Tuesday, October 15, 2019

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ରହସ୍ୟ ଘେରରେ ନର୍ସ ନିହାରିକାଙ୍କ ହତ୍ୟା ଘଟଣା : ନର୍ସିଂହୋମରୁ ନିହାରିକା ବାହାରୁଥିବାର ଆସିଛି ସିସିଟିଭି ଫୁଟେଜ୍, ପୁରୁଷ ବନ୍ଧୁଙ୍କ ବାପା-ଭାଇଙ୍କ ସହ ୬ ଜଣ ଅଟକ

କଟକ ୧୮।୯: ନର୍ସ ନିହାରିକାଙ୍କ ହତ୍ୟାକାରୀ କିଏ ? ହତ୍ୟା ପଛର ପ୍ରକୃତ ରହସ୍ୟ କ’ଣ ? କେଉଁଠି ଲୁଚିଛି ହତ୍ୟାକାରୀ ? ଅଖା ଭିତରୁ ନର୍ସ ନିହାରିକାଙ୍କ ମୃତଦେହ ଉଦ୍ଧାର ଘଟଣାରେ ଚାଲିଛି ଛାନଭିନ୍ ।

ଆଉ ଏତିକିବେଳେ ସାମ୍ନାକୁ ଅସିଛି ଏକ ସିସିଟିଭି ଫୁଟେଜ୍ । ଯେଉଁଥିରେ ନିହାରିକା ନର୍ସିଂହୋମ୍ ରୁ ବାହାରକୁ ବାହାରୁଥିବାରୁ ଚିତ୍ର ରହିଛି । ବାହାରେ କେହିଜଣେ ବାଇକ୍ ରେ ହେଲମେଟ୍ ପିନ୍ଧି ତାଙ୍କୁ ଅପେକ୍ଷା କରୁଥିବା ଦେଖାଯାଇଛି । ଏହି ସିସିଟିଭି ଫୁଟେଜ୍ ଗତ ୮ ତାରିଖର । ସେବେଠାରୁ ସେ ଡ୍ୟୁଟିକୁ ଫେରିନଥିଲେ । ପରେ ତାଙ୍କର ଗଳିତ ମୃତଦେହ ଅଖାରେ ବନ୍ଧା ଅବସ୍ଥାରେ ଜଗତସିଂହପୁର ଜିଲ୍ଲା ବିରିଡ଼ି ଥାନା ବିଲୁଆଖାଇ ନଦୀ ପଠାରୁ ମିଳିଥିଲା ।

ପୋଲିସ ଘଟଣାସ୍ଥଳରେ ସାଇଣ୍ଟିଫିକ୍ ଟିମ୍ ସହ ପହଞ୍ଚି ମୃତଦେହ ଜବତ କରିବା ସହିତ ଅଧିକ ତଦନ୍ତ ଜାରି ରଖିଛି । ସେପଟେ ଘଟଣାରେ ସଂପୃକ୍ତି ସଂଦେହ କରାଯାଉଥିବା ହାଜିପୁର ଅଞ୍ଚଳର କିଶୋର ଚନ୍ଦ୍ର ଆଞ୍ଚଲ ନାମକ ଯୁବକ ଫେରାର ଅଛି । ନିହାରିକା ଏହି ଯୁବକଙ୍କ ସହ ଯାଇଥିଲେ ବୋଲି କୁହାଯାଉଛି । ତେବେ ପୋଲିସ କିଶୋରଙ୍କ ବାପା, ମା’ ଏବଂ ସାନ ଭାଇଙ୍କୁ ଅଟକ ରଖି ପୋଲିସ ପଚରାଉଚରା କରୁଥିଲା । ହେଲେ ପରେ ତାଙ୍କ ମା’ଙ୍କୁ ପଚରଉଚୁରା କରି ଛାଡି ଦେଇଛି ।

ଏବେବି ବାପା ଏବଂ ସାନ ଭାଇଙ୍କ ସମେତ ୬ଜଣ ଥାନାରେ ଅଟକ ଅଛନ୍ତି ।  କିଶୋର ହିଁ ନିହାରିକାଙ୍କୁ ଅପହରଣ କରିନେବା ପରେ ହତ୍ୟା କରିଥିବା ପରିବାର ଲୋକେ ଅଭିଯୋଗ କରିଛନ୍ତି । ନିହାରିକା ପାତ୍ରଙ୍କ ଘର ଖୋର୍ଦ୍ଧା ଅଞ୍ଚଳରେ । ସେ କଟକ କଲ୍ୟାଣୀ ନଗର ଏମ୍.ଏମ୍. ମେଡିକେୟାରରେ ନର୍ସ ଭାବେ କାମ କରୁଥିଲେ । ଗତ ୮ ତାରିଖ ଅପରାହ୍ନ ୪ଟାରେ ନର୍ସିଂହୋମରୁ କିଶୋରଙ୍କ ସହିତ ସେ ଯାଇଥିଲେ । ଏହା ପରଠାରୁ ସେ ଡ୍ୟୁଟିକୁ ଫେରିନଥିଲେ । ୯ ତାରିଖରେ ଏମ୍.ଏମ୍ ମେଡିକେୟାର କର୍ତ୍ତୃପକ୍ଷ କଟକ ମଧୁପାଟଣା ଥାନାରେ ଏତଲା ଦେଇଥିଲେ ।

672 Views

   ସମ୍ବନ୍ଧିତ ଖବର