ପ୍ରୟାଗରାଜ ୨୩/୦୯ : ଅଖିଳ ଭାରତୀୟ ଆଖଡ଼ା ପରିଷଦ ଅଧ୍ୟକ୍ଷ ମହନ୍ତ ନରେନ୍ଦ୍ର ଗିରିଙ୍କ ମୃତ୍ୟୁ ମାମଲାରେ ସିବିଆଇ ଟିମ ପ୍ରୟାଗରାଜରେ ପହଞ୍ଚିଛି। ଏହି ଟିମରେ ୫ ସଦସ୍ୟ ଅଛନ୍ତି। କେସ ହେଣ୍ଡଓଭର ନେବା ପୂର୍ବରୁ ସିବିଆଇ ଟିମ ମାମଲାର ସୂଚନା ନେଇଛି। ସିବିଆଇ ଏଫଆଇଆର କପି ନେବାକୁ ପୋଲିସଲାଇନରେ ପହଞ୍ଚିଛି। ପୋଲିସଲାଇନରେ ଏସଆଇଟି ଟିମ ଓ ପ୍ରୟାଗରାଜ ପୋଲିସ ଅଧିକାରୀ ଉପସ୍ଥିତ ଅଛନ୍ତି। ଶୀଘ୍ର ସିବିଆଇ ତଦନ୍ତ ଆରମ୍ଭ କରିବ।
ଗଣମାଧ୍ୟମ ରିପୋର୍ଟ ଅନୁଯାୟୀ ସରକାର ଶୀଘ୍ର ମାମଲାକୁ ସମାଧାନ କରିବାକୁ ଚାହୁଁଛନ୍ତି। ସେଥିପାଇଁ ନିରପେକ୍ଷ ତଦନ୍ତକୁ ଦୃଷ୍ଟିରେ ରଖି ସିବିଆଇ ଯାଞ୍ଚ ସୁପାରିଶ କରିଥିଲେ।
{"id":516359,"sizeSlug":"full","linkDestination":"none"}ମହନ୍ତ ନରେନ୍ଦ୍ର ଗିରିଙ୍କ ମୃତ୍ୟୁ ମାମଲାରେ ଲଗାତାର ନାନା ପ୍ରଶ୍ନ ଛିଡା ହେଉଛି। ଅନେକ ରାଜନେତାଙ୍କଠୁ ଆରମ୍ଭ କରି ସନ୍ଥ ସମାଜ ସହ ଜଡିତ ଲୋକେ ବି ଏହାକୁ ଆତ୍ମହତ୍ୟା ବୋଲି ମାନିବାକୁ ଅସ୍ବୀକାର କରିଛନ୍ତି। ସେଥିପାଇଁ ମାମଲାରେ ସିବିଆଇ ତଦନ୍ତ ଦାବି ହୋଇଥିଲା।
ଏବେ ଯାଏଁ ମାମଲାରେ ୩ ଅଭିଯୁକ୍ତଙ୍କୁ ଗିରଫ କରାଯାଇଛି। ମହନ୍ତ ଗିରି ସୁଈସାଇଡ ନୋଟରେ ଆନନ୍ଦ ଗିରି, ଆଦ୍ୟା ତିୱାରୀ ଓ ତାଙ୍କ ପୁଅ ସନ୍ଦୀପ ତିୱାରୀଙ୍କୁ ତାଙ୍କ ମୃତ୍ୟୁ ପାଇଁ ଦାୟୀ କରିଥିଲେ। ଏମାନେ ତାଙ୍କୁ ମାନସିକ ନିର୍ଯ୍ୟାତନା ଦେଉଥିଲେ ବୋଲି ନୋଟରେ ଲେଖା ହୋଇଥିଲା। ଏହି ସୁଈସାଇଡ ନୋଟ ଆଧାରରେ ପୋଲିସ ୩ ଜଣଙ୍କୁ ଗିରଫ କରିଛି।