Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ଲୁଟେରାଙ୍କ ଟାର୍ଗେଟରେ ବୟସ୍କ ବ୍ୟକ୍ତି, ଚିହ୍ନା ପରିଚିତ ଭଳି କଥା କହି ଝାମ୍ପି ନେଉଛନ୍ତି ସୁନା ଚେନ୍‌

15/06/2020 at 12:45 PM

ବାଲିପାଟଣା ୧୫।୦୬: କରୋନା କବଳରେ ସାରା ରାଜ୍ୟ। ମହାମାରୀକୁ ନେଇ ରାଜ୍ୟରେ ଲକଡାଉନ ଏବଂ ସଟ୍‌ଡାଉନ୍ କଟକଣା ଜାରି କରିଛନ୍ତି ରାଜ୍ୟ ସରକାର । ବିଭିନ୍ନ ଥାନା ମାନଙ୍କରେ ବିଭିନ୍ନ କ୍ରାଇମ୍ କମିଛି ଏବଂ କେସ୍ ସଂଖ୍ୟା ମଧ୍ୟ କମିଛି । ମାତ୍ର ଚେନ୍ ଲୁଟେରା ମାନେ ସକ୍ରିୟ ହୋଇ ସେମାନଙ୍କର ଆତଙ୍କ ବଢାଇ ଚାଲିଛନ୍ତି । ବିଶେଷକରି ରାଜଧାନୀ ଉପକଣ୍ଠକୁ ଟାର୍ଗେଟ କରୁଛନ୍ତି ଲୁଟେରା ।

ବୟସ୍କ ବ୍ୟକ୍ତିଙ୍କ ବେକରୁ ସୁନା ଚେନ୍ ନିମିଷକରେ ବେକରୁ ଛିଡାଇ ଲୁଟି ନେଇଛନ୍ତି ଲୁଟେରା । ୨ୟ ସପ୍ତାହ ସଟ୍‌ଡାଉନ୍‌ରେ ୨ୟ ଦିନରେ ବାଲିଅନ୍ତା ଥାନା ପାଟଣା ଗ୍ରାମରୁ ଲୁଟେରା ମାନେ ସମାନ ଢଙ୍ଗରେ ପୁଣି ଏକ ଚେନ୍‌ ଛିଡାଇ ନେଇଛନ୍ତି । ପାଟଣା ଗ୍ରାମର ୬୦ ବର୍ଷ ବୟସ୍କ ମୁରଲିଧର ପରିଡା ନିଜ ଘର ସାମ୍ନାରେ ଠିଆ ହୋଇଥିବା ବେଳେ  ଦୁଇଜଣ ଏକ ସ୍ପିଡ୍ ବାଇକରେ ଆସି ମୁରଲିଙ୍କ ପାଖରେ ପହଞ୍ଚିଥିଲେ । ଚିହ୍ନା ପରିଚିତ ଭଳି ଦୁଇ ଚାରିପଦ କଥା ହେବା ପରେ ମୁରଲିଙ୍କ ବେକରୁ ସୁନା ଚେନ୍ ଝାମ୍ପି ନେଇ ନିମିଷ କରେ ଫେରାର ହୋଇଯାଇଥିଲେ । ନିକଟରେ ବାଲିପାଟଣା ଥାନା ଅଂଚଳରୁ ୩ଟି ଲୁଟ୍ ଘଟଣା ସମ୍ନାକୁ ଆସିଥିବା ବେଳେ ବାଲିଅନ୍ତା ଥାନା ଅଂଚଳରୁ ଦୁଇଟି ଲୁଟ୍‌  ଘଟଣା ଘଟିସାରିଛି ।

ସମାନ ଢଙ୍ଗରେ ଲୁଟ୍ କରୁଥିବା ଲୁଟେରା ବୟସ୍କ ବ୍ୟକ୍ତି ମାନଙ୍କୁ ଟାର୍ଗେଟ କରୁଛନ୍ତି । ଠିକଣା ବୁଝିବା ବାହାନା କିମ୍ବା ଚିହ୍ନା ପରିଚିତ ଭଳି କଥା କହି ଲୁଟି ନେଉଛନ୍ତି ଚେନ୍ । ଗତ ୮ତାରିଖରେ ବାଲିପାଟଣା ଥାନା ଗିରିଙ୍ଗୋ ମହାନ୍ତି ସାହିରୁ ଜଣେ ବୃଦ୍ଧାଙ୍କ ବେକରୁ ସୁନା ଚେନ୍ ଝାମ୍ପି ନେଇଥିବା ଦୁଇ ଲୁଟେରାଙ୍କ ଚେହେରା ସହ ପାଟଣା ଗ୍ରାମରୁ ମୁରଲିଧରଙ୍କ ସୁନା ଚେନ୍ ଲୁଟ୍ କରିଥିବା ଲୁଟେରାଙ୍କ ଚେହେରା ସମାନ ରହିଛି । ଉଭୟଙ୍କର ବାଇକ୍ ମଧ୍ୟ ସମାନ । ଉଭୟ ଘଟଣାରେ ପୋଲିସ ହାତରେ ସିସିଟିଭି ଭିଜୁଆଲ୍ ରହିଛି । ପୋଲିସ୍ ଏହି ଘଟଣାକୁ ଗୁରୁତର ସହ ନେଇ ଛାନ୍‌ଭିନ୍ କଲେ ଲୁଟେରାଙ୍କୁ କାବୁ କରିପାରିବ ବୋଲି ସ୍ଥାନୀୟ ଅଞ୍ଚଳରେ ଦାବି ହୋଇଛି ।

ଲୁଟେରାଙ୍କୁ ଚିହ୍ନଟ କରିବାରେ ଜନସାଧାରଣ ସହଯୋଗ କରିବାକୁ ପୋଲିସ୍ ପକ୍ଷରୁ କୁହାଯାଇଛି । CCTV ରେ ରେକର୍ଡ଼ ହୋଇଥିବା ଲୁଟେରାଙ୍କ ସମ୍ପର୍କରେ ସୂଚନା ପ୍ରଦାନ କଲେ। ଉକ୍ତ ବ୍ୟକ୍ତିଙ୍କ ନାମ ଗୁପ୍ତ ରଖାଯିବା ସହ ପୁରସ୍କାର ଦିଆଯିବ ବୋଲି ବାଲିଅନ୍ତା ଆଇ.ଆଇ.ସି. ପ୍ରଦୀପ ରାଉତ ସୂଚନା ଦେଇଛନ୍ତି ।

   Related Posts