Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁନିଗୁଡା : ମାଲବାହୀ ଟ୍ରେନ୍‌ର ୪ଟି ବଗି ଲାଇନଚ୍ୟୁତ, ରାୟଗଡା-ଟିଟିଲାଗଡ ମଧ୍ୟରେ ରେଳ ଚଳାଚଳ ବାଧାପ୍ରାପ୍ତ
  • ||
  • ଭୁବନେଶ୍ବର : ପିପିଲି ଉପନିର୍ବାଚନ ପାଇଁ ପ୍ରତାପ ଦେବଙ୍କୁ ପର୍ଯ୍ୟବେକ୍ଷକ ଦାୟିତ୍ବ ଦେଲା ବିଜେଡି
  • ||
  • କୋରାପୁଟ : ଘାଟିରେ ସିରିଜ୍ ଦୁର୍ଘଟଣା, ତେଲ ଟ୍ୟାଙ୍କରକୁ ପିଟିଲା ଟ୍ରକ୍, ବ୍ରେକ୍ ଫେଲ୍ ହେବାରୁ ଟ୍ରକ୍କୁ ଧକ୍କାଦେଲା ପିକଅପ୍ ଭ୍ୟାନ୍
  • ||
  • ରାଉରକେଲା : ଯୁବକଙ୍କ ଗଳିତ ମୃତଦେହ ଉଦ୍ଧାର, ଶନିବାର ରାତିରୁ ଥିଲେ ନିଖୋଜ, ହତ୍ୟା ଅଭିଯୋଗ ଆଣିଲେ ପରିବାର
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୧୩ କୋଭିଡ୍ ପଜିଟିଭ୍‌, ୩୩୪୭୮୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜଗତସିଂହପୁର : ବ୍ୟାଙ୍କ୍ ଲୁଟ୍ ଉଦ୍ୟମ ପଣ୍ଡ, ଆଲମିରାରେ ନିଆଁ ଲାଗି ପୋଡିଗଲା ବହୁ ଗୁରୁତ୍ବପୂର୍ଣ୍ଣ କାଗଜପତ୍ର
  • ||
  • ଯାଜପୁର : ରାସ୍ତାକଡରୁ ରମାଦେବୀ ଛାତ୍ରୀଙ୍କ ମୃତଦେହ ମିଳିବା ଘଟଣାରେ ୨ ଅଭିଯୁକ୍ତକୁ ଚିହ୍ନଟ କଲା ପୋଲିସ
  • ||
  • ଆଠମଲ୍ଲିକ : ବାରହା ଶିକାର ପାଇଁ ବିଦ୍ୟୁତ୍ ତାର ବିଛାଇଥିଲେ, ସଂସ୍ପର୍ଶରେ ଆସି ଚାଲିଗଲା ନିଜ ଜୀବନ
  • ||
  • ସୋର : ଖେଳୁଥିବା ବେଳେ ୩ବର୍ଷର ଶିଶୁ ଉପରେ ମାଡିଗଲା ଟ୍ରକ୍, ଘଟଣାସ୍ଥଳରେ ମୃତ୍ୟୁ
  • ||
  • ନୂଆଦିଲ୍ଲୀ : ଭାରତ ପୁଣି ବଢାଇଲା ସହଯୋଗର ହାତ, ବାହାରିନ୍‌ ଓ ଶ୍ରୀଲଙ୍କାକୁ ପଠାଇଲା କୋଭିସିଲ୍ଡ ଟିକା
  • ||

ଭାରତୀୟ ବାୟୁସେନାର ଏୟାର ଷ୍ଟ୍ରାଇକ ପରେ କ’ଣ ହେବ ଆଗାମୀ ରଣନୀତି ? ପ୍ରଧାନମନ୍ତ୍ରୀଙ୍କ ବାସଭବନରେ ଚାଲିଛି ବୈଠକ

26/02/2019 at 10:46 AM

ଦିଲ୍ଲୀ ୨୬/୨ : ପୁଲୱାମା ହମଲା ପରେ ଭାରତ ପାକିସ୍ତାନକୁ କଡା ଜବାବ ଦେଇଛି | PoK ରେ ପଶି ଭାରତୀୟ ବାୟୁସେନା ଏୟାର ଷ୍ଟ୍ରାଇକ କରିଛି | ବାୟୁସେନାର ମୀରାଜ ବିମାନ ଆଜି ଭୋର ସମୟ ୩.୩୦ ରେ ଵାଲାକୋଟ ଏବଂ ମୁଜାଫରପୁର ଆଖପାଖ ଆତଙ୍କୀ ଶିବିରରେ ବୋମା ପକାଇ ଶିବିର ଧ୍ବଂସ କରିଛି | ଅଜିତ ଡୋଭଲ ଏନେଇ ପ୍ରଧାନମନ୍ତ୍ରୀଙ୍କୁ ସୂଚନା ଦେଇଛନ୍ତି | ଏହାପରେ ନରେନ୍ଦ୍ର ମୋଦିଙ୍କ ବାସଭବନରେ ସିସିଏସ ( CCS ) ବୈଠକ ଆରମ୍ଭ ହୋଇଛି | ବୈଠକରେ ଗୃହମନ୍ତ୍ରୀ ରାଜନାଥ ସିଂ, ଅର୍ଥମନ୍ତ୍ରୀ ଅରୁଣ ଜେଟଲୀ, ସୁରକ୍ଷାମନ୍ତ୍ରୀ ନିର୍ମଳା ସୀତାରମଣ ଏବଂ ଏନଏସଏ ଅଜିତ ଡୋଭଲ ଉପସ୍ଥିତ ଅଛନ୍ତି | ଆଗକୁ ହେବାକୁ ଥିବା ରଣନୀତି ସମ୍ପର୍କରେ ବୈଠକରେ ଆଲୋଚନା ହେଉଛି | ଭାରତୀୟ ବାୟୁସେନାର ଜବାବ ପରେ ପାକିସ୍ତାନ ପୁଣି ଆକ୍ରମଣ କରିପାରେ ବୋଲି ଆଶଙ୍କା କରାଯାଉଛି | ଏୟାର ଷ୍ଟ୍ରାଇକ ପରେ ପାକିସ୍ତାନ ଆଗକୁ କ’ଣ ପଦକ୍ଷେପ ନେଇପାରେ ସେନେଇ ଆଲୋଚନା ଚାଲିଛି |


