Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରହ୍ମପୁର ; ବ୍ରହ୍ମପୁର ବଡବଜାର ଥାନା ଅନ୍ତର୍ଗତ ଗଣେଶ ନଗରରେ ପୁଲିସ୍ ର ଚଢାଉ
  • ||
  • ନକଲି ଟମାଟ, ଚିଲି, ସୋୟା ସୋସ୍ ୟୁନିଟ୍ ଉପରେ ଚଢାଉ
  • ||
  • କେତେ ପରିମାଣର ନକଲି ସାମଗ୍ରୀ ଜବତ, ତାହା ତଦନ୍ତ ପରେ ଜଣାପଡିବ ବୋଲି ପୁଲିସର ସୂଚନା
  • ||
  • ବରଗଡ଼ରେ ବିରାଟ ଚାଷୀ ସମାବେଶ, ଯୋଗଦେଲେ ୧୦ ଜିଲ୍ଲାର ୫ ହଜାର କୃଷକ
  • ||
  • ଜୟପୁର : ଜୟପୁର କୋଟପାଡରେ ନକଲି ବିଦେଶୀ ମଦ କରାଖାନା ଠାବ, ବିପୁଳ ପରିମାଣର ନକଲି ମଦ
  • ||
  • ଜଳେଶ୍ଵର : STFର ଚଢାଉ ବେଳେ ଜଳେଶ୍ୱର ବଜାରରୁ ନକଲି ପାନ ମସଲା ଜବତ, ଦୁଇ ଅଟକ
  • ||
  • ଜଳେଶ୍ଵର : ଜଳେଶ୍ଵର ଝାଡ଼େଶ୍ୱରପୁର ବସ୍ତିରୁ ବିପୁଳ ପରିମାଣର ବ୍ରାଉନସୁଗାର ଜବତ, ଅଭିଯୁକ୍ତ ଫେରାର
  • ||
  • ବଲାଙ୍ଗୀର : ବୋଲେରୋ ଧକ୍କାରେ ସାଇକେଲ୍ ଆରୋହୀ ମୃତ, କ୍ଷତିପୂରଣ ଦାବିରେ ମୃତଦେହ ରଖି ରାସ୍ତାରୋକ
  • ||
  • ଭୁବନେଶ୍ବର : ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୪ ଛୁଇଁଲା ମୃତକଙ୍କ ସଂଖ୍ୟା
  • ||
  • କଟକ ନେତାଜୀ ବସ୍ ଟର୍ମିନାଲର ଶିଳାନ୍ୟାଶ କଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ
  • ||

ସେଣ୍ଟ୍ରାଲ୍ ଭିଷ୍ଟା ପ୍ରକଳ୍ପ : ଠିକ୍ ସମୟରେ ନିର୍ମାଣ ହେବ ନୂଆ ସଂସଦ ଭବନ, ସୁପ୍ରିମକୋର୍ଟ ଦେଲେ ମଞ୍ଜୁରି

5/01/2021 at 11:19 AM

ନୂଆଦିଲ୍ଲୀ, ୦୫/୦୧:ସୁପ୍ରିମକୋର୍ଟ ସେଣ୍ଟ୍ରାଲ୍ ଭିଷ୍ଟା ପ୍ରକଳ୍ପରେ ନିର୍ମାଣ ହେବାକୁ ଥିବା ନୂଆ ସଂସଦ ଭବନର ନିର୍ମାଣ ପାଇଁ ସସର୍ତ୍ତ ମଞ୍ଜୁରି ପ୍ରଦାନ କରିଛନ୍ତି । ଜଷ୍ଟିସ୍ ଏଏମ ଖାନଓ୍ୱିଲକରଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ ଏହି ମାମଲାର ଶୁଣାଣି କରି ନିଷ୍ପତ୍ତି ଶୁଣାଇଛନ୍ତି । ଏବେସୁଦ୍ଧା କୋର୍ଟ ଏହି ପ୍ରକଳ୍ପର କାମ ଉପରେ ରୋକ ଲଗାଇଥିଲେ ।

