Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଟିକାକରଣ ଏକ କୋଟି ପାର, ଶୁଭେଚ୍ଛା ଜଣାଇଲା ସ୍ବାସ୍ଥ୍ୟ ବିଭାଗ
  • ||
  • ରାଜ୍ୟରେ ଦିନକରେ ସୁସ୍ଥ ହେଲେ ୪୫୮୭ କରୋନା ଆକ୍ରାନ୍ତ , ଖୋର୍ଦ୍ଧାରୁ ସର୍ବାଧିକ ୬୭୧ ଡିସଚାର୍ଜ
  • ||
  • ଜୁନ ୨୪ରେ ବୈଠକ ଡାକିଲେ କଂଗ୍ରେସ ହାଇକମାଣ୍ଡ ସୋନିଆ ଗାନ୍ଧି, ଦଳୀୟ କନ୍ଦଳ ନେଇ ହେବ ମାନସମନ୍ଥନ
  • ||
  • ଭଦ୍ରକ : ବ୍ରାଉନସୁଗାର ସେବନକୁ ବିରୋଧ କରିବାରୁ ମାରଣାସ୍ତ୍ର ଧରି ଗୋଡାଇଲେ ଯୁବକ, ୩ ଗିରଫ, ୧୦ ଗ୍ରାମ ବ୍ରାଉନସୁଗାର ଜବତ
  • ||
  • ଭୁବନେଶ୍ବର : କୋଭିଡ୍ ଦ୍ବାରା କ୍ଷତିଗ୍ରସ୍ତ ଅନେକ ଅର୍ଗାନ୍ ରହୁନି ସୁରକ୍ଷିତ – ଡିଏମଇଟି
  • ||
  • ୫୦ ନେତାଙ୍କୁ ପ୍ରିୟଙ୍କା ଗାନ୍ଧୀଙ୍କ ଫୋନ୍ : ‘ଆପଣଙ୍କ ଟିକେଟ୍ କନଫର୍ମ୍, ନିର୍ବାଚନ ପାଇଁ ପ୍ରସ୍ତୁତ ହୁଅ’
  • ||
  • ଇଟ୍ଟାନଗର : ପୁଣି ଥରିଲା ଅରୁଣାଞ୍ଚଳ ପ୍ରଦେଶ, ଇଟ୍ଟାନଗରରେ ଭୂକମ୍ପ ଝଟ୍‌କା
  • ||
  • ଭୁବନେଶ୍ବର : କେନ୍ଦ୍ର ସରକାରଙ୍କ ନୂଆ ଗାଇଡ୍ ଲାଇନ୍ ଅନୁଯାୟୀ ବ୍ୟବହାର ହେବ ଷ୍ଟେରଏଡ୍ – ନିରଞ୍ଜନ ମିଶ୍ର
  • ||
  • ଭୁବନେଶ୍ବର : ଦ୍ବିତୀୟ ଲହର ଅପେକ୍ଷା ତୃତୀୟ ଲହର ପ୍ରଭାବ କମ୍, ତଥାପି ଜୋରଦାର କରିବାକୁ ପଡିବ ଟିକାକରଣ – ଜନସ୍ବାସ୍ଥ୍ୟ ନିର୍ଦ୍ଦେଶକ
  • ||
  • ପାଟଣା : ଘରେ ଶୋଇଥିବା ବେଳେ କାମୁଡିଦେଲା ସାପ, ଚାଲିଗଲା ମହିଳାଙ୍କ ଜୀବନ
  • ||

ଝାରସୁଗୁଡା ବିମାନବନ୍ଦର ପାଇଁ ଧକ୍କା : ମଉଳିଲା ଉଡାନ ଆଶା, ଝାରସୁଗୁଡା ଯିବେନି ପ୍ରଧାନମନ୍ତ୍ରୀ ମୋଦି

13/01/2019 at 9:41 AM

ଝାରସୁଗୁଡା ୧୩/୧ : ମଉଳିଗଲା ଉଡାନ ଆଶା | ମୋଦି ଆସିବେନି ଝାରସୁଗୁଡା | ରାୟପୁର ଆସି ସେଠାରୁ ବଲାଙ୍ଗୀର ଯିବେ ମୋଦି | ଆସନ୍ତା ୧୫ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଶେଷ ବିମାନରେ ଆସି ସେଠାରୁ ଝାରସୁଗୁଡା ବିମାନବନ୍ଦରରୁ ହେଲିକେପ୍ଟରରେ ବ୍ଳନଗୀର ଯିବାର କାର୍ଯ୍ୟକ୍ରମ ରହିଥିଲା | କିନ୍ତୁ ଶନିବାର ସନ୍ଧ୍ୟାରେ ଏହି କାର୍ଯ୍ୟକ୍ରମରେ ପରିବର୍ତ୍ତନ କରାଯାଇଛି | ମୋଦି ଝାରସୁଗୁଡା ପରିବର୍ତ୍ତେ ରାୟପୁର ଠାରେ ଓହ୍ଲାଇ ସେଠାରୁ ବଲାଙ୍ଗୀର ଆସିବେ ବୋଲି ନୂଆ କାର୍ଯ୍ୟକ୍ରମ ପ୍ରୂସ୍ତୁତ କରାଯାଇଛି | ମୋଦିଙ୍କ ଗସ୍ତ ପାଇଁ ସେଠାରେ ଯେଉଁ ପ୍ରଶାସନିକ ତତ୍ପରତା ପ୍ରକାଶ ପାଇଥିଲା ତାହା ଥଣ୍ଡା ପଡିଯାଇଛି | ମୋଦିଙ୍କ ଗସ୍ତର କାର୍ଯ୍ୟସୂଚୀ ପରିବର୍ତ୍ତନ ଝାରସୁଗୁଡା ବିମାନବନ୍ଦର ପାଇଁ ଏକ ଶକ୍ତ ଧକ୍କା ବୋଲି ଚର୍ଚ୍ଚା ହେଉଛି | କାରଣ ମୋଦି ଝାରସୁଗୁଡା ଯାଇଥିଲେ ସେଠାରେ ବନ୍ଦ ପଡିଥିବା ଉଡାନ ଯୋଜନାକୁ ଜୀବନ୍ୟାସ ମିଳିଥାନ୍ତା ବୋଲି ଆଶା ପ୍ରକାଶ ପାଇଥିଲା | ଝାରସୁଗୁଡା ଦେଇ ଭୁବନେଶ୍ୱର ଦିଲ୍ଲୀ ବିମାନ ଚଳାଚଳ ପାଇଁ ରାଜ୍ୟ ସରକାର କେନ୍ଦ୍ର ସରକାରଙ୍କୁ ଯେଉଁ ପ୍ରସ୍ତାବ ଦେଇଥିଲେ ତା ପାଇଁ ବାଟ ଫିଟିଥାନ୍ତା | କିନ୍ତୁ ଶେଷ ମୁହୂର୍ତ୍ତରେ କାର୍ଯ୍ୟକ୍ରମରେ ପରିବର୍ତ୍ତନ ହୋଇ ସବୁ ଆଶା ମଉଳି ଯାଇଛି |


