Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରିଟେନ୍‌ ପରେ ଆଉ ଗୋଟିଏ ଦେଶ କଲା ବଡ଼ ଘୋଷଣା, ଆସନ୍ତା ସପ୍ତାହରୁ ଆରମ୍ଭ ହେବ ଟିକାକରଣ
  • ||
  • କମୁଛି ସଂକ୍ରମଣ, ଲୋକଙ୍କ ମନରୁ ଦୂର ହେଉଛି କରୋନା ଭୟ, ଆଉ ୬୬୦ ସଂକ୍ରମିତ ହେଲେ ଆରୋଗ୍ୟ
  • ||
  • ସମ୍ମାନ ରଖିଲା ଭାରତ, ଶେଷ ଦିନିକିଆରେ କଙ୍ଗାରକୁ ୧୩ ରନରେ ଦେଲା ମାତ୍, ୨-୧ରେ ସିରିଜ୍ ଜିତିଲା ଅଷ୍ଟ୍ରେଲିଆ
  • ||
  • ମାଲକାନଗିରି : ଶବ ସତ୍କାର ପାଇଁ ଗାଁ ମଶାଣୀରେ ମିଳୁନି ଜାଗା, ୨୪ ଘଣ୍ଟା ହେଲା ଗାଁ ଦାଣ୍ଡରେ ପଡିଛି ମୃତଦେହ
  • ||
  • ଜୟପୁର : ଆତ୍ମସମର୍ପଣ କଲେ ମହିଳା ମାଓବାଦୀ, ହାର୍ଡକୋର ମାଓବାଦୀ ରାମକ୍ରିଷ୍ଣାର ଥିଲା ଅଙ୍ଗରକ୍ଷୀ
  • ||
  • ଭୁବନେଶ୍ବର : ୧୧୨ ଡାଏଲ କରନ୍ତୁ, ମିଳିବ ସବୁ ଜରୁରୀ ସେବା ଓ ସହାୟତା : ନୂଆ ଏକକ ପୋଲିସ ହେଲ୍ପ ଲାଇନ୍ ନମ୍ବର ଘୋଷଣା କଲେ ମୁଖ୍ୟମନ୍ତ୍ରୀ
  • ||
  • କଟକ : ‘ସ୍କୁଲ ଫି’ ଧାର୍ଯ୍ୟ ପାଇଁ ଆଇନ ନାହିଁ’- ହାଇକୋର୍ଟରେ ଏଭଳି ତଥ୍ୟ ରଖିଲେ ସରକାର
  • ||
  • ୩ ଦିନିଆ ରିମାଣ୍ଡରେ ଯିବେ ଅଭୟକାନ୍ତ ପାଠକ: ସ୍ବତନ୍ତ୍ର ଭିଜିଲାନ୍ସ କୋର୍ଟ ଦେଲେ ଅନୁମତି
  • ||
  • ଭୁବନେଶ୍ୱର : କମିଲା କରୋନା ପରୀକ୍ଷା ଦର, ଏଣିକି ୪ଶହ ଟଙ୍କାରେ ହେବ କୋଭିଡ୍ RT-PCR ଟେଷ୍ଟ
  • ||
  • କଳାହାଣ୍ଡି : ଜମିବାଡ଼ି ବିବାଦକୁ ନେଇ ଗୋଷ୍ଠୀ ସଂଘର୍ଷ, ୪ ଆହତ
  • ||

ଆଜିଠୁ ସିବିଏସଇ ଦଶମ ଓ ଦ୍ବାଦଶ ପରୀକ୍ଷା : ମୋଟ ୧୦ ହଜାରରୁ ଅଧିକ ସେଣ୍ଟର, ପରୀକ୍ଷା ଦେବେ ୩୦ ଲକ୍ଷରୁ ଅଧିକ ଛାତ୍ରଛାତ୍ରୀ

15/02/2020 at 9:06 AM

ଭୁବନେଶ୍ବର ୧୫।୦୨: ଶନିବାର ଠାରୁ  କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ଼ ବା ସିବିଏସଇର ଦଶମ ପରୀକ୍ଷା ଆରମ୍ଭ ହେବ। ଯାହା ମାର୍ଚ୍ଚ ୨୦ ତାରିଖରେ ସରିବ । ପରୀକ୍ଷା ସକାଳ ୧୦ଟା୩୦ରୁ ଆରମ୍ଭ ହେଉଥିବା ବେଳେ କିଛି ପରୀକ୍ଷା ୧୨ଟା୩୦ ଓ ଅନ୍ୟ କିଛି ପରୀକ୍ଷା ୧ଟା୩୦ରେ ସରିବ । ତେବେ ଛାତ୍ରଛାତ୍ରୀଙ୍କୁ ପରୀକ୍ଷା କେନ୍ଦ୍ରରେ ୧୦ଟାରୁ ୧୦ଟା ୧୫ ମଧ୍ୟରେ ଆନସର୍‌ ସିଟ୍‌ ବା ଉତ୍ତର ଖାତା ଦିଆଯିବ । ୧୦ଟା ୧୫ ପରେ ପ୍ରଶ୍ନପତ୍ର ଦିଆଯିବ ।