ଏୟାର ଷ୍ଟ୍ରାଇକ ପରେ ପାକିସ୍ତାନରେ ହଇଚଇ ସୃଷ୍ଟି ହୋଇଛି | ଇସ୍ଲାମଵାଦରେ ବିଦେଶ ମନ୍ତ୍ରାଳୟ ତରଫରୁ ଜରୁରୀକାଳୀନ ବୈଠକ ଡକାଯାଇଛି | ଭାରତୀୟ ବାୟୁସେନା ଆକ୍ରମଣ କରିଥିବା ପାକିସ୍ତାନ ସ୍ପଷ୍ଟ କରିଛି | କିନ୍ତୁ ଭାରତୀୟ ବାୟୁସେନାର ଆକ୍ରମଣରେ ପାକିସ୍ତାନର କୌଣସି କ୍ଷତି ହୋଇନଥିବା କହିଛି ପାକିସ୍ତାନ | ଆକ୍ରମଣରେ ୨୦୦ ରୁ ୩୦୦ ଆତଙ୍କବାଦୀ ପ୍ରାଣ ହରାଇଥିବା ଆଶଙ୍କା କରାଯାଉଛି |


ସୂଚନାଯୋଗ୍ୟ ଯେ, ଭାରତୀୟ ବାୟୁସେନା ଆଜି ଭୋର ସାଢେ ୩ଟା ବେଳେ ୧୨ଟି ମୀରାଜ ବିମାନ ଜରିଆରେ ଏୟାର ଷ୍ଟ୍ରାଇକ କରିଥିଲା | ଜୈସ ଆତଙ୍କୀ ସଂଗଠନର ଶିବିରକୁ ବୋମା ପକାଇ ଉଡେଇ ଦେଇଛି ଭାରତୀୟ ବାୟୁସେନା | ଜୈସ ସଂଗଠନର କଣ୍ଟ୍ରୋଲ ରୁମ ଆଲଫ-୩ କୁ ସମ୍ପୂର୍ଣ ଭାବେ ନଷ୍ଟ କରିଦିଆଯାଇଛି | ଭାରତୀୟ ସେନା ଏବଂ ମନ୍ତ୍ରାଳୟ ଆଜି ଦ୍ବିପ୍ରହରରେ ଏ ସମ୍ପର୍କରେ ସମ୍ପୂର୍ଣ ବିବରଣୀ ଗଣମାଧ୍ୟମକୁ ପ୍ରଦାନ କରିବେ ବୋଲି ଜଣାପଡିଛି |


ପୁଲୱାମା ହମଲା ପରେ ପ୍ରଧାନମନ୍ତ୍ରୀ ମୋଦି ପାକିସ୍ତାନକୁ ଚେତାବନୀ ଦେଇଥିଲେ ଯେ, ଭାରତ ଏହି ଆକ୍ରମଣର ଜବାବ ନିଶ୍ଚୟ ଦେବ | ଭାରତୀୟ ସେନା ଠିକ ସମୟରେ ଆକ୍ରମଣର ଜବାବ ଦେବ | ଏହାପରେ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ ଏ ସମ୍ପର୍କରେ ଭାରତ ସହ ଆଲୋଚନା କରିବାକୁ ପ୍ରସ୍ତାବ ରଖିଥିଲେ | ଏହାଛଡା ହମଲାରେ ପାକିସ୍ତାନର କୌଣସି ହାତ ନଥିବା ମଧ୍ୟ ଦର୍ଶାଇଥିଲେ ଇମ୍ରାନ | ଏହାପରେ ମଧ୍ୟ ୧୪ ତାରିଖ ହମଲା ପରେ ଲଗାତାର ପାକିସ୍ତାନ ସିଜ ଫାୟାର ନିୟମ ଉଲଂଘନ କରିଚାଲିଛି |


ବାୟୁସେନାର ଏହି ଜବାବ ପାଇଁ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ପ୍ରଶଂସା କରିଛନ୍ତି | ଟ୍ୱିଟ କରି ସେ ବାୟୁସେନା ଯବାନଙ୍କୁ ସଲାମି ଜଣେଇଛନ୍ତି | ଜାମ୍ମୁ କାଶ୍ମୀର ମୁଖ୍ୟମନ୍ତ୍ରୀ ଉମର ଅବଦୁଲ୍ଲାହଙ୍କ ସମେତ ତମାମ ରାଜନୈତିକ ଦଳର ନେତାମାନେ ଏହି ଏୟାର ଷ୍ଟ୍ରାଇକ ପାଇଁ ଦେଶବାସୀଙ୍କୁ ଶୁଭେଚ୍ଛା ଜଣାଇଛନ୍ତି |

🇮🇳 I salute the pilots of the IAF. 🇮🇳— Rahul Gandhi (@RahulGandhi) February 26, 2019

   Related Posts