ଖଣ୍ଡପୀଠ ଦୁଇଟି ଭିନ୍ନ ଭିନ୍ନ ନିଷ୍ପତ୍ତି ଶୁଣାଇଥିଲେ । ଗୋଟିଏ ନିଷ୍ପତ୍ତି ଜଷ୍ଟିସ୍ ଏ ଏମ ଖାନବିଲକର ଓ ଜଷ୍ଟିସ ଦିନେଶ ମାହେଶ୍ୱରୀଙ୍କର ଥିବା ବେଳେ ଅନ୍ୟଟି ଜଷ୍ଟିସ୍ ସଞ୍ଜୀବ ଖାନ୍ନା ଶୁଣାଇଥିଲେ ।

ସୂଚନାନୁସାରେ, କେନ୍ଦ୍ର ସରକରାଙ୍କ ଏହି ମହତ୍ତ୍ୱାକାଂକ୍ଷୀ ପ୍ରକଳ୍ପକୁ ଅନେକ ଆବେଦନ ଜରିଆରେ ସୁପ୍ରିମକୋର୍ଟରେ ଚ୍ୟାଲେଞ୍ଜ୍ ଦିଆଯାଇଥିଲା । ଏଥିରେ କୁହାଯାଇଥିଲା ଯେ, ବିନା କୌଣସି ଆଇନରେ ସରକାର ଏହି ପ୍ରକଳ୍ପକୁ ଆରମ୍ଭ କରୁଛନ୍ତି ।ଏଥିପାଇଁ ପରିବେଶ ମନ୍ତ୍ରାଳୟର ଅନମୁତି ନଥିଲା । ହଜାରେ କୋଟିର ଏହି ଯୋଜନା କେବଳ ସରକାରୀ ଅର୍ଥକୁ ବରବାଦ କରିବା ଭଳି ଅଟେ । ଏହା ଦ୍ୱାରା ସଂସଦ ଆଖପାଖରେ ଥିବା ଐତିହାସିକ ସ୍ୱାରକିକୁ କ୍ଷତି ପହଁଚିପାରେ । କିନ୍ତୁ କୋର୍ଟ ଅନେକ ଆବେଦନକୁ ଖାରଜ କରି ସେଣ୍ଟ୍ରାଲ ଭିଷ୍ଟା ପ୍ରକଳ୍ପକୁ ସର୍ତ୍ତମୂଳକ ମଞ୍ଜୁରି ଦେଇଛନ୍ତି ।

ମାମଲାର ରାୟ  ଶୁଣାଇବା ବେଳେ କୋର୍ଟ କହିଥିଲେ ଯେ, ସମସ୍ତ ଅନୁମତି ସରକାର ନେଇଛନ୍ତି । ସରକାର ପ୍ରକଳ୍ପକୁ ଆଗକୁ ବଢାଇ ପାରିବେ । ନିର୍ମାଣ କାର୍ଯ୍ୟ ଆରମ୍ଭ ପାଇଁ ହେରିଟେଜ୍ କଞ୍ଜର୍ଭେସନ କମିଟିର ମଞ୍ଜୁରି ମଧ୍ୟ ଅଣାଯାଉ ବୋଲି କୋର୍ଟ କହିଛନ୍ତି ।

ପୂର୍ବରୁ କୋର୍ଟ ନଭେମ୍ବର ୫ରେ ଏହି ମାମଲାରେ ରାୟକୁ ସୁରକ୍ଷିତ ରଖିଥିଲେ । କୋର୍ଟ କହିଥିଲେ ଯେ, ସେ ଆବେଦନକୁ ଖାରଜ କରୁଛନ୍ତି ଯେଉଁଥିରେ ସେଣ୍ଟ୍ରାଲ ଭିଷ୍ଟା ପ୍ରକଳ୍ପର ନୂଆ ଯୋଜନା ଉପରେ ରୋକ୍ ପାଇଁ କୁହାଯାଇଥିଲା । ଏହି ଯୋଜନା ପାଇଁ ସବୁ ଆଇନକାନୁନକୁ ଧ୍ୟାନରେ ରଖାଯାଇଛି ନା ନାହିଁ ତାହା ଉପରେ ହିଁ କେବଳ ବିଚାର ହେବ ବୋଲି କୋର୍ଟ କହିଥିଲେ ।

   Related Posts