ଭଦ୍ରକ ୨୨|୯: ଭଦ୍ରକ ଜିଲ୍ଲା ଧାମନଗର ବ୍ଲକ୍ ସହିଦନଗରଠାରେ ୭୬ ତମ ସହିଦ ସ୍ମୃତି ଦିବସ ପାଳିତ ହୋଇଯାଇଛି । ଏହି ଅବସରରେ ଜିଲ୍ଲାର ବିଭିନ୍ନ ସଂଗଠନ ଓ ରାଜନୈତିକ ଦଳର କର୍ମକର୍ତ୍ତାମାନେ ସହିଦ ସ୍ମୃତି ସ୍ତମ୍ଭରେ ପୁଷ୍ପମାଲ୍ୟ ଅର୍ପଣ କରିଥିଲେ । ସ୍ଥାନୀୟ ଅଞ୍ଚଳର ବିଭିନ୍ନ ସ୍କୁଲ ଓ କଲେଜର ଛାତ୍ରଛାତ୍ରୀମାନେ ଶୋଭାଯାତ୍ରାରେ ସହିଦନଗର ଗାଁ ପରିକ୍ରମା କରିଥିଲେ । ଏହାପରେ ସହିଦ ପୀଠଠାରେ ସମସ୍ତେ ଏକାଠି ହୋଇଥିଲେ। ସହିଦ ଲକ୍ଷ୍ମୀଧର ପଣ୍ଡାଙ୍କ ନେତୃତ୍ଵରେ ସହିଦ ହୋଇଥିବା ୯ ଜଣ ସହିଦଙ୍କ ଉଦ୍ଦେଶ୍ୟରେ ତିଳ ଅର୍ପଣ କରାଯାଇଥିଲା ।