Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଏବେ ତୃତୀୟ ଲହର ଚାଲିଛି, ତଥାପି ଭୟଭୀତ ହେବାର ଆବଶ୍ୟକତା ନାହିଁ: ମୁଖ୍ୟ ସଚିବ
  • ||
  • ପୁରୀ: ପୋଲିସ କବଜାରେ ୩ ଧଳାଜହର ବେପାରୀ, ୧୭୨ ବ୍ରାଉନ ସୁଗାର ଜବତ
  • ||
  • କ୍ୟାପଟେନ୍ ପଦ ଛାଡିବା ପରେ କୋହଲିଙ୍କ ଟେଷ୍ଟ ରାଙ୍କିଙ୍ଗ୍ରେ ସୁଧାର, ଟପ୍-୧୦କୁ ଫେରିଲେ ବୁମରା
  • ||
  • କଳାହାଣ୍ଡି; ଗୋଲାମୁଣ୍ଡା ଗାଁ ପୋଖରୀରେ ବୁଡି ଜାଆଁଳା ଭାଇ ମୃତ
  • ||
  • ବିଜେପିରେ ମିଶି ପାରନ୍ତି କଂଗ୍ରେସର ପୋଷ୍ଟର ଗର୍ଲ ପ୍ରିୟଙ୍କା ମୌର୍ଯ୍ୟ, କହିଲେ- ପାର୍ଟି ମୋର ଫାଇଦା ଉଠାଇଲା
  • ||
  • ଭାରତର ଷ୍ଟାର ଟେନିସ୍ ଖେଳାଳି ସାନିଆ ମିର୍ଜାଙ୍କ ଅବସର ଘୋଷଣା, ୨୦୨୨ ହେବ ଶେଷ ସିଜିନ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୮୨ ହଜାରରୁ ଅଧିକ କରୋନା ପଜିଟିଭ୍, ୪୪୧ ମୃତ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୯୪କୁ ବୃଦ୍ଧି
  • ||
  • ରାଜ୍ୟରେ ପୁଣି ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୬୦୭ କୋଭିଡ୍ ପଜିଟିଭ୍, ୧୧୬୭୦୯୪ରେ ପହଞ୍ଚିଲା ସଂଖ୍ୟା
  • ||
  • ଗ୍ଲୋବାଲ ମେୟର୍ସ ଚ୍ୟାଲେଞ୍ଜ-୨୦୨୧: ବିଶ୍ୱର ଶ୍ରେଷ୍ଠ ୧୫ ସହରରେ ରାଉରକେଲା, ଟ୍ୱିଟ୍‌ କରି ପ୍ରଶଂସା କଲେ ମୁଖ୍ୟମନ୍ତ୍ରୀ
  • ||

ଚାପେଲ୍ ବ୍ରଦର୍ସଙ୍କ ପାଇଁ ବଦଳିଗଲା ବୋଲିଂ ନିୟମ, ଅଷ୍ଟ୍ରେଲିଆର ବିଜୟକୁ ହଜମ କରିପାରିନଥିଲେ କମେଣ୍ଟ୍ରି ବକ୍ସରେ ଥିବା ଆଉ ଜଣେ ଭାଇ

21/05/2020 at 3:36 PM

ମେଲବର୍ଣ୍ଣ, ୨୧|୦୫:  ଦିନିକିଆ ଫାଇନାଲ ମୁକାବିଲା ଓ ଶେଷ ବଲରେ ବିପକ୍ଷ ଦଳକୁ ମ୍ୟାଚ୍ ଟାଇ ପାଇଁ ୬ ରନ ଆବଶ୍ୟକ । ଏହି ନିର୍ଣ୍ଣାୟକ ସମୟରେ ବୋଲିଂ କରୁଥିବା ଅଧିନାୟକ ମଧ୍ୟ ବିଚଳିତ ହୋଇପଡିଥାନ୍ତି । ଏହି ସମୟରେ ସେ ଏପରି କିଛି କରିଥିଲେ ଯାହାକୁ କ୍ରିକେଟ ଇତିହାସରେ ସବୁଠାରୁ ବଡ ଧୋକା ବୋଲି କୁହାଯାଏ । ଏଠାରେ ଆମେ କହୁଛୁ ଅଷ୍ଟ୍ରେଲିଆର ତତ୍କାଳୀନ ଅଧିନାକର ଗ୍ରେଗ୍ ଚାପେଲଙ୍କ କଥା । ୩୯ ବର୍ଷ ପୂର୍ବରୁ ଚାପେଲ କ୍ରିକେଟରେ ଖେଳର ନିୟମକୁ ଅବମାନନା କରିଥିବା କୁହାଯାଏ ।

