ଆଠମଲ୍ଲିକ୩/୧: ନୂଆବର୍ଷ ଆରମ୍ଭରୁ ଚାଲିଗଲା ୨ ଜଣଙ୍କ ଜୀବନ। ବାଇକ ଦୁର୍ଘଟଣାରେ ୨ ଜଣଙ୍କ ମୃତ୍ୟୁ। ଆଠମଲ୍ଲିକ ଉପଖଣ୍ଡର ଠାକୁରଗଡ଼ ଥାନା ଅନ୍ତର୍ଗତ ପୋକଣ୍ଡା ଗ୍ରାମଠାରେ ଏଭଳି ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ରବିବାର ସଂଧ୍ୟା ପ୍ରାୟ ୬ଟା ବେଳେ ବାଇକ ଏବଂ ପିକ ଅପ୍ ଭ୍ୟାନ ମୁହାଁମୁହିଁ ଧକ୍କା ହୋଇଥିଲା। ଖବର ପାଇବା ଠାକୁରଗଡ ପୋଲିସ ଦୁଇ ବାଇକ ଆରୋହୀଙ୍କୁ ଗୁରୁତର ଭାବରେ ଉଦ୍ଧାର କରିଥିଲେ ମଧ୍ୟ ଘଟଣାସ୍ଥଳରେ ଜଣଙ୍କ ମୃତ୍ୟୁ ହୋଇଥିଲା। ଅନ୍ୟଜଣେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି। ମୃତକ ହେଲେ ଖମାର ଗ୍ରାମର ଜଗଦୀଶ ପ୍ରଧାନ ଓ ତୁମୁରସିଙ୍ଗା ଗ୍ରାମର କୀର୍ତ୍ତନ ନାୟକ। ଉଭୟ ଆଠମଲ୍ଲିକ ବ୍ଲକର ସାପଘରା ପଞ୍ଚାୟତର ବୋଲି ଜଣା ପଡ଼ିଛି।