ନୂଆଦିଲ୍ଲୀ ୧|୧୧: ୨୦୧୯ରେ ବିଜେପିକୁ ମାଟି ଚଟାଇବାକୁ ରଣନୀତି । ଅଣ-ବିଜେପି ଦଳଗୁଡ଼ିକୁ ଗୋଟିଏ ପ୍ଲାଟଫର୍ମକୁ ଆଣିବାକୁ ଉଦ୍ୟମ । ଏନସିପି ବସ୍ ଶରଦ ପାୱାର୍ ଏବଂ ଏନସି ବସ୍ ଫାରୁକ୍ ଅବଦ୍ଦୁଲ୍ଲାଙ୍କୁ ସାକ୍ଷାତ ପରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧିଙ୍କୁ ଭେଟିଲେ ଟିଡିପି ମୁଖ୍ୟ ଏନ୍. ଚନ୍ଦ୍ରବାବୁ ନାଇଡୁ । ମୋଦି ସରକାର ଯୋଗୁଁ ଦେଶର ଗଣତନ୍ତ୍ର ଭୁଶୁଡ଼ି ପଡ଼ିବାକୁ ବସିଲାଣି । ସିବିଆଇ, ଆରବିଆଇ ଭଳି ସଂସ୍ଥାକୁ ମଧ୍ୟ ନଷ୍ଟ କରିଦେବାକୁ ବସିଛନ୍ତି । ଏପରିକି ସୁପ୍ରିମକୋର୍ଟ ମଧ୍ୟ ବାଦ୍ ପଡ଼ିବନି । ତେଣୁ ଏଭଳି ସ୍ଥିତିରେ ଅତୀତ ଭୁଲି, ସବୁ ଅଣ-ବିଜେପି ରାଜନୈତିକ ଦଳ ଗୋଟିଏ ପ୍ଲାଟଫର୍ମରେ ଛିଡ଼ା ହେବାର ଆବଶ୍ୟକତା ଥିବା କହିଛନ୍ତି ରାହୁଲ ଗାନ୍ଧି ଏବଂ ଚନ୍ଦ୍ରବାବୁ ନାଇଡୁ । ଦେଶର ସ୍ବାର୍ଥ ଦୃଷ୍ଟିରୁ ଏଭଳି ପଦକ୍ଷେପର ଆବଶ୍ୟକତା ଥିବା କହିଛନ୍ତି ଦୁଇ ନେତା ।