Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଢେଙ୍କାନାଳ : ହାତୀ ପୁଣି ନେଲା ଆଉ ଜଣଙ୍କ ଜୀବନ, ଶୌଚ ହେବାକୁ ଯାଇଥିବା କଚାଡି ମାରିଲା ଦନ୍ତା
  • ||
  • ବଲାଙ୍ଗୀର : ବିଚାରାଧୀନ କଏଦୀ ମୃତ, ହତ୍ୟା ମାମଲାରେ ଥିଲେ ଅଭିଯୁକ୍ତ
  • ||
  • ଶହେ ତଳକୁ ଖସିଲା ଦୈନିକ ସଂକ୍ରମିତଙ୍କ ସଂଖ୍ୟା : ରାଜ୍ୟରେ ଚିହ୍ନଟ ହେଲେ ଆଉ ୯୯ କୋଭିଡ୍ ପଜିଟିଭ୍‌, ୩୩୪୫୨୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଢେଙ୍କାନାଳ : ଶିକାରୀ ଆଡ୍ଡାରେ ବନବିଭାଗର ଅତର୍କିତ ଚଢାଉ, ୪ ଗିରଫ
  • ||
  • ଗ୍ରୋସରୀ ଦୋକାନରୁ ଲୁଟ୍, ଲକ୍ଷାଧିକ ଟଙ୍କାର ସାମଗ୍ରୀ ଚୋରି
  • ||
  • ଜଳେଶ୍ୱର : ଭାରସାମ୍ୟ ହରାଇ ରାସ୍ତାକଡ଼କୁ ଓଲଟିଲା ଯାତ୍ରୀବାହୀ ବସ୍‌, ଗାଡିରେ ଥିଲେ ୫୦ରୁ ଅଧିକ ଲୋକ
  • ||
  • ନୂଆଦିଲ୍ଲୀ : ଦେଶ ପାଳୁଛି ୭୨ତମ ସାଧାରଣତନ୍ତ୍ର ଦିବସ
  • ||
  • ପଦ୍ମ ସମ୍ମାନ ଘୋଷଣା: ୩ଟି ବର୍ଗରେ ମୋଟ ୧୧୯ ଜଣ ପାଇବେ ସମ୍ମାନ
  • ||

ପ୍ରଧାନମନ୍ତ୍ରୀ ଆବାସ ଗୃହକୁ ସମ୍ପୂର୍ଣ୍ଣ କରିବା ପାଇଁ ବିଡିଓ ସାଜିଲେ ଶ୍ରମିକ

1/03/2020 at 5:30 PM

ଉମରକୋଟ ୧।୩: ଭାଇରାଲ ହେଉଛି ବିଡିଓଙ୍କ ଶ୍ରମିକ ସାଜିଥିବା ଭିଡିଓ । ଅସମ୍ପୂର୍ଣ୍ଣ  ଭାବରେ ଛାଡି ଥିବା  ପ୍ରଧାନମନ୍ତ୍ରୀ ଆବାସ ଯୋଜନା ଗୃହକୁ ସମ୍ପୂର୍ଣ୍ଣ କରିବା ପାଇଁ ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବିଡିଓ ଧର୍ମରାଜ ମାଝୀ ସାଜିଲେ ଶ୍ରମିକ । ବିଡିଓ ଧର୍ମରାଜ ମାଝୀଙ୍କ ଏଭଳି ମହତ କାର୍ଯ୍ୟକୁ ବିଭିନ୍ନ ମହଲରେ ପ୍ରଶଂସା କରାଯାଇଛି ।

ସୂଚନାଯୋଗ୍ୟ ଯେ, ଜମାଦାରପଡା ପଞ୍ଚାୟତ ପିପଲପଡା ଗ୍ରାମର ପ୍ରଧାନମନ୍ତ୍ରୀ ଆବାସ ଯୋଜନା ହିତାଧିକାରୀ ମକର ସୋରୀ ୨୦୧୯/୨୦ ଆର୍ଥିକ ବର୍ଷରେ ଘର ପାଇଥିଲେ । ସେ ମୂଳଦୁଆଠାରୁ ଛାତ ଉଠିବା ପର୍ଯ୍ୟନ୍ତ କାମ କରି ଛାଡି ଦେଇଥିଲେ । ଗୃହକାର୍ଯ୍ୟ ସମ୍ପୂର୍ଣ୍ଣ କରିବା ପାଇଁ ବ୍ଲକ୍ ଏବଂ ପଞ୍ଚାୟତ ତରଫରୁ ତାଙ୍କୁ  ବାରମ୍ବାର କୁହାଯାଉଥିଲେ ମଧ୍ୟ ସେ କୁଲି ମିସ୍ତ୍ରୀ  ନମିଳିବା କହି କଥାକୁ ଏଡାଇ ଚାଲିଥିଲେ ।

ଫଳରେ ଆଜି ବିଡିଓ ଧର୍ମରାଜ ମାଝୀ ପିପଳପଡା ଜାଇ ପିଇଓ ଲଛମନ ନିଆଳି ଏବଂ ଯୋଗାଣ ସହାୟକଙ୍କ ସହିତ ନିଜେ ହାତରେ ଘମେଲା ଧରି ଶ୍ରମିକଙ୍କ ପରି କାମ କରିଥିଲେ । ଉଭୟ ରାଜ୍ୟ ଓ କେନ୍ଦ୍ର ସରକାର ସମସ୍ତ ନାଗରିକଙ୍କୁ ପକ୍କା ଗୃହ ସୁନିଶ୍ଚିତ କରିବା ପାଇଁ ଅଗ୍ରାଧିକାର ଭିତ୍ତିରେ କାର୍ଯ୍ୟ କରୁଥିବା ବେଳେ କିନ୍ତୁ କିଛି ହିତାଧିକାରୀ  ଗୃହ ନିର୍ମାଣ ନକରି  ତା  ପୂର୍ବରୁ ଗୃହ ନିର୍ମାଣ ବାବଦର ବିଲ  ଉଠାଇ ଗୃହ ନିର୍ମାଣ ନ କରି ବର୍ଷ ବର୍ଷ ଧରି ଅସମ୍ପୂର୍ଣ୍ଣ ଅବସ୍ଥାରେ ଛାଡି ଦେଉଛନ୍ତି । ଗୃହ ନିର୍ମାଣ ପାଇଁ ପ୍ରଶାସନ ତରଫରୁ ଯେତେ ବୁଝାଇଲେ ମଧ୍ୟ କୌଣସି ହିତାଧିକାରୀ କର୍ଣ୍ଣପାତ କରୁନଥିବାରୁ  ବିଡିଓ ଏଭଳି ପଦକ୍ଷେପ ନେବାକୁ ବାଧ୍ୟ  ହୋଇଯାଇଛନ୍ତି ।

   Related Posts