Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେନ୍ଦ୍ରାପଡାରେ ଘରେ ପଶି ଲୁଟିଲେ, କଟୁରୀରେ ହାଣି ଖସିଗଲେ, ସ୍ବାମୀ-ସ୍ତ୍ରୀ ଗୁରୁତର
  • ||
  • ବାଲେଶ୍ବର ମୁଖ୍ୟ ଯୋଗାଣ ଅଧିକାରୀଙ୍କ ଅଫିସ୍‌ରୁ ଜବତ ହେଲା ୯ଟି ଟଙ୍କା ଭର୍ତ୍ତି ଲଫାପା, ବାନ୍ଧିନେଲା ଭିଜିଲାନ୍ସ
  • ||
  • ପାଟଣାରେ ଭାରସାମ୍ୟ ହରାଇ ପଥରରେ ପିଟି ହେଲା ବାଇକ୍, ଘଟଣାସ୍ଥଳରେ ଚାଳକଙ୍କ ମୃତ୍ୟୁ
  • ||
  • ବାଲିଅନ୍ତାରେ ଜୁଆ ଆଡ୍ଡା ଉପରେ ଚଢାଉ, ୩ ଗିରଫ
  • ||
  • ଚାନ୍ଦବାଲିରେ ଟ୍ରେନ୍ ଲାଇନ୍‌ରୁ ମିଳିଲା ନାବାଳକଙ୍କ ମୃତଦେହ
  • ||
  • ପୁରୀରେ ୪ ବ୍ରାଉନସୁଗାର ବେପାରୀ ଗିରଫ, ୫.୩୨ ଗ୍ରାମ୍ ବ୍ରାଉନସୁଗାର ଜବତ
  • ||
  • ଅନୁଗୋଳରେ କଣ୍ଟେନର-ଟ୍ରକ୍ ମୁହାଁମୁହିଁ ଧକ୍କା, ଟ୍ରକ୍ ଚାଳକ ମୃତ
  • ||
  • ଷ୍ଟାଫ୍‌ନର୍ସ ମୌସୁମୀ ମିଶ୍ରଙ୍କ ସନ୍ଦେହଜନକ ମୃତ୍ୟୁ, ସହକର୍ମୀ କହିଲେ, ‘ତାଙ୍କୁ ହତ୍ୟା କରାଯାଛି’
  • ||
  • ଦିଲ୍ଲୀରେ ଭାଇ-ଭାଉଜଙ୍କୁ ହାଣି ଫିଙ୍ଗିଦେଲା ସାନ ଭାଇ, ୬୦କି.ମି. ଦୂରରୁ ଉଦ୍ଧାର ହେଲା ମୃତଦେହ
  • ||
  • ଯାଜପୁରରେ କାର୍‌-ଟ୍ରକ୍‌ ମୁହାଁମୁହିଁ ଧକ୍କା, ଯନ୍ତ୍ରୀଙ୍କ ସହ ଚାଲିଗଲା ୨ ଜଣଙ୍କ ଜୀବନ, ୨ ଗୁରୁତର
  • ||

ବିକ୍ରିହେଲା ରାଜ୍ୟର ବିଦ୍ୟୁତ ବିତରଣ କମ୍ପାନୀ ସେସୁ – ୫୧ ପ୍ରତିଶତ ଅଂଶଧନ କିଣିଲା ଟାଟା ପାଓ୍ୱାର

24/12/2019 at 7:25 PM

ଭୁବନେଶ୍ୱର  ୨୪।୧୨ – ବିକ୍ରିହେଲା ସେସୁ । ସେସୁକୁ ଅଧିଗ୍ରଣ କରିବା ନେଇ ଟାଟା ପାଓ୍ବାର ସୂଚନା ଦେଇଛି । ହେଲେ ରାଜ୍ୟ ସରକାର ଏନେଇ କିଛି ସ୍ଫଷ୍ଟ କରୁ ନଥିବାବେଳେ ସେସୁ ବିକ୍ରି ପଛରେ କିକ ବ୍ୟାକ ଅଭିଯୋଗ ଆଣିଛନ୍ତି ବିରୋଧୀ । ସେପଟେ ସେସୁ ଘରୋଇ କରଣ ଦ୍ବାରା ବିଜୁଳି ସଂସ୍କାର ହୋଇ ପାରିବ ବୋଲି ଯୁକ୍ତି ବାଢିଛି ବିଜେଡି । ଏଠି ପ୍ରଶ୍ନ ଉଠୁଛି ସେସୁ ଘରୋଇ କରଣ ହେବା ପରେ ସତରେ କଣ ସରକାର ଲାଭ ପାଇବେ ଓ ଗ୍ରାହକ ଉପକୃତ ହେବେ ।

ବିକ୍ରିହେଇଗଲା ସେସୁ । ୫୧ ପ୍ରତିଶତ ଅଂଶଧନ ହାତେଇ ସେସୁର ମାଲିକାନା ନେଇଛି ଟାଟା ପାଓ୍ବାର । ରାଜ୍ୟର ବିଦ୍ୟୁତ ୟୁଟିଲିଟି ସଂସ୍ଥା ସେସୁକୁ କିଣିବା ନେଇ ଟାଟା ପାଓ୍ବାର ଟ୍ବିଟ୍‌ କରି ସୂଚନା ଦେଇଛି। ଏ ହେଉଛି ସେହି ଲେଟର ଅଫ ଇଣ୍ଟେଣ୍ଟ ଯାହାକୁ ଓଇଆରସି ଟାଟା ପାୱାରକୁ ଦେଇଛି।  ତେବେ ସେସବୁ ବିକ୍ରି ହେବା ପରେ ଏଥିରେ କାହାର ଲାଭ ହେବ ।

