ଚଣ୍ଡିଖୋଲ,୧୪/୧୦: ଗୁରୁବାର ଜଗତଜନନୀ ମା' ଦୁର୍ଗାଙ୍କ ମହାନବମୀ ପାଳିତ ହେଉଛି । ବିଭିନ୍ନ ପୂଜା ମଣ୍ଡପରେ ଚାଲିଛି ମା'ଙ୍କ ପୂଜାର୍ଚ୍ଚନା । ଯାଜପୁର ଜିଲ୍ଲାର ବିଭିନ୍ନ ପୂଜା ମଣ୍ଡପରେ ବହୁ ଆଡମ୍ବରରେ ମା'ଙ୍କ ପୂଜା ଚାଲୁ ରହିଛି ।
ଜିଲ୍ଲାର ବଡ଼ଚଣା ଓ ଚଣ୍ଡିଖୋଲ ଦୁର୍ଗା ମଣ୍ଡପରେ ମାଙ୍କ ପୂଜାର୍ଚ୍ଚନା ଚାଲୁ ରହିଛି । ବଡ଼ଚଣା ପୂଜା ମଣ୍ଡପରେ ଦୀର୍ଘ ୬୫ ବର୍ଷ ଧରି ପୂଜା ହୋଇ ଆସୁଥିବା ବେଳେ ଚଣ୍ଡିଖୋଲ ପୂଜା ମଣ୍ଡପରେ ୩୬ ବର୍ଷ ହେବ ମା' ପୂଜା ପାଇ ଆସୁଛନ୍ତି ।
ଗୁରୁବାର ମା'ଙ୍କ ନବମୀ ପୂଜା ଯଥା ରୀତିନୀତିରେ ଆରମ୍ଭ ହୋଇଛି । ସକାଳୁ ସୂର୍ଯ୍ୟ ପୂଜା ସରିଥିବା ବେଳେ ପରେ ପରେ ମାଙ୍କ ଷୋଡଶ ଉପଚାର ପୂଜା, ଚଣ୍ଡୀପାଠ, ପୂର୍ଣ୍ଣାହୁତି ପୂଜା ହେବ । ସରକାରଙ୍କ କରୋନା କଟକଣା ପାଳନ ଦେବୀଙ୍କ ପୂଜା ଚାଲୁ ରହିଛି । ଭକ୍ତଙ୍କୁ ପୂଜା ମଣ୍ଡପକୁ ଆସିବା ପାଇଁ ବାରଣ କରାଯାଇ ଥିବା ବେଳେ ମଣ୍ଡପ ବାହାରୁ ଭକ୍ତ ମାନେ ଦେବୀଙ୍କୁ ଦର୍ଶନ କରୁଛନ୍ତି । ଯାହାକୁ ନେଇ ଭକ୍ତଙ୍କ ମଧ୍ୟରେ କ୍ଷୋଭ ଦେଖା ଦେଇଛି ।ଆଗାମୀ ଦିନରେ ମା' କରୋନା ମହାମାରୀକୁ ସମ୍ପୂର୍ଣ ନାଶ କରନ୍ତୁ ବୋଲି ଭକ୍ତମାନେ ଗୁହାରି ଜଣାଉଛନ୍ତି।