Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମିବାରେ ଲାଗିଛି କରୋନା ପ୍ରଭାବ, ସୁସ୍ଥ ହୋଇ ଘରକୁ ଫେରିଲେ ଆଉ ୭୦୭ ଆକ୍ରାନ୍ତ
  • ||
  • ବିରାଟ ବାହିନୀ ଚିତ୍‌ପଟାଙ୍ଗ, ଭାରତକୁ ୫୧ ରନରେ ହରାଇ ସିରିଜ୍ ହାତେଇଲା ଅଷ୍ଟ୍ରେଲିଆ
  • ||
  • କାର୍ତ୍ତିକ ପୂର୍ଣ୍ଣିମାରେ ପବିତ୍ର ଗଙ୍ଗା ସ୍ନାନକୁ ନେଇ ଦୁଇ ଦିନ ପାଇଁ ହରିଦ୍ୱାର ସୀମା ସିଲ୍
  • ||
  • ହାଡଭଙ୍ଗା ଶୀତ ଯୋଗୁଁ ମନାଲିରେ ଜଣକର ମୃତ୍ୟୁ, ଜିରୋ ଡିଗ୍ରୀ ତଳକୁ ଖସିଲା ପାରଦ
  • ||
  • ଡାଲିରେ ୧୫ ଟଙ୍କା ରିହାତି ଦେବେ ସରକାର
  • ||
  • ଭୁବନେଶ୍ୱର : କମିଲା କୋଭିଡ୍ ମୃତ୍ୟୁ ସଂଖ୍ୟା : ଗତ ୨୪ ଘଣ୍ଟାରେ ଯାଇଛି ୪ ମୁଣ୍ଡ, ୧୭୩୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୧୮ କରୋନା ସଂକ୍ରମିତ, ୩୧୮୩୦୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||

ଆମାଜନ, ନେଟ୍‌ଫ୍ଲିକ୍ସ ପରି ଓଟିଟି ପ୍ଲାଟଫର୍ମ ଉପରେ ଲାଗିଲା ଚେକ୍, ପ୍ରସାରଣ କରି ପାରିବେ ନାହିଁ ମନଇଚ୍ଛା ବିବାଦୀୟ ବିଷୟ ଓ ଦୃଶ୍ୟ, କେନ୍ଦ୍ର ସରକାରଙ୍କ କଡା ନିର୍ଦ୍ଦେଶ

11/11/2020 at 5:31 PM

ନୂଆଦିଲ୍ଲୀ ୧୧।୧୧: ନେଟ୍‌ଫ୍ଲିକ୍ସ କିମ୍ବା ଆମାଜନ ପରି ଓଟିଟି(ଓଭର ଦ ଟପ୍) ଷ୍ଟ୍ରିମିଂ ପ୍ଲାଟ୍‌ଫର୍ମରେ ଆପଣଙ୍କର ଅନୁଭବ ଆଉ ପୂର୍ବ ପରି ରହିବ ନାହିଁ। ଏହି ପ୍ଲାଟଫର୍ମରେ ଆଗ ଭଳି ଆଉ ମନ ଇଚ୍ଛା ପ୍ରସାରଣ ହୋଇ ପାରିବ ନାହିଁ। ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ଓଟିଟି ପ୍ଲାଟଫର୍ମରେ ପ୍ରସାରଣ ହେଉଥିବା ଡିଜିଟାଲ ଅଡିଓ ଭିଜୁଆଲ କଣ୍ଟେଟ୍ ଓ ଓ୍ଵେବ୍‌ ସୋକୁ ନିଜ ଅଧିନକୁ ଆଣିଛନ୍ତି। ଏଥିସହ ଅନଲାଇନ୍ ପ୍ଲାଟଫର୍ମର ନ୍ୟୁଜ୍ ଓ କରେଣ୍ଟ ଅଫାୟାର୍ସ ମଧ୍ୟ ସରକାରଙ୍କ ପରିଧିକୁ ଚାଲି ଯାଇଛି। ସରକାର ବୁଧବାର ଏହି ସଂପର୍କିତ ଗେଜେଟ୍ ଜାରି କରି ଏହାର ସୂଚନା ଦେଇଛନ୍ତି।