ସରକାର ଲାଭ ପାଇବେ ଓ ଗ୍ରାହକଙ୍କୁ ଉପକୃତ ହେବେ କି ।  ପୂର୍ବରୁ ସେସୁକୁ ଅଧିଗ୍ରହଣ କରିଥିବା ଏଇଏଏସ କମ୍ପାନୀ ଏମିତି ସ୍ବପ୍ନ ଦେଖାଇ ଥିଲା । ହେଲେ ଅଧାରୁ ସରକାରଙ୍କ ହାତ ଛାଡି ପାଖା ପାଖି ୭ ଶହ କୋଟି ନେଇ ଛୁ ମାରିଛି । ଏବେ ରାଜ୍ୟ ସରକାର ସେଇ ସମାନ ବାଟ ଆପଣାଇଥିବାରୁ ଏହାକୁ ନେଇ ପ୍ରଶ୍ନ ଉଠାଇଛନ୍ତି ବିରୋଧୀ । ସେସୁ ବିକ୍ରି ପଛରେ କିକ ବ୍ୟାକ ହୋଇଥିବା ନେଇ ବିରୋଧୀ ଅଭିଯୋଗ ଆଣିଛନ୍ତି ।

ଅଂଶ ଧନ ହାତେଇବା ପରେ ସେସୁ ଅଧିନରେ ଥିବା ରାଜ୍ୟର ପାଞ୍ଚଟି ବିଦ୍ୟୁତ ସର୍କଲ୍‌ର ୯ଟି ଜିଲ୍ଲାର ପ୍ରାୟ ୨୫ ଲକ୍ଷ ଗ୍ରାହକଙ୍କୁ ଟାଟା ପାଓ୍ବାର ବିଜୁଳି ସେବା ଯୋଗାଇବ ।

 ଭୁବନେଶ୍ବର ୧  ଓ ୨, କଟକ, ପାରାଦୀପ ଓ ଢେଙ୍କାନାଳ ପାଇଁ ଟାଟା ପାୱାର ବିଦ୍ୟୁତ ବିତରଣ ଓ ଖୁଚୁରା ଯୋଗାଣ କରିବ। ପ୍ରାରମ୍ଭିକ ପର୍ଯ୍ୟାୟରେ ୨୫ ବର୍ଷ ପାଇଁ ଏହି ଲାଇସେନ୍ସ ଦିଆଯିବ।

 ହେଲେ ସରକାରଙ୍କ ପକ୍ଷରୁ ଏନେଇ ଆନୁଷ୍ଠାନିକ ଭାବେ କିଛି ସ୍ଫଷ୍ଟ କରାଯାଇନି ।ସେସୁ ଘରୋଇ କରଣ ନିଷ୍ପତ୍ତି ଓଇଆରସି ଉପରେ ନିର୍ଭର କରେ ବୋଲି ରବିବାର କହିଥିବା ଶକ୍ତିମନ୍ତ୍ରୀ  ଟାଟା ପାଓ୍ବାର ଟ୍ବିଟ ନେଇ ମୁହଁ ଖୋଲି ନାହାନ୍ତି ।

ସେପଟେ ବିରୋଧୀଙ୍କ ଆରୋପର ଜବାବରେ ବିଜେଡି କହିଛି ଘରୋଇ କରଣ ହେଲେ ବିଦ୍ୟୁତ କ୍ଷେତ୍ରରେ ଅଧିକ ସଂସ୍କାର ଆସିବ ।

୫୧ ପ୍ରତିଶତ ଅଂଶ ଧନ ଟାଟା ପାଓ୍ବାର, ୪୯ ପ୍ରତିଶତ ରାଜ୍ୟ ସରକାରଙ୍କ ପାଖରେ ରହିବ । ସେହିପରି ସେସୁର କ୍ଷତି ହୋଇଥିବା  ଟିଆଣ୍ଡ୍‌ଡି କ୍ଷତି ୩୧.୭୨% ରହିଥିବା ବେଳେ ଏଟି ଆଣ୍ଡ୍‌ ସି କ୍ଷତି ୩୪.୦୭% ରହିଛି। ଘରୋଇକରଣ ଜରିଆରେ ସେସୁ ଏଟିଆଣ୍ଡ୍‌ଟି କ୍ଷତିକୁ ୨୦୨୩ ସୁଦ୍ଧା ୨୨.୫୭% ପର୍ଯ୍ୟନ୍ତ ହ୍ରାସ କରିବାକୁ ଲକ୍ଷ୍ୟ ରଖାଯାଇଛି। ଏହା ବ୍ୟତୀତ ୨୦୦ କୋଟି ଟଙ୍କାର ବକେୟା ଅସୁଲ କରିବାକୁ ମଧ୍ୟ ଲକ୍ଷ୍ୟ ଧାର୍ଯ୍ୟ କରାଯାଇଛି ।

   Related Posts