Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚିନ୍ତା ଘାରୁଛି କରୋନା ମୃତ୍ୟୁ, ସେପଟେ ଆଜି ସୁସ୍ଥ ହୋଇ ଘରକୁ ଫେରିଲେ ଆଉ ୯୧୩ ସଂକ୍ରମିତ
  • ||
  • ଚାଷୀଙ୍କୁ କେନ୍ଦ୍ର ସରକାରଙ୍କ ସହାୟତା ନେଇ କେନ୍ଦ୍ରମନ୍ତ୍ରୀଙ୍କ ଟ୍ୱିଟ୍: ଲେଖିଲେ, ଗତ ୬ ବର୍ଷରେ ଓଡ଼ିଶାର ଚାଷୀଙ୍କୁ ୬୦ ହଜାର ୮୩୬ କୋଟି ଟଙ୍କା ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
  • ||
  • ରାଜ୍ୟର ୬ ବିଶ୍ବବିଦ୍ୟାଳୟରେ ନୂଆ କୁଳପତି ନିଯୁକ୍ତି: ଜାଣନ୍ତୁ କିଏ, କେଉଁଠି
  • ||
  • ବରଗଡ଼: ‘ନୋ କ୍ଲାସ୍ ନୋ ଫି’ ଦାବିରେ ଜିଲ୍ଲାପାଳଙ୍କୁ ଘେରିଲେ କଲେଜ ଛାତ୍ରଛାତ୍ରୀ
  • ||
  • ନାବାଳିକାକୁ ଦୁଷ୍କର୍ମ ପରେ ବିଷ ଦେଇ ହତ୍ୟା କରିଥିଲା ସଂପର୍କୀୟ କକା: ଏମିତି ଅଭିଯୋଗ ନେଇ ଜିଲ୍ଲାପାଳଙ୍କୁ ଘେରିଲେ ମହିଳା
  • ||
  • ମାଲକାନଗିରି :ପଡିଆ ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର ମେଡିକାଲ ଅଫିସରଙ୍କୁ ଗିରଫ କଲା ଭିଜିଲାନ୍ସ
  • ||
  • ମାଲକାନଗିରି : ଜମିବାଡି ବିବାଦରୁ ହତ୍ୟାକାଣ୍ଡ ! ହତ୍ୟା କରି ଫିଙ୍ଗିଦେଲେ ଘର ଆଗରେ
  • ||
  • ଝାରସୁଗୁଡା : ଟେଣ୍ଟ ହାଉସ୍ ଗୋଦାମରେ ଅଗ୍ନିକାଣ୍ଡ, ୫୦ଲକ୍ଷରୁ ଅଧିକ ଟଙ୍କାର ସମ୍ପତ୍ତି ପୋଡି ଭସ୍ମୀଭୂତ
  • ||
  • ଭୁବନେଶ୍ବର : ଓଟିଭିରୁ ଇସ୍ତଫା ଦେଲେ ନିହାର ରଞ୍ଜନ ଭୂୟାଁ
  • ||
  • କଟକ : ଘରୋଇ ସ୍କୁଲ ଫି’ କମାଇବା ମାମଲା : ଫି’ କେତେ କମିବ ସତ୍ୟପାଠ ଦେବାକୁ ହାଇକୋର୍ଟଙ୍କ ନିର୍ଦ୍ଦେଶ
  • ||

ଅର୍ଥନୈତିକ ବ୍ୟାପାର କ୍ୟାବିନେଟ କମିଟି ବୈଠକରେ ବଡ଼ ନିଷ୍ପତ୍ତି, ବଢିବ ଇଥାନଲ ମୂଲ୍ୟ

29/10/2020 at 9:05 PM

ନୂଆଦିଲ୍ଲୀ ୨୯।୧୦: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ଗୁରୁବାର ଅର୍ଥନୈତିକ ବ୍ୟାପାର କମିଟି( ସିସିଇଏ) ବୈଠକ ଅନୁଷ୍ଠିତ ହୋଇଯାଇଛି। ବୈଠକରେ ଆର୍ଥିକ ମୋର୍ଚ୍ଚାକୁ ନେଇ ବିଭିନ୍ନ ପ୍ରସ୍ତାବ ଉପରେ ଆଲୋଚନା ହୋଇଥିବା ବେଳେ କୃଷି ଉତ୍ପାଦକୁ ନେଇ ୨ଟି ଓ ଗୋଟିଏ ଅନ୍ୟ ପ୍ରସ୍ତାବରେ ମଧ୍ୟ କ୍ୟାବିନେଟର ମୋହର ବାଜିଛି। ଏଥିରୁ ଦେଶରେ ପୁଣି ପେଟ୍ରୋଲ ମୂଲ୍ୟ ବୃଦ୍ଧିର ସମ୍ଭାବନା ସୃଷ୍ଟି ହୋଇଛି।

