Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ସନ୍ଧ୍ୟାରେ ଦିଲ୍ଲୀ ପହଞ୍ଚିବ ସିଡିଏସ୍ ବିପିନ ରାୱତଙ୍କ ମରଶରୀର, ମୋଦୀଙ୍କ ସହ ପ୍ରତିରକ୍ଷା ମନ୍ତ୍ରୀ ଦେବେ ଶ୍ରଦ୍ଧାଞ୍ଜଳୀ
  • ||
  • ଭଞ୍ଜନଗର : ମାଇକ୍ରୋ କଣ୍ଟେନମେଣ୍ଟ ଜୋନ୍ ହେଲା ଲାଲସିଙ୍ଗି ପଞ୍ଚାୟତର କିଛି ଅଞ୍ଚଳ, କୋଭିଡ୍ ପଜିଟିଭ୍ ଚିହ୍ନଟ ପରେ ପଦକ୍ଷେପ
  • ||
  • ଭୁବନେଶ୍ବର : ବିଧାନସଭା ପରେ ସମସ୍ତଙ୍କର ହେବ RTPCR ଟେଷ୍ଟ : ବାଚସ୍ପତି
  • ||
  • ଭୁବନେଶ୍ବର : ମହାନଦୀରେ କମିଛି ଜଳ ପ୍ରବାହ, ୫୧୬ ଚେକ୍ ଡ୍ୟାମ୍ କରିଛି ଛତିଶଗଡ : ଜଳସମ୍ପଦ ମନ୍ତ୍ରୀ
  • ||
  • ଭୁବନେଶ୍ବର : ମମିତାକୁ ନ୍ୟାୟ ଦେବାକୁ ବିଜେପିର ଦାବି : ବ୍ୟାରିକେଟ୍ ଭାଙ୍ଗି ବିଧାନସଭା ଘେରାଉ ଉଦ୍ୟମ ବେଳେ ଧସ୍ତାଧସ୍ତି, ପୋଲିସର ଲାଠିଚାର୍ଜ
  • ||
  • ଜୟପୁର : ଜୟପୁର ଏସଡିଜେଏମ୍ କୋର୍ଟରେ NIAର ୨ ଜଣିଆ ଟିମ୍, ମାଓ ନେତା ଦୁବାସୀ ଶଙ୍କରକୁ ପଚରାଉଚରା ପାଇଁ ଲୋଡିଲେ ଅନୁମତି
  • ||
  • ଭୁବନେଶ୍ବର : ବିଜେଡି ଓ ବିଜେପି ବିକ୍ଷୋଭ ପ୍ରସଙ୍ଗ : କଂଗ୍ରେସ ବିଧାୟକ ମହମ୍ମଦ ମୋକିମ କହିଲେ- ଗୋଟିଏ ମୁଦ୍ରାର ଦୁଇ ପାର୍ଶ୍ବ
  • ||
  • ଟାଙ୍ଗୀ : କେନ୍ଦୁଆ ଜଙ୍ଗଲରୁ ମିଳିଲା ଅଜଣା ଯୁବକଙ୍କ ମୃତଦେହ, ମୃତ୍ୟୁର କାରଣ ଅସ୍ପଷ୍ଟ
  • ||
  • ବଡବିଲ : ଶନି ମନ୍ଦିରରୁ ଲୁଟ୍, ଦାନ ବାକ୍ସ ଉଠାଇନେଲେ ଦୁର୍ବୃତ୍ତ
  • ||
  • ନିଶ୍ଚିନ୍ତକୋଇଲି : ଛେଳି ଚୋରକୁ ଛେଚିଲେ ଗାଁ ଲୋକେ, ପୋଲିସର ଜିମାଦେଲେ
  • ||

ବିଜୁଳି ବିଲ ପଇଠ କରିନଥିବା ଉପଭୋକ୍ତା ମାନେ ସାବଧାନ- ୧୬ରୁ ଆପଣଙ୍କ ବିଜୁଳି ସଂଯୋଗ କଟିବ!

14/01/2020 at 6:14 PM

ଭୁବନେଶ୍ୱର ୧୪।୦୧-  ବିଜୁଳି ବିଲ ପଇଠ କରିନଥିବା ଉପଭୋକ୍ତା ମାନେ ସାବଧାନ । ଆସନ୍ତା ୧୬ରୁ ଆପଣଙ୍କ ବିଜୁଳି ସଂଯୋଗ କାଟିବା ଆରମ୍ଭ କରିବ ସେସୁ । ୨ ଦିନ ଭିତରେ ବିଲ ନଦେଲେ  ବିଦ୍ୟୁତ କାଟିବାକୁ ସେସୁର ନାଲି ଆଖି। ଅନ୍ୟପଟେ ସେସୁର ନିଷ୍ପତ୍ତିକୁ ନେଇ ଆରମ୍ଭ ହୋଇଛି  ରାଜନୀତି। ବିଜେପି ଅଭିଯୋଗ କରିଛି ସରକାର ଝିଣ୍ଟାକାମାରି ବଣୀ ପୋସିବା ନ୍ୟାୟରେ ବଡ଼ ବଡ଼ କମ୍ପାନିଙ୍କୁ ଛାଡ଼ି ସାଧାରଣ ଲୋକଙ୍କୁ ଟାର୍ଗେଟ କରୁଛନ୍ତି। କଂଗ୍ରେସ ଧମକ ଦେଇଛି  ପରୀକ୍ଷା ସିଜନରେ ବିଜୁଳି କାଟିଲେ  ରାଜରାସ୍ତାକୁ ଓହ୍ଲାଇବ ଦଳ।

