Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଲିଙ୍ଗରାଜ ମନ୍ଦିରରେ ସର୍ବସାଧାରଣ ଦର୍ଶନ ବନ୍ଦ, ବହୁ ସେବାୟତ କୋଭିଡ୍‌ ପଜିଟଭ୍‌ ଚିହ୍ନଟ
  • ||
  • କେକେଆରକୁ ୨୦୫ ରନ୍‌ର ବିଜୟ ଲକ୍ଷ ଦେଲା ଆରସିବି
  • ||
  • କରୋନା ଯୋଗୁଁ ପଶ୍ଚିମବଙ୍ଗରେ ନିଜର ସବୁ ରାଲି ବାତିଲ କଲେ ରାହୁଲ ଗାନ୍ଧୀ: ସୋସିଆଲ ମିଡ଼ିଆରେ ହେଉଛି ପ୍ରଶଂସା
  • ||
  • ଏପ୍ରିଲରେ ଭୟାବହ ରୂପ ନେଇଛି କରୋନା: ୧୮ ଦିନରେ ୨୬ ଲକ୍ଷରୁ ଅଧିକ ମାମଲା
  • ||
  • ଦାରିଙ୍ଗବାଡ଼ି : ଭାରସାମ୍ୟ ହରାଇ ବାଇକ୍ ଦୁର୍ଘଟଣାଗ୍ରସ୍ତ : ନାବାଳକ ମୃତ, ୨ ଗୁରୁତର
  • ||
  • JEE ମେନ୍‌ ୨୦୨୧ ସ୍ଥଗିତ, ସଂକ୍ରମଣ ବୃଦ୍ଧିକୁ ଦୃଷ୍ଟିରେ ରଖି ନେସନାଲ୍ ଟେଷ୍ଟିଂ ଏଜେନ୍ସିର ନିଷ୍ପତ୍ତି
  • ||
  • କରୋନା ସଂକ୍ରମଣ ଚିନ୍ତା, ଆଗୁଆ ପଦକ୍ଷେପ : ୪ରୁ ୫ ଗୁଣ ବଢିବ ବେଡ୍ ସଂଖ୍ୟା
  • ||
  • ରାଜ୍ୟରେ କରୋନା ନେଲା ଆଉ ୨ ଜଣଙ୍କ ଜୀବନ, ୧୯୪୪ରେ ପହଞ୍ଚିଲା ମୃତ୍ୟୁସଂଖ୍ୟା
  • ||
  • ମିଳିଲାନି ଅମ୍ଳଜାନ, ଜୀବନ ହାରିଲେ ୬ କରୋନା ଆକ୍ରାନ୍ତ
  • ||
  • ଜୟପୁର ସବ୍ ଜେଲରେ ରେଡ୍, ଏସ୍‌ପି ଓ ଉପ ଜିଲ୍ଲାପାଳ ସାମିଲ
  • ||

ଜୁଲାଇ ୨୨ରେ ମହାକାଶକୁ ଉତ୍‌କ୍ଷେପଣ ହେବ ଚନ୍ଦ୍ରଯାନ-୨

18/07/2019 at 12:01 PM

ନୂଆଦିଲ୍ଲୀ ୧୮|୭: ଜୁଲାଇ ୨୨ରେ ଚନ୍ଦ୍ରଯାନ-୨ ମହାକାଶକୁ ଯିବ । ୨୨ ତାରିଖ ଅପରାହ୍ନ ୨ଟା ୪୩ ମିନିଟରେ ଏହାର ଉତକ୍ଷେପଣ ହେବ । ଗତ ୧୫ତାରିଖ ଭୋର ୨ଟା ୫୨ମିନିଟରେ ଏହାର ଉତକ୍ଷେପଣ ହୋଇଥାନ୍ତା । ତେବେ GSLV-Mk III ରକେଟରେ କିଛି ତ୍ରୁଟି ଥିବା ଆଶଙ୍କା କରି ୫୬ମିନିଟ୍ ଆଗରୁ ଉତକ୍ଷେପଣ ସ୍ଥଗିତ କରାଯାଇଥିଲା ।

