Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭିଜିଲାନ୍ସ ପଞ୍ଝାରେ କିରାଣୀ, ମୃତ୍ୟୁ ପ୍ରମାଣପତ୍ର ପାଇଁ ନେଉଥିଲେ ୬୦୦ ଟଙ୍କା ଲାଞ୍ଚ
  • ||
  • ଆଜି ‘ଓମେନ୍ ଆଚିଭର୍ସ ଅଫ୍ ଓଡ଼ିଶା’ ପୁରସ୍କାର ସମାରୋହ, ପୁରସ୍କୃତ ହେବେ ଶ୍ରେଷ୍ଠ-୧୪ ପ୍ରତିଭାଦୀପ୍ତ ମହିଳା
  • ||
  • ଆଜି ସନ୍ଧ୍ୟାରେ ନ୍ୟୁଜ୍ ସେଭେନ୍ ସର୍ଟଫିଲ୍ମ କଣ୍ଟେଷ୍ଟ୍ ‘ସୋ-କେଶ୍ ୨୦୨୦’ର ପୁରସ୍କାର ବିତରଣୀ, ୧୨ଟି ବର୍ଗରେ ରହିଛି ପୁରସ୍କାର
  • ||
  • ଇଂଲଣ୍ଡ ବ୍ୟାଟିଂରେ ଭନ୍ ନିରାଶ, କହିଲେ- ‘ପିଚ୍ ଭଲ ଥିଲା କିନ୍ତୁ ଖେଳି ପାରିଲେ ନାହିଁ’
  • ||
  • ସୁନ୍ଦରଗଡ଼ : ନଦୀ ପଠାରେ ପଡିଛି ଶରୀରର ବିଭିନ୍ନ କଟା ଅଂଶ, ହତ୍ୟା ପରେ ଫିଙ୍ଗାଯାଇଛି !
  • ||
  • ମାର୍ଚ୍ଚ ୫ରେ ‘ଓମେନ୍ ଆଚିଭର୍ସ ଅଫ୍ ଓଡ଼ିଶା’ ପୁରସ୍କାର ସମାରୋହ
  • ||

CBSE ଦଶମ ଶ୍ରେଣୀ ପରୀକ୍ଷାରେ ବାଜି ମାରି ନେଇଛନ୍ତି ଛାତ୍ରୀ

29/05/2018 at 10:38 PM

ସିବିଏସ୍‌ଇ ଦଶମ ଶ୍ରେଣୀ ପରୀକ୍ଷାରେ ବାଜି ମାରି ନେଇଛନ୍ତି ଛାତ୍ରୀ । ଏଥର ଏକା ମାର୍କ ରଖି ଟପ୍ପର ହୋଇଥିବା ୪ଜଣଙ୍କ ଭିତରେ ଅଛନ୍ତି ୩ଛାତ୍ରୀ । କେବଳ ସେତିକି ନୁହେଁ, ଛାତ୍ରୀଙ୍କ ପାସ ରହିଛି ୮୮.୬୭ପ୍ରତିଶତ, ଯାହା ଛାତ୍ରଙ୍କଠାରୁ ଅଧିକ ।
ସିବିଏସ୍‌ଇ ଦଶମ ଶ୍ରେଣୀ ପରୀକ୍ଷାରେ ଏଥର ପାସ ହାର ରହିଛି ୮୬.୭% । ଛାତ୍ରଙ୍କୁ ପଛରେ ପକାଇ ଦେଇଛନ୍ତି ଛାତ୍ରୀ । ଛାତ୍ରୀଙ୍କ ପାସ ହାର ୮୮.୬୭% ଥିବା ବେଳେ ଛାତ୍ରଙ୍କ ପାସ ହାର ୮୫.୩୨ % । ଏଥର ଟପ୍ପର ହୋଇଛନ୍ତି ୪ଛାତ୍ରଛାତ୍ରୀ । ଡିପିଏସ୍‌ ଗୁରୁଗ୍ରାମ ର ପ୍ରଖର ମିତ୍ତଲ, ଆରପି. ପବ୍ଲିକ ସ୍କୁଲ ବିଜନୌର ର ରିମଝିମ ଅଗ୍ରୱାଲ, ସ୍କଟିସ୍‌ ସ୍କୁଲ ସାମଲୀ ର ନନ୍ଦିନୀ ଗର୍ଗ ଏବଂ ଭବନ ବିଦ୍ୟାଳୟ କୋଚି ର ଶ୍ରୀଲକ୍ଷ୍ମୀ ଜୀ । ସମସ୍ତ ଟପ୍ପର ୫ଶହରୁ ରଖିଛନ୍ତି ୪୯୯ ମାର୍କ ଅର୍ଥାତ ୯୯.୮% ନମ୍ବର ।
ଦିବ୍ୟାଙ୍ଗ ବର୍ଗରେ ୪୮୯ମାର୍କ ସହ ଟପ୍‌ କରିଛନ୍ତି ଉଭୟ ସନସିଟି ଗୁରୁଗ୍ରାମ ର ଅନୁଷ୍କା ପାଣ୍ଡା ଏବଂ ଉତ୍ତମ ସ୍କୁଲ ଗାଜିଆବାଦର ସାନ୍ୟା ଗାନ୍ଧୀ । ଦିବ୍ୟାଙ୍ଗ ବର୍ଗରେ ଜବାହର ନବୋଦୟ ବିଦ୍ୟାଳୟ ମୟୁରଭଞ୍ଜର ସୌମ୍ୟଦୀପ ପ୍ରଧାନ ୪୮୪ ନମ୍ବର ସହ ସେକେଣ୍ଡ ଟପ୍ପର ହୋଇଛନ୍ତି । ଏଥର ୧୬ଲକ୍ଷ ୨୪ହଜାର ୬୮୨ପରୀକ୍ଷାର୍ଥୀଙ୍କ ଭିତରୁ ୧୪ଲକ୍ଷ ୮ହଜାର ୫୯୪ପାସ କରିଛନ୍ତି । ଥିରୁଅନନ୍ତପୁରମ୍ ରେ ପାସ ହାର ରହିଛି ସର୍ବାଧିକ ୯୯.୬୦% । ୧ଲକ୍ଷ ୩୧ହଜାର ୪୯୩ଛାତ୍ରଛାତ୍ରୀ ୯୦%ରୁ ଅଧିକ ମାର୍କ ରଖିଛନ୍ତି । ୨୭ହଜାର ୪୭୬ଜଣ ୯୫%ରୁ ଅଧିକ ନମ୍ବର ରଖିଛନ୍ତି । ଓଡିଶା, ପଶ୍ଚିମବଙ୍ଗ ଓ ଛତିଶଗଡକୁ ନେଇ ଗଠିତ ଭୁବନେଶ୍ୱର ଜୋନରେ ୭୭ ହଜାର ୭୦୮ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିଲେ । ଓଡିଶାରୁ ୧୮ ହଜାରରୁ ଅଧିକ ଛାତ୍ରଛାତ୍ରୀ ପରୀକ୍ଷା ଦେଇଛନ୍ତି ।

Leave a Reply

   Related Posts