ଆସନ୍ତା ୧୬ ତାରିଖରୁ ବିଦ୍ୟୁତ କାଟ ହେବ । ଆଜି ସେସୁ କମର୍ସର ସିନିୟର ଜେନେରାଲ ମ୍ୟାନେଜର ମନୋଜ ସିଂ ଏହା ସ୍ପଷ୍ଟ କରିଦେଇଛନ୍ତି । ପ୍ରଥମେ କମର୍ସିଆଲ ଉପଭୋକ୍ତା ଓ ଯେଉଁ ଘରୋଇ ଉପଭୋକ୍ତାଙ୍କ କ୍ଷମତା ଅଛି ବିଲ ଦେବାକୁ, ହେଲେ ବିଲ ଦେଉନାହାନ୍ତି ସେମାନଙ୍କ ବିଦ୍ୟୁତ କାଟ ହେବ । ଏଥିପାଇଁ ୪୧୩ଟି ସ୍କାର୍ଡ ସେସୁର ୯ ଜିଲ୍ଲାରେ କାମ କରିବେ । ଦୁଇ ଦିନ ଭିତରେ ବିଲ ଦିଅନ୍ତୁ ନଚେତ ବିଦ୍ୟୁତ କାଟ ହେବ ବୋଲି ସେସୁ ଚରଣବାଣୀ ଶୁଣାଇଛି। ତେବେ ସାରା ଗାଁରେ ବିଦ୍ୟୁତ କାଟ ହେବନି । ଯେଉଁ ଘର ସବୁ ବିଲ୍ ଦେଇନଥିବେ ସେମାନଙ୍କର ହିଁ ବିଦ୍ୟୁତ ସଂଯୋଗ କାଟି ଦିଆଯିବ ବୋଲି ସେସୁ କହିଛି ।

ତେବେ ସେସୁର କଠୋର ବିଦ୍ୟୁତ କାଟ୍ ନିଷ୍ପତ୍ତିକୁ ନେଇ ଆରମ୍ଭ ହୋଇଛି ରାଜନୀତି। କଂଗ୍ରେସ ବିଧାୟକ ସୁର ରାଉତ ରାୟ କହିଛନ୍ତି ପିଲାଙ୍କ ପରୀକ୍ଷା ଚାଲିଥିବା ବେଳେ ସେସୁର ବିଦ୍ୟୁତ୍ କଟିବା ଜିଦ୍‌କୁ ବରଦାସ୍ତ କରିବନି କଂଗ୍ରେସ। ବଡ଼ ବଡ଼ କମ୍ପାନିକୁ ଛାଡ଼ି ସାଧାରଣ ଗରିବ ଲୋକଙ୍କୁ ଯେପରି ସେସୁ ଟାର୍ଗେଟ କରୁଛି ତା ବିରୋଧରେ କଂଗ୍ରେସ  ରାଜରାସ୍ତାକୁ ଓହ୍ଲାଇବ, ସେସୁର ସବୁ ଆଫିସ ଆଗରେ ଧାରଣା ଦେବ ।ସେପଟେ ବିଜେପି ଏନେଇ ରାଜ୍ୟ ସରକାରଙ୍କୁ ଟାର୍ଗେଟ କରିଛି। ବିଜେପି ଅଭିଯୋଗ କରିଛି ଝିଣ୍ଟିକା ମାରି ବଣି ପୋଷିବା ନ୍ୟାୟ ରେ ବଡ କମ୍ପାନି ଙ୍କୁ ଛାଡି ଗରିବଙ୍କ ପେଟରେ ରାଜ୍ୟ ସରକାର ନାତ ମାରୁଛନ୍ତି। ବିଦ୍ୟୁତ  ବିତରକ କମ୍ପାନୀ ଙ୍କ ଉପରେ ୭୬୫୬ କୋଟି  ଟଙ୍କା ବାକି ଥିବା ବେଳେ, ୧୧ ହଜାର ଗାଁ କୁ ଅନ୍ଧାର କରିବାକୁ ମସୁଧା ଚାଲିଛି। ଆଗକୁ ମାଟ୍ରିକ ଓ ଯୁକ୍ତ ଦୁଇ ପରୀକ୍ଷା ଅଛି।ପିଲାଙ୍କ ଭବିଷ୍ୟତକୁ ଦେଖି ନିଷ୍ପତ୍ତି ତୁରନ୍ତ ପ୍ରତ୍ୟାହାର କରିବାକୁ କରିବାକୁ ବିଜେପି ଦାବି କରିଛି।

ବିରୋଧୀ ଦଳଗୁଡିକ ବିଦ୍ୟୁତ କାଟ ନିଷ୍ପତ୍ତିକୁ ବିରୋଧ କରିବା ସହ ଆନ୍ଦୋଳନ  ଧମକ ଦେଇଥିବା ବେଳେ ଶାସକ ବିଜେଡି ପକ୍ଷରୁ ଏନେଇ କୌଣସି ମନ୍ତବ୍ୟ ଦିଆଯାଇନାହିଁ । ଏହାମଧ୍ୟରେ ୧୬ ତାରିଖରୁ ବିଦ୍ୟୁତ କାଟ ହେବ ବୋଲି ସେସୁ ଆଜି ପୁଣିଥରେ ସ୍ପଷ୍ଟ କରିଦେଇଛି ।

   Related Posts