ବିଦ୍ୟାର୍ଥୀମାନେ ନିଜ ବାବଦରେ ବିସ୍ତୃତ ବିବରଣୀ ଉତ୍ତର ଖାତାର ଉଦ୍ଦିଷ୍ଟ ସ୍ଥାନରେ ଲେଖିବେ । ଯାହାକୁ ପରୀକ୍ଷା କେନ୍ଦ୍ରର ସହ ଅଧୀକ୍ଷକ ଯାଞ୍ଚ କରିବେ । ୧୦ଟା ୧୫ରୁ ୧୦ଟା ୩୦ ପର୍ଯ୍ୟନ୍ତ ଛାତ୍ରଛାତ୍ରୀମାନେ ପ୍ରଶ୍ନପତ୍ର ପଢ଼ିବେ । ସେହି ସମୟ ମଧ୍ୟରେ ଉତ୍ତର ଲେଖିବା ପାଇଁ ଯୋଜନା ପ୍ରସ୍ତୁତ କରିବେ । ୧୦ଟା୩୦ରୁ ଛାତ୍ରଛାତ୍ରୀମାନେ ଉତ୍ତର ଲେଖିବା ଆରମ୍ଭ କରିବେ ।

ସେହିପରି ସିବିଏସ୍‌ଇର ଦ୍ୱାଦଶ ପରୀକ୍ଷା ଆସନ୍ତା ୧୭ ତାରିଖରୁ ଆରମ୍ଭ ହେବ । ଦ୍ୱାଦଶ ପରୀକ୍ଷା ମଧ୍ୟ ୧୦ଟା ୩୦ରୁ ଆରମ୍ଭ ହେବ । ଦଶମ ଭଳି ଦ୍ୱାଦଶର ପ୍ରଶ୍ନପତ୍ର ଦେବା, ପଢ଼ିବା ଓ ଉତ୍ତର ଖାତା ଦେବା ସମୟ ସମାନ ରହିଛି । ସକାଳ ୮ଟା୩୦ରୁ ରିପୋଟିଂ କରିବାକୁ କୁହାଯାଇଛି । ଦ୍ୱାଦଶର ପ୍ରଥମ ଦିନରେ ଓଡ଼ିଶା ନୃତ୍ୟର ପରୀକ୍ଷା ଥିବା ବେଳେ ୨୦ରେ ଚିତ୍ରାଙ୍କନ ପରୀକ୍ଷା ରହିଛି । ଛାତ୍ରଛାତ୍ରୀମାନେ ପରୀକ୍ଷା କେନ୍ଦ୍ରକୁ ଆସିବା ସମୟରେ ନିଜର ଅରିଜିନାଲ୍‌ ଆଡ଼ମିଟ୍‌ କାର୍ଡ଼ ଆଣିବାକୁ ବୋର୍ଡ଼ର ପରୀକ୍ଷା ନିୟନ୍ତ୍ରକ କହିଛନ୍ତି । ପରୀକ୍ଷା କେନ୍ଦ୍ର ଭିତରକୁ କେବଳ ଟ୍ରାନ୍ସପରେଣ୍ଟ୍‌ ବୋର୍ଡ଼ ନେବାକୁ ଅନୁମତି ରହିଛି ।

ସାରା ଦେଶରେ ୩୦ ଲକ୍ଷରୁ ଅଧିକ ଛାତ୍ରଛାତ୍ରୀ ୧୦ ହଜାର ସେଣ୍ଟରରେ ପରୀକ୍ଷା ଦେବେ । ସେହିପରି  ଚଳିତବର୍ଷ ଓଡ଼ିଶାରୁ ଦଶମ ଶ୍ରେଣୀରେ ୧୯ ହଜାର ଓ ଦ୍ୱାଦଶ ଶ୍ରେଣୀରେ ୧୪ ହଜାରରୁ ଅଧିକ ଛାତ୍ରଛାତ୍ରୀ ପରୀକ୍ଷା ଦେବା ପାଇଁ ଫର୍ମ ପୂରଣ କରିଥିବା ଜଣାପଡ଼ିଛି।

   Related Posts