Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୦୪କରୋନା ସଂକ୍ରମିତ ଚିହ୍ନଟ
  • ||
  • ଚିତ୍ରକୋଣ୍ଡାରେ BSF ଜବାନଙ୍କ କମ୍ବିଂ ଅପରେସନ, ଟିଫିନ୍ ବୋମା ଉଦ୍ଧାର
  • ||
  • ଶ୍ରୀଜଗନ୍ନାଥ ଷ୍ଟାଡିୟମ ନିକଟରେ ଉଚ୍ଛେଦ କାର୍ଯ୍ୟ ଆରମ୍ଭ, ୨ ଫ୍ଲାଟୁନ ଫୋର୍ସ ମୃତୟନ
  • ||
  • ଭିଜିଲାନ୍ସ ଜାଲରେ ଜନସ୍ୱାସ୍ଥ୍ୟ ବିଭାଗ-୨ ସହକାରୀ କାର୍ଯ୍ୟକାରୀ ଯନ୍ତ୍ରୀ, ଏକକାଳୀନ ୬ଟି ସ୍ଥାନରେ ରେଡ୍
  • ||
  • ନୟାଗଡ଼ : ପୋଲିସ କବ୍‌ଜାରେ ୪ ଆନ୍ତଃ ଜିଲ୍ଲା ଡକାୟତ
  • ||

ଅଶାନ୍ତ ଆମେରିକା : ଥମୁନି ଦଙ୍ଗା, ୨୫ ସହରରେ ପ୍ରଦର୍ଶନକାରୀଙ୍କ ବିକ୍ଷୋଭ, ଜାଳିଦେଲେ ପୋଲିସ ଗାଡି

31/05/2020 at 2:42 PM

ୱାସିଂଟନ ୩୧/୦୫ : ଆମେରିକାରେ ୨୫ ରୁ ଅଧିକ ସହରରେ ପ୍ରଦର୍ଶନ, ହଙ୍ଗାମା ଓ ହିଂସା ଜାରି ରହିଛି | ଅନେକ ସ୍ଥାନରେ ପ୍ରଦର୍ଶନ ଦଙ୍ଗା ପାଲଟିଗଲାଣି | ଲୋକେ ପୋଲିସ ଗାଡି, ବିଭିନ୍ନ କୋଠାରେ ନିଆଁ ଲଗାଇ ଦେଉଛନ୍ତି | ଅନେକ ଦୋକାନରୁ ଜିନିଷ ମଧ୍ୟ ଲୁଟି ନେଉଛନ୍ତି | ନେସବିଲେ ସ୍ଥିତ କୋର୍ଟର ଐତିହାସିକ କୋଠାକୁ ନିଆଁ ଲଗେଇ ଦେଇଛନ୍ତି ପ୍ରଦର୍ଶନକାରୀ | ଏଥିରେ ୨ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି | ନ୍ୟୁୟର୍କ, ଲସ ଏଞ୍ଜେଲସ, କାଲିଫର୍ନିଆ, ୱାସିଂଟନ ପ୍ରଦର୍ଶନରେ ସାମିଲ ହୋଇଛନ୍ତି | ମିନ୍ନିସୋଟା ଓ ଜର୍ଜିଆରେ ଏମର୍ଜେନ୍ସି ଘୋଷଣା କରାଯାଇଛି | ସୋମବାର ଦିନ ପୋଲିସ କଷ୍ଟଡିରେ ଜଣେ ଅଶ୍ଵେତ ନାଗରିକ ଜର୍ଜ ଫ୍ଲାଇଡଙ୍କ ମୃତ୍ୟୁ ହୋଇଥିଲା | ତାଙ୍କ ନ୍ୟାୟ ପାଇଁ ପ୍ରଦର୍ଶନ ଆରମ୍ଭ ହୋଇଥିଲା | ପ୍ରଦର୍ଶନ ଯୋଗୁଁ ଆମେରିକାରେ ଗୋରା ଅଶ୍ଵେତଙ୍କ ଉପରେ ଅତ୍ୟାଚାର ପ୍ରସଙ୍ଗ ପୁଣିଥରେ ଉଠିଥିଲା |