ସାଧାରଣ ଲୋକଙ୍କ ପାଇଁ ଏହି ପରିବର୍ତ୍ତନର ଅର୍ଥ, ବର୍ତ୍ତମାନ ନେଟ୍‌ଫ୍ଲିକ୍ସ ପରି ଓଟିଟି ପ୍ଲାଟ୍‌ଫର୍ମରେ ସେନସର ଲାଗୁ ହେବ। ଫଳରେ ଓଟିଟି ପ୍ଲାଟଫର୍ମ  ମନଇଚ୍ଛା ବିବାଦୀୟ ବିଷୟ ଓ ଦୃଶ୍ୟ ପ୍ରସାରଣ କରି ପାରିବେ ନାହିଁ। ଚଳିତ ବର୍ଷ ସେପ୍ଟେମ୍ବରରେ ସୂଚନା ଏବଂ ପ୍ରସାରଣ ମନ୍ତ୍ରଣାଳୟ ଇଣ୍ଟରନେଟ୍ ଏବଂ ମୋବାଇଲ ଆସୋସିଏସନ ଅଫ ଇଣ୍ଡିଆ(IAMAI) ପକ୍ଷରୁ ଜାରି ସେଲ୍‌ଫ ରେଗୁଲେସନ କୋଡ୍‌କୁ ସମର୍ଥନ କରିବାକୁ ମନା କରି ଦେଇଥିଲେ। ସଂପ୍ରତି ଦେଶରେ ୧୫ ଭିଡିଓ ଷ୍ଟ୍ରିମିଂ ପ୍ଲାଟଫର୍ମ କାମ କରୁଛି।

ଏହି ସବୁ ଓଟିଟି ପ୍ଲାଟଫର୍ମ ଚଳିତ ମାସ ଆରମ୍ଭରେ IAMAI ଆଧାରରେ ପ୍ରସ୍ତୁତ ସେଲ୍‌ଫ ରେଗୁଲେସନ ଉପରେ ହସ୍ତାକ୍ଷର କରିଥିଲେ। ସେନସରସିପ୍‌ କିମ୍ବା ସରକାରୀ ଦଖଲ ପରିବର୍ତ୍ତେ ଓଟିଟି  କମ୍ପାନୀ ସରକାରଙ୍କ କହିବାନୁଯାୟୀ ଏକ ଫ୍ରେମଓ୍ଵାର୍କ କରିଥିଲେ। ସଠିକ୍ କଣ୍ଟେଟ୍ ଦର୍ଶକଙ୍କ ପାଖକୁ ପହଞ୍ଚାଇବା ଲାଗି ଏଥିରେ ନିଷ୍ପତ୍ତି ହୋଇଥିଲା। ଏହି କୋଡ୍‌ରେ ଦର୍ଶକଙ୍କ ଅଭିଯୋଗର ସମାଧାନ ପାଇଁ ମଧ୍ୟ ବ୍ୟବସ୍ଥା ହୋଇଛି। ଏଥିପାଇଁ ଗ୍ରାହକ ଅଭିଯୋଗ ପ୍ରକୋଷ୍ଟ କିମ୍ବା ପରାମର୍ଶଦାତା କମିଟି ଗଠନ କରିବାକୁ କୁହାଯାଇଥିଲା। ଏହି କମିଟିରେ ସଦସ୍ୟ ଭାବେ ପିଲାଙ୍କ ଅଧିକାର, ସମାନତା ଅଧିକାର ପାଇଁ କାମ କରୁଥିବା ସ୍ଵାଧୀନ ସଂସ୍ଥାର ଲୋକଙ୍କୁ ସାମିଲ କରାଯାଇପାରେ।

ଏଥିରେ ଯେଉଁ ଓଟିଟି ପ୍ଲାଟଫର୍ମ ସାମିଲ, ସେଥିରେ ନେଟ୍‌ଫ୍ଲିକ୍ସ, ଆମାଜନ ପ୍ରାଇମ୍ ଭିଡିଓ, ଡିଜନି ପ୍ଲସ୍ ହଟ୍‌ଷ୍ଟାର, ଏଏଲଟି ବାଲାଜୀ, ଜି୫, ଅରେ, ଡିସକଭରୀ ପ୍ଲସ୍, ଇରୋଜ ନାଓ, ଫ୍ଲିକଷ୍ଟ୍ରି, ହୋଇଚୋଇ, ହଙ୍ଗାମା, ଏମଏକ୍ସ ପ୍ଲେୟାର, ସେମାରୁ, ଭୁଟ୍, ଜିଓ ସିନେମା, ସୋନିଲାଇଭ ଓ Lionsgate  play ସାମିଲ।

   Related Posts