ନୂଆଦିଲ୍ଲୀ, ୦୯|୦୫: କରୋନା ମହାମାରୀ ପାଇଁ ଦେଶବିଦେଶର ଅନେକ ବଡ ବଡ ଖେଳ ଟୁର୍ଣ୍ଣାମେଣ୍ଟ ରବ୍ଦ ହୋଇଯାଇଛି । ଏହି ସମୟରେ ଅଷ୍ଟ୍ରେଲିଆରେ ଆୟୋଜିତ ହେବାକୁ ଥିବା ଆଇସିସି ଟି୨୦ ବିଶ୍ୱକପ୍ ପାଇଁ ମଧ୍ୟ ଆଶଙ୍କା ସୃଷ୍ଟି ହୋଇଛି । ଏହି ଖେଳର ଆୟୋଜନ ହୋଇ ନପାରେ ବୋଲି ମଧ୍ୟ କିଛି କ୍ରିକେଟ ବିଶେଷଜ୍ଞ କହୁଛନ୍ତି ।
ଏହା ମଧ୍ୟରେ ଅଷ୍ଟ୍ରେଲିଆ ବ୍ୟାଟସମ୍ୟାନ୍ ଡେଭିଡ୍ ଓ୍ୱାର୍ଣ୍ଣର ଏକ ବଡ ମନ୍ତବ୍ୟ ଦେଇଛନ୍ତି । ସେ କହିଛନ୍ତି ଯେ, ବର୍ତ୍ତମାନର ସ୍ଥିତିକୁ ଦେଖିଲେ ଅକ୍ଟୋବର ଓ ନଭେମ୍ବରରେ ଟି୨୦ ବିଶ୍ୱକପ ଆୟୋଜନ କଷ୍ଟକର । ଏହି ପରିସ୍ଥିତି ଲାଗି ରହିଲେ ଆଇସିସି ଟୁର୍ଣ୍ଣାମେଣ୍ଟର ଆୟୋଜନ କରିବ ନାହିଁ । ୧୬ଟି ଟିମକୁ ଗୋଟିଏ ସମୟରେ ଆଣିବା କଷ୍ଟକର ହୋଇଯିବ । କିନ୍ତୁ ଆଇସିସି ଏବେସୁଦ୍ଧା ଏନେଇ କୌଣସି ନିଷ୍ପତ୍ତି ନେଇନାହିଁ । ରୋହିତ ଶର୍ମାଙ୍କ ସହ ଇନଷ୍ଟାଗ୍ରାମ୍ ଚାଟରେ ଓ୍ୱାର୍ଣ୍ଣର ଏହା କହିଛନ୍ତି ।
{"id":267216,"width":745,"height":424,"sizeSlug":"large"}ଏହି ଚାଟରେ ରୋହିତ କହିଛନ୍ତି ଯେ, ବିଶ୍ୱକପ ପରେ ଭାରତ ଅଷ୍ଟ୍ରେଲିଆ ସହ ମୁହାଁମୁହିଁ ହେବ । ସେ ଅଷ୍ଟ୍ରେଲିଆ ବିରୋଧରେ ଖେଳିବା ପାଇଁ ପସନ୍ଦ କରନ୍ତି । ଦଳ ୨୦୧୯ରେ କଙ୍ଗାରୁ ବିରୋଧରେ ବିଜୟ ଲାଭ କରିଥିଲା । ତେବେ ଓ୍ୱାର୍ଣ୍ଣର ଓ ସ୍ମିଥଙ୍କୁ ଉପସ୍ଥିତିକୁ ସେ ଅନୁଭବ କରିପାରୁଥିବା କହିଛନ୍ତି ।