ରକେଟର କ୍ରାୟୋଜେନିକ ସେକ୍ସନରେ ତରଳ  ଇନ୍ଧନ ଲିକ୍ ଆଶଙ୍କା କରାଯାଇଥିଲା । ତ୍ରୁଟିକୁ ଅନୁଧ୍ୟାନ କରି ଏହାର ସମାଧାନ କରିବା ପରେ ଇସ୍ରୋ ଉତକ୍ଷେପଣର ନୂଆ ତାରିଖ ଘୋଷଣା କରିଛି । ଶ୍ରୀହରିକୋଟାର ସତୀଶ ଧୱନ ସ୍ପେସ୍ ସେଣ୍ଟରରୁ ୬୪୦ଟନ୍ ଓଜନର  ବାହୁବଳୀ ରକେଟ୍ ରେ ଚନ୍ଦ୍ରଯାନ-୨ ଉତକ୍ଷେପଣ ହେବ । ଜୁଲାଇ ୨୨ ଅପରାହ୍ନ ୨.୪୩ ମିନିଟରେ ଉତକ୍ଷେପଣ ହେବାର ୨୦ଘଣ୍ଟା ଆଗରୁ କାଉଣ୍ଟଡାଉନ ଆରମ୍ଭ ହେବ । ୫୨ଦିନର ଯାତ୍ରା ପରେ ଚନ୍ଦ୍ରର ଦକ୍ଷିଣ ମେରୁରେ ଓହ୍ଲାଇବ ଚନ୍ଦ୍ରଯାନ । ଆଉ  ଏହା ସହ ନୂଆ ଇତିହାସ ରଚିବ ଭାରତ ।

ଚନ୍ଦ୍ରପୃଷ୍ଠକୁ ଯାନ ପଠାଇବାରେ ଆମେରିକା, ରୁଷିଆ ଏବଂ ଚୀନ ପରେ ଭାରତ ପାଲଟିଯିବ ଚତୁର୍ଥ ଦେଶ । ୨୦୦୮ରେ ପ୍ରଧାନମନ୍ତ୍ରୀ ମନମୋହନ ସିଂ ଚନ୍ଦ୍ରଯାନ-୨ ମିଶନ ନେଇ ଘୋଷଣା କରିଥିଲେ । ୧୧ବର୍ଷ ପରେ ମିଶନ ସଫଳ ହେବାକୁ ଅପେକ୍ଷା । ଚନ୍ଦ୍ରଯାନ-୨ ମିଶନ ପାଇଁ ଖର୍ଚ୍ଚ ହୋଇଛି ୯୭୮କୋଟି ଟଙ୍କା । ସବୁଠୁ ବଡ କଥା ରକେଟ୍ ରୁ ଚନ୍ଦ୍ରଯାନ ପର୍ଯ୍ୟନ୍ତ ସବୁ କିଛି ସ୍ବଦେଶୀ ଜ୍ଞାନ କୌଶଳରେ ତିଆରି । GSLV-Mk III ରକେଟ୍, ମହାକାଶକୁ ୩୮୭୭କିଲୋ ପେ ଲୋଡ୍ ନେଇ ଯାଉଛି । ଯାହା ଭିତରେ ରହିଛି ୨୩୭୯କିଲୋ ଅରବିଟର୍, ୧୪୭୧କିଲୋ ଲ୍ୟାଣ୍ଡର ଏବଂ ୨୭କିଲୋ ଓଜନର ରୋଭର । 

ଚନ୍ଦ୍ରଯାନ ଅରବିଚର୍ ଚନ୍ଦ୍ର ଚାରିପଟେ ଏକ ବର୍ଷ ଧରି ଘୁରି ନୀରିକ୍ଷଣ କରିବ । ସେହିପରି ଚନ୍ଦ୍ରପୃଷ୍ଠରେ ଲାଣ୍ଡର ବିକ୍ରମ ଓହ୍ଲାଇବ । ଏହା ୧୪ ପୃଥିବୀ ଦିବସ ଚନ୍ଦ୍ରପୃଷ୍ଠରେ ପରୀକ୍ଷା ନିରୀକ୍ଷା କରିବ । ଏବଂ ରୋଭର ପ୍ରଜ୍ଞା ଚନ୍ଦ୍ର ପୃଷ୍ଠରେ ୫ଶହ ମିଟର ଗଡି ଗଡି ବିଭିନ୍ନ ପରୀକ୍ଷା କରିବ ।

   Related Posts