ଚଣ୍ଡିଖୋଲ,୨୬/୧୦: ବିପୁଳ ପରିମାଣର ଗଞ୍ଜେଇ ଜବତ । ଯାଜପୁର ଜିଲ୍ଲା ବଡ଼ଚଣା ପୋଲିସ ଏହି ଗଞ୍ଜେଇକୁ ଜବତ କରିଛି । ଏହାସହ ଜଣଙ୍କୁ ଗିରଫ କରିଛି ପୋଲିସ ।
ସୂଚନାନୁସାରେ, ଢେଙ୍କାନାଳ ଜିଲ୍ଲା ଭୁବନ ଅଞ୍ଚଳରୁ ଗଞ୍ଜେଇ ନେଇ ଅଭିଯୁକ୍ତଜଣଙ୍କ ଚଣ୍ଡିଖୋଲକୁ ଆସୁଥିଲେ । ଏହି ସମୟରେ ତାଙ୍କୁ ବଡ଼ଚଣା ପୋଲିସ ଚଣ୍ଡିଖୋଲ ଛକରେ ଅଟକାଇଥିଲା । ଏହା ସହ ବ୍ୟକ୍ତିଙ୍କଠୁ ଗଞ୍ଜେଇ ଜବତ କରିଥିଲା ।
ଗିରଫ ଅଭିଯୁକ୍ତ ହେଲେ ରମେଶ ରାଜ ସାହୁ । ସେ ଭୁବନ ଅଞ୍ଚଳର ଅଟନ୍ତି । ତାଙ୍କ ନିକଟରୁ ପୋଲିସ ୧୦ କେଜି ୪୦ ଗ୍ରାମର ଗଞ୍ଜେଇ ଜବତ କରିଛି । ତାଙ୍କୁ ଗିରଫ କରି କୋର୍ଟ ଚାଲାଣ କରିବା ସହ ଘଟଣାର ଅଧିକ ତଦନ୍ତ ଆରମ୍ଭ ହୋଇଛି ।