ଏହି ଘଟଣା ୧୯୮୧ ମସିହା ଫେବ୍ରୁଆରୀ ମାସ ୧ତାରିଖରେ ଘଟିଥିଲା । ଚାପେଲ୍ କ୍ରିକେଟ ଇତିହାସର ସବୁଠାରୁ ବଦନାମ ବୋଲିଂ କରିଥିଲେ । ଏହି ବଲ୍ ଅଣ୍ଡର ଆର୍ମ୍ ବଲ ଥିଲା । ସେହି ସମୟରେ ବୋଲର ବ୍ୟାଟସମ୍ୟାନଙ୍କ ଆଡକୁ ବୋଲିଂ କରିଥିଲେ । କିନ୍ତୁ ପଡିଆରେ ଗ୍ରେଗ୍ ଓ ତାଙ୍କ ଭାଇ ଟ୍ରାଭେର୍ ଚାପେଲ ଏପରି ବୁଦ୍ଧି ଖର୍ଚ୍ଚ କରିଥିଲେ ଯାହା ସମସ୍ତଙ୍କୁ ଲଜ୍ଜିତ କରିଥିଲା । ସବୁଠାରୁ ବଡ କଥା ହେଲେ ଯେ ମ୍ୟାଚର କମେଣ୍ଟ୍ରି କରୁଥିବା ଇଆନ୍ ଚାପେଲ ମଧ୍ୟ ଏହାକୁ ବିରୋଧ କରିଥିଲେ ।

ମେଲବର୍ଣ୍ଣ କ୍ରିକେଟ ଗ୍ରାଉଣ୍ଡରେ ଅଷ୍ଟ୍ରେଲିଆ ଓ ନ୍ୟୁଜିଲାଣ୍ଡ ମଧ୍ୟରେ ବୋସନ୍ ଆଣ୍ଡ ହେଜେଜ୍ କପର ଫାଇନାଲ ମ୍ୟାଚ ଖେଳାଯାଉଥିଲା । ପ୍ରଥମ ୪ଟି ମ୍ୟାଚରେ ଉଭୟ ଦଳ ୨-୨ରେ ବରାବର କରିଥିଲେ । ତେଣୁ ଫାଇନାଲ ମ୍ୟାଚ ଗୁରୁତ୍ୱପୂର୍ଣ୍ଣ ଥିଲା । ଅନ୍ତିମ ବଲରେ ନ୍ୟୁଜିଲାଣ୍ଡକୁ ମ୍ୟାଚ ଟାଇ ପାଇଁ ୬ ରନ ଦରକାର ଥିଲା । କିନ୍ତୁ ଚାପେଲ୍ ତାଙ୍କ ଭାଇ ଟ୍ରାଭେରଙ୍କୁ ଅଣ୍ଡର ଆର୍ମ ବୋଲିଂ କରିବାକୁ କହିଥିଲେ ଯ ଯାହା ଅଣଖେଳୁଆଡ ମନୋଭାବ ପ୍ରଦର୍ଶିତ କରୁଥିଲା । ସେତେବେଳେ କ୍ରିଜେରେ ବ୍ୟାଟିଂ କରୁଥିଲେ କ୍ୱିଓ୍ୱି ବ୍ୟାଟସମ୍ୟାନ ବ୍ରାଏନ ମେକନୀ ।

ଏହି ବଲର ସାମ୍ନା କରିପାରି ନଥିଲେ ବ୍ରାଏନ । ରାଗିକରି ବ୍ୟାଟକୁ କ୍ରିଜରେ ଫିଙ୍ଗି ଦେଇଥିଲେ । ମେକନୀ ଛକା ମାରି ମ୍ୟାଚ ଟାଇ କରିଥାନ୍ତେ କିନ୍ତୁ ଅଷ୍ଟ୍ରେଲିଆ ବିଜୟ ଲାଭ କରିବା ସହ ସିରିଜ ମଧ୍ୟ ହାତେଇଥିଲା । ଏହି ଖେଳ କ୍ରିକେଟ ପରମ୍ପରାର ବିରୋଧୀ ବୋଲି ମଧ୍ୟ ତତ୍କାଳୀନ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ  ମାଲକମ୍ ଫ୍ରେଜର କହିଥିଲେ । ତେବେ ଏହି ମ୍ୟାଚ ପରେ ଆଇସିସି ଅଣ୍ଡର ଆର୍ମ୍ ବୋଲିଂ ଉପରେ ବ୍ୟାନ ଲଗାଇଥିଲା । ଏହାସହ କ୍ରିକେଟ ଇତିହାସରେ ଏକ ନୂଆ ଅଧ୍ୟାୟ ଯୋଡି ହୋଇଯାଇଥିଲା ।

   Related Posts