ନୂଆଦିଲ୍ଲୀ ୦୧।୦୫: କରୋନା ମହାମାରୀ ମଧ୍ୟରେ ଆଜି ଚିଫ ଅଫ ଡିଫେନ୍ସ ଷ୍ଟାଫ(CDS) ଜେନେରାଲ ବିପିନ ରାଓ୍ଵତ ତିନି ସେନାର ମୁଖ୍ୟଙ୍କ ସହ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରିଛନ୍ତି। ଏହି ସମୟରେ ଡାକ୍ତର, ନର୍ସ, ସଫେଇ କର୍ମଚାରୀ, ପୋଲିସ୍, ହୋମଗାର୍ଡ, ଡେଲିଭରୀ ବୟ ଓ ଗଣମାଧ୍ୟମ କର୍ମୀଙ୍କୁ କରୋନା ଯୋଦ୍ଧା କହି ଧନ୍ୟବାଦ ଦେଇଛନ୍ତି। ଏହା ସହିତ ସେ କହିଛନ୍ତି ତିନି ସେନା କରୋନା ଯୋଦ୍ଧାଙ୍କ ଖାସ୍ ସମ୍ମାନ କରିବ।
ଜେନେରାଲ ରାଓ୍ଵତ କହିଛନ୍ତି ମେ ୩ ତାରିଖରେ ଦେଶ କିଛି ଖାସ୍ ଘଟଣାର ସାକ୍ଷୀ ରହିବ। ବାୟୁସେନା ଶ୍ରୀନଗରରୁ ନେଇ ତ୍ରିବେନ୍ଦ୍ରମ ଓ ଆସାମର ଦିବ୍ରୁଗଢଠୁ ନେଇ ଗୁଜରାତର କଚ୍ଛ ପର୍ଯ୍ୟନ୍ତ ଫ୍ଲାଇପାଷ୍ଟ କରିବେ। ଏଥିରେ ପରିବହନ ଓ ଲଢୁଆ ଏୟାରକ୍ରାଫ୍ଟ ସାମିଲ ହେବେ।
{"id":263287,"sizeSlug":"large"}ସିଡିଏସ ଜେନେରାଲ ବିପିନ ରାଓ୍ଵତ କହିଛନ୍ତି, ସଶସ୍ତ୍ର ବଳ ପକ୍ଷରୁ ଆମେ ସମସ୍ତ କରୋନା ଯୋଦ୍ଧାଙ୍କୁ ଧନ୍ୟବାଦ ଦେବାକୁ ଚାହୁଁଛୁ। ଡାକ୍ତର, ନର୍ସ, ସଫେଇ କର୍ମଚାରୀ, ପୋଲିସ୍, ହୋମଗାର୍ଡ, ଡେଲିଭରି ବୟ ଓ ଗଣମାଧ୍ୟମ ଯେଉଁ ଭଳି ମୁସ୍କିଲ ସମୟରେ ଆଗକୁ ଆସି ସରକାରଙ୍କ ସନ୍ଦେଶ ସହିତ ଲୋକଙ୍କ ପାଖକୁ ପହଞ୍ଚୁଛନ୍ତି।
ଜେନେରାଲ ରାଓ୍ଵତ କହିଛନ୍ତି ନୌସେନା ନିଜ ପକ୍ଷରୁ ଯୁଦ୍ଧପୋତକୁ ମେ ୩ ସନ୍ଧ୍ୟାରେ ଉପକୂଳରେ ମୁତୟନ କରିବ। ନୌସେନାର ଯୁଦ୍ଧଜାହାଜର ଆଲୋକ ବିଚ୍ଛୁରିତ କରାଯିବ ଏବଂ ହେଲିକପ୍ଟର ଜରିଆରେ ହସ୍ପିଟାଲ ଉପରେ ଫୁଲ ବର୍ଷା କରାଯିବ। ଏହି ସମୟରେ ଭାରତୀୟ ବାୟୁସେନା ଫ୍ଲାଇମାଷ୍ଟ ଜରିଆରେ କିଛି ଜାଗାରେ ଫୁଲ ବର୍ଷା କରିବେ।
{"id":263288,"sizeSlug":"large"}ଏହା ବ୍ୟତୀତ ଆର୍ମି ନିଜ ପକ୍ଷରୁ ଦେଶର ପ୍ରାୟତଃ ପ୍ରତି ଜିଲ୍ଲାରେ କରୋନା ଭାଇରସ୍ ହସ୍ପିଟାଲରେ ମାଉଣ୍ଟେନ୍ ବ୍ୟାଣ୍ଡ ଡିସପ୍ଲେ ଆୟୋଜନ କରିବ। ଆମ ପୋଲିସ ବଳଙ୍କ ସମର୍ଥନରେ ପୋଲିସ ମେମୋରିୟାଲ ଉପରେ ସଶସ୍ତ୍ର ବଳ ମେ ୩ରେ ମାଲ୍ୟାର୍ପଣ କରିବେ।