ଭୁବନେଶ୍ୱର - ମହାକାଶରେ ଆରମ୍ଭ ହେବ ଭାରତର ଜୟଯାତ୍ରା । ଚନ୍ଦ୍ରଯାନ ୨ ମିଶନ ମୁନ ମିଶନ ଫେଲ ହୋଇନି । ଏହା ଭାରତୀୟ ମହାକାଶ ବିଜ୍ଞାନରେ ସଫଳତାର ନୂଆ ପୃଷ୍ଠା ଯୋଡ଼ିଛି। ଆଇଆଇଟି ଭୁବନେଶ୍ବରର ସମାବର୍ତ୍ତନ ଉତ୍ସବରେ ଯୋଗ ଦେଇ ଏହା କହିଛନ୍ତି ରକେଟ୍ ମ୍ୟାନ୍ ତଥା ଇସ୍ରୋ ଅଧ୍ୟକ୍ଷ କେ. ଶିବନ । ୨୦୨୨ ଅଗଷ୍ଟ ୧୫ ସୁଦ୍ଧା ଇସ୍ରୋର ଗଗନଯାନ ମିଶନ ସଫଳ ହେବ ବୋଲି ସେ କହିଛନ୍ତି ।…
ଭାରତର ମହାକାଶ ଜୟଯାତ୍ରା ମିଶନ ମୁନ ଚନ୍ଦ୍ରାଯାନ-୨ ଫେଲ୍ ହୋଇନି ।ଏହା ୯୮ ପ୍ରତିଶତ ଲକ୍ଷ୍ୟ ହାସଲ କରିଛି । ଅର୍ବିଟରର ୮ଟି ପେଲୋଡ ଭଲ ଭାବେ କାମ କରୁଛି । ଏହାକୁ ବ୍ୟବହାର କରି ଚନ୍ଦ୍ର ଉପରେ ବୈଜ୍ଞାନିକ ଗବେଷଣା ଆରମ୍ଭ ହେଲାଣି । ଭୁବନେଶ୍ବର ଆଇଆଇଟିର ସମାବର୍ତ୍ତନ ଉତ୍ସବରେ ଯୋଗ ଦେଇ ଏହା କହିଛନ୍ତି ଭାରତର ରକେଟମ୍ୟାନ ଇସ୍ରୋର ଅଧ୍ୟକ୍ଷ ଡକ୍ଟର କେ. ଶିବନ । ଅରବିଟରର ପେଲୋଡ୍ରେ ଏଭଳି କିଛି ଟେକ୍ନୋଲୋଜି ବ୍ୟବହାର କରାଯାଇଛି ଯାହାକି ବିଶ୍ବରେ ପ୍ରଥମ । ଏଥିରେ ଲାଗିଥିବା ହାଇ ରିଜୋଲ୍ୟୁସନ୍ କ୍ୟାମେରା ଚନ୍ଦ୍ରପୃଷ୍ଠର ଅତି ସୁକ୍ଷ୍ମ ଭାବରେ ଫଟୋ ଉତ୍ତୋଳନ କରିବ ।…
ଚନ୍ଦ୍ରାଯାନ-୨, ଅରବିଟର୍ରେ ରହିଥିବା ଡୁଆଲ ବ୍ୟାଣ୍ଡ ସିନ୍ଥେଟିକ୍ ଆପରେଟର ରାଡାର ଚନ୍ଦ୍ରପୃଷ୍ଠର ଦକ୍ଷିଣ ମେରୁରେ ଜଳ ଅଛିକି ନାହିଁ ସେ ବିଷୟରେ ସୂଚନା ଦେଇପାରିବ । ଏବେ ଅରବିଟରରେ ଥିବା ସବୁ ସାଇଣ୍ଟିଫିକ୍ ପେଲୋଡ୍ କାର୍ଯ୍ୟକ୍ଷମ ହୋଇ କାର୍ଯ୍ୟ ଆରମ୍ଭ କଲାଣି ବୋଲି ସୂଚନା ଦେଇଛନ୍ତି ଶିବନ । ଚନ୍ଦ୍ରଯାନ-୨ର ଅର୍ବିଟର ଯେଉଁଭଳି ଭାବରେ ଡିଜାଇନ କରାଯାଇଥିଲା ତାହା ୧ ବର୍ଷ ପାଇଁ କାମ କରିବ କଥା । କିନ୍ତୁ ଇସ୍ରୋର ମିଶନ ମ୍ୟାନେଜମେଣ୍ଟ ଏପରି ରହିଛି ଯାହାଦ୍ବାରା ଏହା ୭ ବର୍ଷରୁ ଅଧିକ କାମ କରିବ । ଚନ୍ଦ୍ରପୃଷ୍ଠରୁ ଅନେକ ଆବିଷ୍କାର ପାଇଁ ଏହା ରାସ୍ତା ଫିଟାଇବ ।ତେବେ ବିକ୍ରମ ଲ୍ୟାଣ୍ଡର ସହ ଇସ୍ରୋର ସମସ୍ତ ଯୋଗାଯୋଗ ବିଛିନ୍ନ ହୋଇଥିବା ଇସ୍ରୋ ଅଧ୍ୟକ୍ଷ କେ. ଶିବନ, କହିଛନ୍ତି ।
ଇସ୍ରୋର ସବୁଠୁ ବଡ଼ ପ୍ରକଳ୍ପ ରହିଛି ଗଗନଯାନ । ଗଗନଯାନ ମିଶନ ପ୍ରଥମ ସମ୍ପୂର୍ଣ୍ଣ ମେଡ ଇନ୍ ଇଣ୍ଡିଆ ପ୍ରୋଜେକ୍ଟ ଯାହା ୨୦୨୨ ଅଗଷ୍ଟ ୧୫ ସୁଦ୍ଧା ଭାରତୀୟକୁ ମହାକାଶକୁ ପଠାଇବା । ୨୦୨୧ ଡିସେମ୍ବର ସୁଦ୍ଧା ମାନବବିହୀନ ଯାନ ମହାକାଶ କୁ ଯିବ ଓ ୨୦୨୨ ସୁଦ୍ଧା ମହାକାଶରେ ଅତି ସହଜରେ ପହଞ୍ଚିବେ ଭାରତୀୟ ମାନେ ।ଏହା ସହିତ ସୂର୍ଯ୍ୟ ଉପରେ ଗବେଷଣା ପାଇଁ ଆଦିତ୍ୟ ଏଲ୍ ୱାନ ମିଶନ ଆରମ୍ଭ ହେବ ।…