ସୂଚନାଯୋଗ୍ୟ ଯେ, ଗତ ସେପ୍ଟେମ୍ବର ୨୨ ତାରିଖରେ ପ୍ରଧାନମନ୍ତ୍ରୀ ମୋଦି ଝାରସୁଗୁଡା ଆସି ଖୁବ ଧୂମଧାମରେ ଝାରସୁଗୁଡା ବିମାନବନ୍ଦରର ଉଦଘାଟନ କରିଥିଲେ | ଉଦଘାଟନ ପରେ ଉଡାନ ଯୋଜନାରୁ ହିଁ ଉଡାନ ଆରମ୍ଭ ହୋଇଥିଲା | ଏୟାର ଓଡିଶା ଉଡାନ ଦାୟିତ୍ୱ ନେଇଥିଲା | ଏୟାର ଓଡିଶା ଉଡାନ ଯୋଜନା ସହିତ ଯେଉଁ ଚୁକ୍ତି ହୋଇଥିଲା ସେହି ଚୁକ୍ତିକୁ ଖିଲାପ କରିବାରୁ ପରବର୍ତ୍ତୀ ସମୟରେ ଉଡାନ ଯୋଜନା ବନ୍ଦ ହୋଇଯାଇଥିଲା | ପ୍ରାୟ ୩ ମାସ ହେଲା ଝାରସୁଗୁଡାରୁ ବିମାନ ଉଡାଣ ବନ୍ଦ ରହିଛି | ଉଡାନ ଯୋଜନା ଅନ୍ତର୍ଗତ ନୂତନ ବିମାନ ଚଳାଚଳ କମ୍ପାନୀକୁ ସାମିଲ କରିବା ପାଇଁ ଦାବି ହୋଇଥିଲା | ଏହାକୁ ନେଇ ଏକ ଟେଣ୍ଡର ମଧ୍ୟ ବାହାରିଥିଲା | ୩ଟି କମ୍ପାନୀ ଏହାକୁ ନେଇ ବିଡ ପକେଇଛନ୍ତି |


ସୂଚନା ମିଳିଥିଲା ଯେ, ପ୍ରଧାନମନ୍ତ୍ରୀଙ୍କ ବଲାଙ୍ଗୀର ଗସ୍ତ ଝାରସୁଗୁଡା ଦେଇ ଯିବ | କିନ୍ତୁ ଗତକାଲି ସନ୍ଧ୍ୟାରେ ମୋଦିଙ୍କ ଗସ୍ତ କାର୍ଯ୍ୟକ୍ରମ ବଦଳିଯାଇଛି | ମୋଦିଙ୍କ ଗସ୍ତକୁ ନେଇ ଜିଲ୍ଲା ପ୍ରଶାସନ ତରଫରୁ ଜୋରଦାର ପ୍ରସ୍ତୁତି ଚାଲିଥିଲା | ଡ଼ିଆଇଜି ପ୍ରଧାନମନ୍ତ୍ରୀଙ୍କ ସୁରକ୍ଷା ଦାୟିତ୍ୱ ବୁଝିଥିଲେ | ଜହରଗୁଡ଼ୁଦା ଗସ୍ତରେ ପ୍ରଧାନମନ୍ତ୍ରୀଙ୍କ ତରଫରୁ ଉଡାନ ଯୋଜନା ବିଷୟରେ କିଛି ନୂଆ ସୂଚନା ମିଳିବା ନେଇ ଝାରସୁଗୁଡ଼ାବାସୀ ଉତ୍ସୁକ ଥିଲେ | ମୋଦିଙ୍କ ଗସ୍ତ ପରେ ଝାରସୁଗୁଡାରୁ ବିମାନ ଉଡାଣ ସମ୍ଭାବନା ମଧ୍ୟ ଦିଶୁଥିଲା | କିନ୍ତୁ ମୋଦିଙ୍କ କାର୍ଯ୍ୟକ୍ରମରେ ପରିବର୍ତ୍ତନ ପରେ ଶେଷ ମୁହୂର୍ତ୍ତରେ ସବୁ ଆଶା ମଉଳି ଯାଇଛି |

   Related Posts