Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟେମେନ ଗଣହତ୍ୟାକୁ ନିନ୍ଦା କଲା ଜାତିସଂଘ, ସାଉଦିର ବିମାନ ଆକ୍ରମଣରେ ନିହତ ହୋଇଥିଲେ ୭୦ ବିଦ୍ରୋହୀ
  • ||
  • ସୋର : ଟ୍ରକ୍ ସହ ଧକ୍କା ହୋଇ ନୟନଜୋରିକୁ ଓଲଟିଲା ବସ୍, ୫ ଜଣଙ୍କ ମୃତ୍ୟୁ, କିଛି ଲୋକ ଚାପି ହୋଇ ରହିଥିବା ସନ୍ଦେହ
  • ||
  • ଭଦ୍ରକରେ ବିଜେପିକୁ ଝଟ୍‌କା, ଦଳ ଛାଡିଲେ ଶତାଧିକ ବରିଷ୍ଠ ନେତା ଓ କର୍ମୀ
  • ||
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୧୪କୁ ବୃଦ୍ଧି
  • ||
  • ରାଜ୍ୟରେ ୯ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୮୪୫ କୋଭିଡ୍ ପଜିଟିଭ୍, ୧୧୯୬୧୪୦ରେ ପହଞ୍ଚିଲା ସଂଖ୍ୟା
  • ||
  • ଭୁବନେଶ୍ବର : ଓଭରବ୍ରିଜ୍‌ରୁ ୩୦ଫୁଟ ତଳକୁ ଖସିଲା କାର୍, ଦୁର୍ଘଟଣାରେ ଗାଡି ଭାଙ୍ଗିରୁଜି ଚୁରମାର୍
  • ||
  • ଶନିବାର ଏହି ସବୁ ଜିଲ୍ଲାରେ ବର୍ଷା : ବଢିବ ତାପମାତ୍ରା, କମିବ ଶୀତ
  • ||
  • ଭୟଙ୍କର ଦୁର୍ଘଟଣା : ମହାନଦୀ ପୋଲରେ ବୋଲେରୋକୁ ପିଟିଲା ଟ୍ରକ୍, ୫ ମୃତ
  • ||

କଣ୍ଡମ ଦୁର୍ନୀତି : ୧୧ଟି କମ୍ପାନୀ ଠାରୁ ଜୋରିମାନା ଆଦାୟ କରିବେ ସରକାର

21/06/2019 at 4:38 PM

ନୂଆଦିଲ୍ଲୀ ୨୧/୬ : କଣ୍ଡମ ତିଆରି କରୁଥିବା ଦେଶର ୧୧ଟି କମ୍ପାନୀ ଉପରେ ଜୋରିମାନା ଲଗାଇଛନ୍ତି ସରକାର । ଏହି ୧୧ କମ୍ପାନୀ ପରସ୍ପର ମଧ୍ୟରେ କଥାବାର୍ତ୍ତା କରି ୨୦୧୦ ମସିହାରୁ ୨୦୧୪ ମସିହା ପର୍ଯ୍ୟନ୍ତ ସରକାରଙ୍କୁ ଚୁନ ଲଗାଇଥିବା ଅଭିଯୋଗ ହୋଇଛି । ଏହିସବୁ କମ୍ପାନୀ ଉପରେ ଖୁବ ଶୀଘ୍ର କମ୍ପିଟିସନ କମିଶନ ଅଫ୍ ଇଣ୍ଡିଆ (ସିଆଇଆଇ) ମାମଲା ରୁଜ୍ଜୁ କରିପାରନ୍ତି । ଦୁର୍ନୀତି କରି ଏହିସବୁ କମ୍ପାନୀ ସରକାରଙ୍କ ଠାରୁ ଅଧିକ ଟଙ୍କା ହଡପ କରିଥିବା ଅଭିଯୋଗ ହୋଇଛି ।

କମ୍ପାନୀଗୁଡିକର ପରସ୍ପର ମିଳାମିଶାକୁ ନେଇ ଜଣେ ଅଧିକାରୀ କହିଛନ୍ତି, ଦର ପୂର୍ବରୁ ଠିକ କରିବା ପାଇଁ ଏହିସବୁ କମ୍ପାନୀରେ ନିର୍ଦେଶକ, ସିଇଓ ଏବଂ ଅପରେସନ ମୁଖ୍ୟ ଶ୍ରମିକଙ୍କ ସହ ଆଲୋଚନା ହୋଇଥିଲା । କିନ୍ତୁ ଏହିସବୁ କମ୍ପାନୀ ପରସ୍ପର ସହ ମିଶି କୌଣସି ପ୍ରତିଯୋଗିତା ନକରି ଟେଣ୍ଡର ପକାଇଥିବା ଯାଞ୍ଚରେ ଜଣାପଡିଛି ।

ଜାଣିଶୁଣି ଟେଣ୍ଡରରେ ଗଡବଡୀ କରାଯାଇଛି ବୋଲି କହିଛନ୍ତି ଅଧିକାରୀ । ଏହି କମ୍ପାନୀ ମିଳିମିଶି ଉଚ୍ଚ ଦରର ଟେଣ୍ଡର ପକାଇଛନ୍ତି । ଏହି ଟେଣ୍ଡରରେ ସବୁଠାରୁ କାମ ଦର ୫୦ ପଇସା ରହିଛି । ଏଭଳି ସ୍ଥିତିରେ ସରକାର ସବୁଠାରୁ କାମ ଦର ଟେଣ୍ଡର ପକାଇଥିବା କମ୍ପାନୀକୁ ଅଫର ଦେଇଥାନ୍ତି । ଯେଉଁ କମ୍ପାନୀ ବିରୋଧରେ ତଦନ୍ତ ହେଉଛି ସେଥିରେ ୨ଟି ସରକାରୀ କମ୍ପାନୀ ମଧ୍ୟ ସାମିଲ ଅଛି ।

ଭାରତ ସରକାରଙ୍କ ସ୍ୱାସ୍ଥ୍ୟ କଲ୍ୟାଣ ମନ୍ତ୍ରାଳୟ ଅଲଗା ଅଲଗା ସଂଗଠନକୁ ଫ୍ରି କିମ୍ବା ସବସିଡି ଦରରେ ବିତରଣ ପାଇଁ ୨୦୧୪ ମସିହା ପର୍ଯ୍ୟନ୍ତ ଅଧିକ ସଂଖ୍ୟକ କଣ୍ଡମ କିଣିଥିଲେ । ଯେଉଁ କମ୍ପାନୀ ଉପରେ ସରକାରଙ୍କୁ ଚୁନ ଲଗାଇଥିବା ଅଭିଯୋଗ ହୋଇଛି, ଯଦି ସେମାନେ ଦୋଷୀ ସାବ୍ୟସ୍ତ ହୁଅନ୍ତି ତାହେଲେ ସେମାନଙ୍କୁ ତାଙ୍କର ବାର୍ଷିକ ଲାଭର ୩ ଗୁଣ ନଚେତ ଅଭେରେଜ ଟର୍ଣ ଓଭରର ୧୦ ପ୍ରତିଶତ ଜୋରିମାନା ଭାବେ ସରକାରଙ୍କୁ ଦେବାକୁ ପଡିବ ।

   Related Posts