Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିପୁଳ ପରିମାଣର ବିଦେଶୀ ମଦ ଜବତ, ଜଣେ ଗିରଫ
  • ||
  • ଭୁଶୁଡିଯିବ ଘାଘରା ପୋଲ ! ବିପଦରେ ଶହଶହ ଯାତ୍ରୀଙ୍କ ଜୀବନ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୨୦କୁ ବୃଦ୍ଧି
  • ||
  • ରାଜ୍ୟରେ ଖସୁଛି ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୫୨୦ କୋଭିଡ୍ ପଜିଟିଭ୍, ୧୨୦୪୬୬୦ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ କରୋନା ବେଲଗାମ୍ : ଆଉ ୧୩ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ଚର୍ଚ୍ଚାରେ ବଡପୋଖରୀଆ ପଞ୍ଚାୟତ : ପ୍ରତିଦ୍ୱନ୍ଦ୍ୱିତା ହେଲାନି, ନିର୍ଦ୍ୱନ୍ଦ୍ୱରେ ଚୟନ ହେଲେ ସରପଞ୍ଚ ଏବଂ ଓ୍ୱାର୍ଡ ମେମ୍ବର
  • ||
  • ରବିବାରଠୁ ବଢିବ ବର୍ଷା, ଏହି ସବୁ ଜିଲ୍ଲାକୁ ୟେଲୋ ଓ୍ୱାର୍ଣ୍ଣିଂ
  • ||
  • ପରିବା ମାର୍କେଟରେ ଅଗ୍ନିକାଣ୍ଡ, ଜଳିଗଲା ସବୁ ଦୋକାନ
  • ||

CDC ମୁଖ୍ୟଙ୍କ ଚେତାବନୀ: ଆମେରିକାରେ କରୋନାର ଦ୍ୱିତୀୟ ଲହର ହୋଇପାରେ ଅଧିକ ଘାତକ

23/04/2020 at 5:46 PM

ୱାସିଂଟନ: ଶୀର୍ଷ ଆମେରିକୀୟ ସ୍ୱାସ୍ଥ୍ୟ ଅଧିକାରୀ ଚଳିତବର୍ଷ ଶେଷ ଆଡକୁ ଦେଶରେ କରୋନା ଭାଇରସର ଦ୍ୱିତୀୟ ଲହର ଆସିପାରେ ବୋଲି ଆଶଙ୍କା ବ୍ୟକ୍ତ କରିଛନ୍ତି। ଯଦି ଆଶଙ୍କା ସତ୍ୟ ହୁଏ ଏହା ଆମେରିକା ଲାଗି ସବୁଠୁ ଘାତକ ହୋଇପାରେ ବୋଲି ଅଧିକାରୀ କହିଛନ୍ତି। ଆମେରିକା ସେଣ୍ଟର ଫର ଡିଜିଜ କଣ୍ଟ୍ରୋଲ ଏଣ୍ଡ ପ୍ରିଭେନସନ (ସିଡିସି) ମୁଖ୍ୟ ରବର୍ଟ ରେଡଫିଲ୍ଡ ଏହି ଆଶଙ୍କା କରିଛନ୍ତି। ବର୍ଷର ଏହି ସମୟରେ ସାଧାରଣତଃ ଫ୍ଲୁ ସଂକ୍ରମଣ ହୋଇଥାଏ। ଏଥିରେ ଯଦି ପୁଣି ଥରେ କରୋନା ସଂକ୍ରମଣ ବ୍ୟାପିବା  ଆରମ୍ଭ ହେଲା ମୃତ୍ୟୁକୁ ରୋକିବା କଷ୍ଟକର ହୋଇପଡିବ ବୋଲି କହିଛନ୍ତି ରବୋର୍ଟ।

ଚୀନ ଉହାନରୁ ବ୍ୟାପିଥିବା କରୋନା ଚଳିତବର୍ଷ ଆମେରିକାରେ ପହଞ୍ଚିବା ବେଳକୁ ଋତୁକାଳୀନ ଫ୍ଲୁର ସମୟ ସମାପ୍ତ ହୋଇସାରିଥିଲା। ଯଦି ଫ୍ଲୁ ସମୟରେ ଆସିଥାନ୍ତା ତେବେ ପରିସ୍ଥିତିକୁ ଆୟତ୍ତ କରିବା ସମ୍ଭବ ହୋଇପାରିନଥାନ୍ତା ବୋଲି କହିଛନ୍ତି ରବର୍ଟ। ହେଲେ ଆଗାମୀ ଶୀତ ଋତୁରେ ହୁଏତ ପୁଣି ଭୂତାଣୁ ସଂକ୍ରମଣ ହୋଇ ନ ପାରେ ତାହା କିନ୍ତୁ କହି ହେବନାହିଁ। ଯଦି ଏପରି ହୁଏ ଗୋଟିଏ ସମୟରେ ଫ୍ଲୁ ଓ କରୋନାକୁ ଆୟତ୍ତ କରିବା ସମ୍ଭବ ହେବ ନାହିଁ।

ଇତିମଧ୍ୟରେ ହ୍ୱାଇଟ୍ ହାଉସ୍ ଭୂତାଣୁର ମୁକାବିଲା ଲାଗି ଉପାୟ ଜାରି ରଖିବା ସହ ଯାଞ୍ଚ ସୁବିଧା ବଢାଇବାକୁ ଗୁରୁତ୍ୱ ଦେଉଛନ୍ତି। ଏଣୁ ବର୍ଷ ଶେଷ ବେଳକୁ କରୋନାଭାଇରସ୍‌ର ମୁକାବିଲା ଲାଗି ବିଶ୍ୱରେ କେଉଁଠି ନା କେଉଁଠି କିଛିନା କିଛି ଉପାୟ ନିଶ୍ଚିତ ବିକଶିତ ହୋଇଥିବା ବୋଲି ସିଡିସି ମୁଖ୍ୟ ଆଶା ବ୍ୟକ୍ତ କରିଛନ୍ତି। ତେବେ ଆମେରିକାର ଉଦ୍ୟମ ମଧ୍ୟ ଏ ଦିଗରେ ଜାରି ରହିବ। ନଚେତ ଲୋକଙ୍କୁ ସାଧାରଣ ଫ୍ଲୁ ସମୟରେ ଏବେ ପରି ସତର୍କତା ଅବଲମ୍ବନ କରିବାକୁ ନିବେଦନ କରାଯିବ ବୋଲି କହିଛନ୍ତି।

   Related Posts