶ ବୁଡ଼ିଯିବ, ଅର୍ଥନୀତି ବି ବୁଡ଼ିଯିବ । କୃଷକ ଖୁସି ହେଲେ ହିଁ ପଞ୍ଜାବ ଖୁସି ହେବ । ପଞ୍ଜାବର ଚାଷୀଙ୍କୁ ଦୁର୍ବଳ ହେବାକୁ ଦିଆଯିବ ନାହିଁ । କୃଷି ନିୟମ ପ୍ରତ୍ୟାହାର କରାଯିବା ଉଚିତ୍ ।