ଶନିବାର ଦିନ ପ୍ରଦର୍ଶନର ପଞ୍ଚମ ଥିଲା | ଡେଲି ମେଲ ରିପୋର୍ଟ ଅନୁଯାୟୀ, ୨୫ ସହରରେ ଦଙ୍ଗା ଯୋଗୁଁ କର୍ଫ୍ୟୁ ଜାରି କରାଯାଇଛି | କର୍ଫ୍ୟୁ ସତ୍ତ୍ୱେ ଦଙ୍ଗା ଜାରି ରହିଛି | ପ୍ରଦର୍ଶନ ଯୋଗୁଁ ଟେକ୍ସସ, ଓହିୟୋ, ଜର୍ଜିଆ, କୋଲୋରାଡୋ, ଓଟାହ ଆଦି ସହର ପ୍ରଭାବିତ ହୋଇଛି |

ଅଶ୍ଵେତ ନାଗରିକ ଜର୍ଜ ଫ୍ଲାଇଡଙ୍କ ମୃତ୍ୟୁର ଗୋଟିଏ ଦିନ ପୂର୍ବର ଭିଡିଓ ସାମ୍ନାକୁ ଆସିଛି | ଜର୍ଜ ତଳେ ପଡିଥିବା ଏବଂ ଜଣେ ପୋଲିସକର୍ମୀ ତାଙ୍କ ତଣ୍ଟିରେ ଚଢି ଥିବା ଭିଡିଓରେ ଦେଖିବାକୁ ମିଳିଛି | ସେତେବେଳେ ଜର୍ଜଙ୍କୁ ନିଶ୍ୱାସ ନେବାରେ କଷ୍ଟ ହେଉଥିବା ସେ କହିଥିଲେ |

ବର୍ତ୍ତମାନ ପ୍ରଶ୍ନ ଉଠିଛି, ଅଶ୍ଵେତ ନାଗରିକଙ୍କ ଉପରେ ବର୍ଷ ବର୍ଷ ଧରି ହେଉଥିବା ଅତ୍ୟାଚାରକୁ ଶେଷ କରିବା ପାଇଁ ବ୍ୟବସ୍ଥାରେ ପରିବର୍ତ୍ତନ କରିବା ଆବଶ୍ୟକ | ଜର୍ଜଙ୍କୁ ଗିରଫ କରିଥିବା ପୋଲିସକର୍ମୀଙ୍କ ବିରୋଧରେ ହତ୍ୟା ମାମଲା ରୁଜ୍ଜୁ କରିବାକୁ ପ୍ରଦର୍ଶନକାରୀ ଦାବି କରିଛନ୍ତି |

ବିଭିନ୍ନ ସହରରେ ସ୍ଥାନୀୟ ପୋଲିସ ପ୍ରଦର୍ଶନକୁ ନିୟନ୍ତ୍ରଣ କରିବାରେ ବିଫଳ ହେବାପରେ ନ୍ୟାସନାଲ ଗାର୍ଡଙ୍କୁ ହ୍ୱାଇଟ ହାଉସ ଆଡକୁ ପଠାଇବାକୁ ପଡିଥିଲା | ନ୍ୟୁୟର୍କରେ ପ୍ରଦର୍ଶନକାରୀମାନେ ଏକ ପୋଲିସ ଗାଡିକୁ ନିଆଁ ଲଗାଇ ଦେଇଥିଲେ | ପୋଲିସ ମଧ୍ୟ ପ୍ରଦର୍ଶନକାରୀଙ୍କ ଆଡକୁ ହିଂସା ଦେଖିଥିବା ଆଉ ଏକ ଭିଡିଓରେ ଦେଖିବାକୁ ମିଳିଥିଲା |

ଜର୍ଜ ଫ୍ଲାଇଡଙ୍କ ମୃତ୍ୟୁ ମିନ୍ନୋସୋଟା ମିନିୟୋପଲିସରେ ହୋଇଥିଲା | ମିନିୟୋପଲିସର ମେୟର କହିଥିଲେ ଯେ, ଜେକଵ ଫ୍ରି କହିଛନ୍ତି ଯେ, ଯଦି ଜର୍ଜ ଶ୍ଵେତ ହୋଇଥାନ୍ତେ ତାହେଲେ ଆଜି ଜୀବନ୍ତ ଥାଆନ୍ତେ | ପୂର୍ବତନ ରାଷ୍ଟ୍ରପତି ବାରାକ ଓବାମା କହିଛନ୍ତି ଯେ ୨୦୨୦ ମସିହାରେ ଏହିଭଳି ଘଟଣା ହେବା ଅନୁଚିତ |

   Related Posts