Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପରୀ ହତ୍ୟା ମାମଲା, SIT ତଦନ୍ତରେ ହାଇକୋର୍ଟ ସନ୍ତୁଷ୍ଟ- ବିଜେଡି
  • ||
  • ଶଙ୍ଖ ନଦୀରେ ବୁଡ଼ି ଜଣେ ଯୁବକ ନିଖୋଜ, ୪ ଜଣ ହସ୍ପିଟାଲରେ ଭର୍ତ୍ତି
  • ||
  • ତାଳପଦର ବିଜୁ ସେତୁ ଭୁଶୁଡିବା ଘଟଣା: ଗ୍ରାମ୍ୟ ଉନ୍ନୟନ ବିଭାଗ ଏସ୍‌ଡିଓ ଅସିତ ପାତ୍ର ଗିରଫ
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୦ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୮୩ କୋଭିଡ୍ ସଂକ୍ରମିତ, ୩୩୩୩୧୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ କମୁଛି କୋଭିଡ଼ ସଂକ୍ରମଣ, ଗତ ୨୪ଘଣ୍ଟାରେ ୧୫,୧୪୪ କରୋନା ସଂକ୍ରମିତ ଚିହ୍ନଟ
  • ||
  • ଜୟପୁର : ଚଳନ୍ତା ବସ୍‌ରେ ଲାଗିଲା ବିଦ୍ୟୁତ ତାର ; ୬ ମୃତ , ୧୭ ଗୁରୁତର
  • ||
  • ଅପରେସନ ଗ୍ରୀନ କ୍ଲିନ, ପ୍ରାୟ ୧୨ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ଦିଲ୍ଲୀ: କରୋନା ଟିକା ନେବା ପରେ ୫୧ ଜଣଙ୍କ ଠାରେ ଦେଖାଗଲା ପାର୍ଶ୍ବ ପ୍ରତିକ୍ରିୟା
  • ||

ସିସିଟିଭି ଫୁଟେଜ୍‌ରେ ୟୁକ୍ରେନ ବିମାନ ଦୁର୍ଘଟଣାର ଚିତ୍ର , ନିଆଁ ଲାଗି ଆକାଶରୁ ଖସିଲା, ତଳେ ପଡି ଖଣ୍ଡ ଖଣ୍ଡ

9/01/2020 at 6:50 PM

ତେହେରାନ ୦୯। ୦୧:  ଇରାନ୍ ରାଜଧାନୀ ତେହେରାନର ଇମାମ ଖୁମେନୀ ଆନ୍ତର୍ଜାତୀକ ଟର୍ମିନାଲରୁ ଉଡାଣ ଭରିଥିବା ୟୁକ୍ରେନ ବିମାନଟି  ବୁଧବାର ଦିନ ଦୁର୍ଘଟଣାଗ୍ରସ୍ତ ହୋଇଥିଲା । ଏହି  ଦୁର୍ଘଟଣାରେ ୧୭୬ଜଣ ବ୍ୟକ୍ତି ପ୍ରାଣ ହରାଇଛନ୍ତି । ତେବେ ବିମାନ ଦୁର୍ଘଟଣାଗ୍ରସ୍ତ ହେବା ସମୟର ଏକ ସିସିଟିଭି ଫୁଟେଜ୍ ସାମ୍ନାକୁ ଆସିଛି । ୟୁକ୍ରେନର ବୋଇଂ  ୭୩୭ ବିମାନ କିପରି ଭାବେ ଦୁର୍ଘଟଣା ପରେ ଆକାଶରୁ ତଳକୁ ଖସୁଛି ତାହା ଦେଖିବାକୁ ମିଳିଛି । ୩୩ ସେକେଣ୍ଡର ଏହି ଭିଡିଓକୁ ଜାରି କରାଯାଇଛି ।

ସିସିଟିଭି ଫୁଟେଜ ଆଧାରରେ ୬ଟା ୧୯ମିନିଟ ପର୍ଯ୍ୟନ୍ତ ସବୁ ଠିକ୍ ଥିଲା ।  କିନ୍ତୁ ଏହାର କିଛି ସେକେଣ୍ଡ ପରେ ବିମାନରେ ଏକ ବିସ୍ଫୋରଣ ହୋଇଥିଲା । ଏବଂ ଏହା ଜଳୁଥିବା ଅବସ୍ଥାରେ ଆକାଶରୁ ଖସିପଡିଥିଲା । ୟୁକ୍ରେନର ଏହି ବୋଇଂ ୭୩୭ ବିମାନ ବୁଧବାର ଦିନ ଇରାନର ରାଜଧାନୀ ତେହେରାନରୁ ଉଡାଣ ଭରିଥିଲା । ଉଡାଣ ଭରିବାର କିଛି ସମୟ ପରେ ବିମାନଟି ଇରାନ୍‌ର ରାଜଧାନୀ ତେହରାନ ସ୍ଥିତ ଇମାମ ଖୁମୈନି ବିମାନ ବନ୍ଦର ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା । ଦୁର୍ଘଟଣାରେ ୧୭୬ ଜଣ ପ୍ରାଣ ହରାଇଛନ୍ତି। ମୃତକଙ୍କ ମଧ୍ୟରେ ୮୨ଜଣ , ୟୁକ୍ରେନର ୧୧ଜଣ, ସ୍ବୀଡେନର ୧୦ଜଣ, ଆଫଗାନିସ୍ତାନର ୪ଜଣ, ଜର୍ମାନୀ ଓ ବ୍ରିଟେନର ୩ଜଣ ନାଗରିକ ଥିବା ଜଣାପଡିଛି  ।  

ତେହରାନ ସ୍ଥିତ ଇମାମ ଖୁମୈନି ବିମାନ ବନ୍ଦର ଜଣେ ବରିଷ୍ଠ ଅଧିକାରୀଙ୍କ କହିବାନୁଯାୟୀ, ବିମାନଟି ଦୁର୍ଘଟଣା ଗ୍ରସ୍ତ ହେବାର କିଛି ସମୟ ମଧ୍ୟରେ ବିମାନରେ ନିଆଁ ଲାଗିଯାଇଥିଲା । ବିମାନରେ କିଛି ବୈଷୟିକ ତ୍ରୁଟି ଥିବା ସନ୍ଦେହ କରାଯାଉଛି ।  ସେପଟେ ୟୁକ୍ରେନ କହିଛି ଯେ, ଦୁଇ ଦିନ ପୂର୍ବରୁ ବିମାନ ବୈଷୟିକ ଯାଞ୍ଚ କରାଯାଇଥିଲା । ବିମାନଟି ୨୦୧୬ ମସିହାରେ କିଣାଯାଇଥିଲା । ଏହାର ବୈଷୟିକ କିଛି ବି ତ୍ରୁଟି ରହିଲେ ତାହା ବୋଇଂ କମ୍ପୀନୀ ଦ୍ବାରା ମରାମତି କରାଯାଇଥାଏ । ବିମାନଟି ତେହେରାନ ବିମାନବନ୍ଦରରୁ ବୁଧବାର ସକାଳ ୬ଟା ୧୦ମିନିଟରେ ଉଡାଣ ଭରିଥିଲା । ଉଡାଣ ଭରିବାର କିଛି ସମୟ ପରେ ବିମାନଟି ଦୁର୍ଘଟଣାଗ୍ରସ୍ଥ ହୋଇଛି ।

   Related Posts