କଟକ ୧୩।୬: ଆଉ ଗୋଟିଏ ଦିନ ପରେ ରଜ । ରଜ ଆସିଲେ ମନେ ପଡିଯାଏ ଗାଁ ବରଗଛରେ ଦୋଳି ଖେଳ ସାଙ୍ଗକୁ ପିଠା-ମିଠାର ଆସର ସହ ରଜ ପାନ । ବର୍ତ୍ତମାନ ସମୟର ସହରୀ ସଭ୍ୟତା ଭିତରେ ଦୋଳି ଖେଳ ହଜିବାକୁ ବସିଥିବା ବେଳେ ଇଚ୍ଛାଶକ୍ତିର ଅଭାବରୁ ପାରମ୍ପରିକ ପିଠା ଆଉ ପାନ ମଧ୍ୟ ଦେଖିବାକୁ ମିଳୁନି । ଅନ୍ୟପଟେ କୋଭିଡ୍ ପାଇଁ ଲକ୍ ଡାଉନ୍ ଏଥର ରଜକୁ ଆହୁରି ଫିକା କରିଦେଉଛି ।
{"id":465558,"sizeSlug":"large","linkDestination":"none"}
ତେବେ ଏପରି ସ୍ଥିତିରେ ସହରୀ ଲୋକଙ୍କୁ କିପରି ରଜର ପାରମ୍ପରିକ ପିଠା-ମିଠା ଓ ପାନର ମଜା ମିଳିବ ସେ ନେଇ ନିଆରା ଉଦ୍ୟମ ଚଳାଇଛନ୍ତି କଟକର ଶାଶୁ-ବୋହୂଙ୍କ ଯୋଡି । ମଧୁସ୍ମିତା ସାମଲ ଓ ତାଙ୍କ ବୋହୂ ନିବେଦିତା ସାମଲ । ବୋହୁ ଉଚ୍ଚଶିକ୍ଷିତା । ମାତ୍ର କୋଭିଡ୍ ସମୟରେ ରୋଜଗାର ଠପ୍ ହୋଇଯାଇଥିଲା ବେଳେ ନିଜ ଶାଶୁଙ୍କ ସହ ମିଶି ଆରମ୍ଭ କରିଛନ୍ତି ଅନଲାଇନ ଖାଦ୍ୟ ଯୋଗାଣ । ରଜ ଆସୁଥିବାରୁ ରଜର ସମସ୍ତ ପାରମ୍ପରିକ ପିଠା-ମିଠା ସହିତ ପାନକୁ ଲୋକମାନଙ୍କ ପାଖରେ ପହଞ୍ଚାଇବାକୁ ଗୁରୁତ୍ବ ଦେଇଛନ୍ତି । ଯାହାକୁ ଅନଲାଇନରେ ଗ୍ରାହକମାନେ ବେଶ ପସନ୍ଦ କରୁଥିବା କୁହନ୍ତି ମଧୁସ୍ମିତା ।
{"id":465559,"sizeSlug":"large","linkDestination":"none"}
ରଜ ପାଇଁ ରହିଛି ସ୍ବତନ୍ତ୍ର ପ୍ୟାକେଜ । ପୋଡ଼ପିଠାଠାରୁ ଆରମ୍ଭ କରି ମଣ୍ଡା, ଏଣ୍ଡୁରୀ, କାକରା, ଚିତ୍ତଉ, କାକରା ପରି ୧୩ଟି ପିଠା ସହିତ କ୍ଷୀରି, ରସାବଳୀ, ଛେନାପୋଡ଼ ପରି ରହିଛି ୬ଟି ମିଠାର ଆଇଟମ । ଏଥି ସହିତ ରଜ ପାନ ମଧ୍ୟ ପ୍ୟାକେଟରେ ସାମିଲ କରାଉଛନ୍ତି । ସମସ୍ତ ପିଠା ପାଇଁ ନିର୍ଦ୍ଧାରିତ ଦର ରହିଥିବା ବେଳେ ୧୩ ପ୍ରକାର ପିଠା ଓ ୪ପ୍ରକାର ମିଠା ଓ ପାନର ସ୍ବତନ୍ତ୍ର ପ୍ୟାକେଟ ଦର ୯୯୯ ଟଙ୍କା ରହିଛି ।
{"id":465560,"sizeSlug":"large","linkDestination":"none"}
ଗ୍ରାନି ପିଠା ନାମରେ ଏକ ୱେବସାଇଟ୍ ଆରମ୍ଭ କରି ନିଜେ ଅନଲାଇନରେ ଖାଦ୍ୟ ଯୋଗାଇବା ସହିତ ଜୋମାଟୋ ଆଦି ଆପରେ ମଧ୍ୟ ଏହି ଶାଶୁ-ବୋହୂଙ୍କ ପିଠା ଉପଲବ୍ଧ ରହିଛି । କେବଳ କଟକ ନୁହଁ ଭୁବନେଶ୍ବରରୁ ମଧ୍ୟ ଦୈନିକ ଗ୍ରାହକଙ୍କ ପିଠା ପ୍ରତି ଆଦର ବଢୁଥିବା ଦେଖିବାକୁ ମିଳୁଥିବା ବେଳେ ରଜ ପାଇଁ ଦୈନିକ ଶହ ଶହ ଲୋକଙ୍କ ବୁକିଂ ହେଉଥିବା କୁହନ୍ତି ନିବେଦିତା ।
{"id":465561,"sizeSlug":"large","linkDestination":"none"}
କୋଭିଡ୍ କଟକଣା ଓ ଲକଡାଉନ ରଜ ମହକକୁ ଫିକା ପକାଉଥିବା ବେଳେ ଶାଶୁ-ବୋହୂଙ୍କ ପାରମ୍ପରିକ ରଜ ପିଠା ଲୋକଙ୍କ ଭିତରେ କିଛିଟା ରଜ ମଉଜକୁ ଉଦଜୀବିତ କରାଇବ ।
{"id":465562,"sizeSlug":"large","linkDestination":"none"}
