ନୂଆଦିଲ୍ଲୀ ୨୬।୬: କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ (ସିବିଏସ୍ଇ) ଶୁକ୍ରବାର ଦିନ ଘୋଷଣା କରିଛି ଯେ ଦଶମ ଏବଂ ଦ୍ବାଦଶ ଶ୍ରେଣୀ ବୋର୍ଡ ପରୀକ୍ଷା ଫଳାଫଳ ଜୁଲାଇ ୧୫ ସୁଦ୍ଧା ଘୋଷଣା କରାଯିବ ।
ପରୀକ୍ଷା ନିୟନ୍ତ୍ରକ ସମୟ ଭରଦ୍ବାଜଙ୍କ ଅନୁଯାୟୀ, କୋଭିଡ୍-୧୯ ସ୍ଥିତି ହେତୁ ହେବାକୁ ଥିବା ପରୀକ୍ଷା ବାତିଲ କରାଯାଇଛି । ଏକ ସରକାରୀ ବିଜ୍ଞପ୍ତିରେ ଭରଦ୍ବାଜ କହିଛନ୍ତି ଯେ, ବିକଳ୍ପ ମୂଲ୍ୟାଙ୍କନ ଯୋଜନା ପରେ ଫଳାଫଳ ଘୋଷଣା କରାଯିବ । ଦ୍ବାଦଶ ଶ୍ରେଣୀର ଛାତ୍ରଛାତ୍ରୀମାନଙ୍କୁ ସେମାନଙ୍କର ମାର୍କରେ ଉନ୍ନତି ଆଣିବା ପାଇଁ ପରେ ପରୀକ୍ଷା ଦେବାକୁ ସୁଯୋଗ ଦିଆଯିବ । ତଥାପି, ଯେଉଁ ଛାତ୍ରଛାତ୍ରୀମାନେ ପରୀକ୍ଷା ଦେବାକୁ ବିକଳ୍ପ ବାଛୁଛନ୍ତି ସେମାନଙ୍କୁ ପରୀକ୍ଷାରେ ମିଳିଥିବା ମାର୍କକୁ ହିଁ ଅନ୍ତିମ ମାର୍କ ଭାବେ ଗଣନା କରାଯିବ ।
ସେ କହିଛନ୍ତି ଯେ ଦଶମ ଶ୍ରେଣୀର ଛାତ୍ରଛାତ୍ରୀମାନେ ଏହି ପରୀକ୍ଷା ଦେବାକୁ ସୁଯୋଗ ପାଇବେ ନାହିଁ । କେବଳ ବୋର୍ଡ ଦ୍ବାରା ଘୋଷିତ ଫଳାଫଳକୁ ଅନ୍ତିମ ଗଣନା କରାଯିବ ।
ସୁପ୍ରିମକୋର୍ଟ କେନ୍ଦ୍ର ଏବଂ ସିବିଏସଇକୁ କୋଭିଡ୍-୧୯ ବିଶ୍ବ ମହାମାରୀ ହେତୁ ଦଶମ ଏବଂ ଦ୍ବାଦଶର ଅବଶିଷ୍ଟ ବୋର୍ଡ ପରୀକ୍ଷାକୁ ବାତିଲ କରିବା ଏବଂ ଜୁଲାଇରେ ହେବାକୁ ଥିବା ପରୀକ୍ଷା ପାଇଁ ଛାତ୍ରଛାତ୍ରୀଙ୍କୁ ମାର୍କ ପ୍ରଦାନ କରିବା ଯୋଜନାରୁ ମଞ୍ଜୁରୀ ଦେଇଛନ୍ତି ।