ଇଥାନଲ ମୂଲ୍ୟବୃଦ୍ଧି ଲାଗି ନିଷ୍ପତ୍ତି
ମିଳୁଥିବା ସୂଚନା ଅନୁସାରେ ବୈଠକରେ ଇଥାନଲ ଲିଟର ପିଛା ମୂଲ୍ୟ ୫ରୁ ୮ ପ୍ରତିଶତ ବୃଦ୍ଧି ଲାଗି ନିଷ୍ପତ୍ତି ହୋଇଛି। ଫଳରେ ଚିନିରୁ ଉତ୍ପାଦିତ ହେଉଥିବା ଇଥାନଲ ପ୍ରତି ଲିଟର ଦର ୬୨ଟଙ୍କା ୬୫ ପଇସାକୁ ବଢିଛି। ଏହା ଛଡା ବି-ହେଭି ଓ ସି-ହେଭି ମୂଲ୍ୟ ମଧ୍ୟ ସ୍ଥିରିକୃତ ହୋଇଛି। ବି-ହେଭି ଲିଟର ପିଛା ମୂଲ୍ୟ ୫୭ଟଙ୍କା ୬୧ ପଇସା କରାଯାଇଥିବା ବେଳେ ସି-ହେଭି ଲିଟର ୪୫ଟଙ୍କା ୬୯ ପଇସାରେ ପହଞ୍ଚିଛି। ଏହି ମୂଲ୍ୟବୃଦ୍ଧି ନିଷ୍ପତ୍ତି ଚାଷୀଙ୍କୁ ଲାଭବାନ କରିବ। ତେବେ ପ୍ରଦୂଷଣ ହ୍ରାସ ଲାଗି ଇଥନଲ ମିଶ୍ରଣ ହେଉଥିବାରୁ ପେଟ୍ରୋଲ ଦର ବୃଦ୍ଧିର ଆଶଙ୍କା କରାଯାଉଛି।

ଝୋଟ ପ୍ୟାକେଜିଂକୁ ନେଇ ବଡ଼ ନିଷ୍ପତ୍ତି
ଇଥନଲ ଭଳି ଝୋଟ ପ୍ୟାକିଙ୍ଗକୁ ନେଇ ମଧ୍ୟ ସିସିଇଏ ବୈଠକରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ହୋଇଛି। ଏଣିକି ପୂର୍ବ ଭଳି ସବୁ ସାମଗ୍ରୀ ଝୋଟ ବ୍ୟାଗ୍‌ରେ ପ୍ୟାକ୍‌ ହେବ। ତେବେ ଝୋଟ ବସ୍ତା କ୍ରୟ ଓ ପ୍ୟାକିଙ୍ଗ ବାବଦ ଖର୍ଚ୍ଚରେ ଗ୍ରାହକଙ୍କ ଅଂଶଦାନ କେତେ ରହିବ ତାହା କିନ୍ତୁ ନିଷ୍ପତ୍ତି ହୋଇପାରିନାହିଁ। ତେବେ ପୂର୍ବ ଭଳି ଚିନି, ଚାଉଳ. ଗହମ ଓ ଡାଲି ସମେତ ପନିପରିବା ଆଦି ଝୋଟ ବସ୍ତାରେ ପ୍ୟାକିଂ ଦେଶରେ  ବାଧ୍ୟତାମୂଳକ କରାଯିବ ବୋଲି ଜଣାପଡିଛି। ଫଳରେ ଝୋଟ ଚାଷକୁ ଦେଶରେ ପୁଣି ପ୍ରୋତ୍ସାହନ ମିଳିବା ନିଶ୍ଚିତ ହୋଇଥିବା ବେଳେ ଝୋଟ ଉଦ୍ୟୋଗର ମଧ୍ୟ ପୁନର୍ବିନ୍ୟାସ ହେବ।  

ନଦୀବନ୍ଧ ନେଇ ନିଷ୍ପତ୍ତି
ବୈଠକରେ ଦେଶର ନଦୀବନ୍ଧ ରକ୍ଷଣାବେକ୍ଷଣ, ସୁରକ୍ଷା, ପରିଚାଳନା ପ୍ରଦର୍ଶନ ଆଦି ନେଇ ମଧ୍ୟ ଚର୍ଚ୍ଚା ହୋଇଛି। ଏଥିରେ ୩୭୬ ବନ୍ଧର ସୁରକ୍ଷା, ପରିଚାଳନା ଓ ପ୍ରଦର୍ଶନ ବୃଦ୍ଧି ଲାଗି ବନ୍ଦ ପୁନନିର୍ମାଣ ଓ ସଂସ୍କାର ପ୍ରକଳ୍ପର ଦ୍ୱିତୀୟ ଓ ତୃତୀୟ ପର୍ଯ୍ୟାୟକୁ ବୈଠକର ଅନୁମୋଦନ ମିଳିଛି। ସୂଚନା ଅନୁସାରେ ଏହି ପ୍ରକଳ୍ପଗୁଡିକ ଲାଗି ୧୦ ହଜାର ୨୧୧ କୋଟି ଟଙ୍କା ଖର୍ଚ୍ଚ ହେବ।

   Related Posts