ଭୁବନେଶ୍ବର ୦୬|୧୨: ଆଜି ନବୀନ ନିବାସଠାରେ ପୂର୍ବତନ କଂଗ୍ରେସ ବିଧାୟକ ଚକ୍ରଧର ପାଇକ ବିଜେଡିରେ ଯୋଗଦେଇଛନ୍ତି । ମୁଖ୍ୟମନ୍ତ୍ରୀ ତାଙ୍କୁ ଦଳକୁ ସ୍ବାଗତ କରିଛନ୍ତି । ୨୦୦୯ ମସିହାରେ ସେ ଗଜପତି ଜିଲ୍ଲା ମୋହନା ନିର୍ବାଚନମଣ୍ଡଳୀରୁ ବିଧାନସଭାକୁ ନିର୍ବାଚିତ ହୋଇଥିଲେ । ବିଧାନସଭାରେ ସେ ବିରୋଧୀଦଳ ଉପନେତା ମଧ୍ୟ ଥିଲେ । ତେବେ ୨୦୧୪ ମସିହାରେ ସେ କଂଗ୍ରେସ ଛାଡି ସ୍ବାଧୀନ ଭାବେ ମୋହନାରୁ ନିର୍ବାଚନ ଲଢି ହାରିଥିଲେ । ଚକ୍ରଧର ପାଇକ ମୋହନା ଅଞ୍ଚଳରେ ଆଦିବାସୀ ନେତା ଭାବେ ବେଶ୍ ଜଣାଶୁଣା ।