Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୧୮ ହଜାରରୁ ଅଧିକ କରୋନା ପଜିଟିଭ୍, ୧୭୯ ମୃତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୭ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୪୫ କୋଭିଡ୍ ପଜିଟିଭ୍
  • ||
  • ରାଜ୍ୟରେ ଏବେ କମିବନି ବର୍ଷା, ଆସୁଛି ଆଉ ଏକ ଲଘୁଚାପ
  • ||
  • ବଳଙ୍ଗା ଥାନାରେ ବିସ୍ଫୋରଣ : ଫାଟିଗଲା କାନ୍ଥ, ଆସବାବପତ୍ର ନଷ୍ଟ
  • ||
  • କମିଶନରେଟ ପୋଲିସ ପଞ୍ଝାରେ ୩ ଲୁଟେରା, ବାଇକ୍ ଓ ବନ୍ଧୁକ ଜବତ
  • ||
  • ସିଆରପିଏଫ କ୍ୟାମ୍ପ ଉପରେ ନକ୍ସଲ ଆକ୍ରମଣ, ୨ ଘଣ୍ଟା ଧରି ଚାଲିଲା ଗୁଳି ବିନିମୟ
  • ||
  • ଗାଁରେ ପଶିଲା ଭାଲୁ, ଆକ୍ରମଣ କରି ଜଣଙ୍କୁ ଘାଇଲା କଲା…
  • ||
  • ଭୋଟ୍‌ର ୨ ଦିନ ପୂର୍ବରୁ ପିପିଲିରେ ହିଂସା, ବିଜେପି ଅଫିସ ଉପରେ ବୋମାମାଡ଼ କଲେ ଦୁର୍ବୃତ୍ତ
  • ||
  • ୨୦ ଲକ୍ଷ ଟଙ୍କାର ଗଞ୍ଜେଇ ଜବତ, ବାତ୍ୟା ସମୟରେ ହେଉଥିଲା ଚାଲାଣ
  • ||

ସୁଶାନ୍ତ ସିଂହ ମାମଲା : ମୁମ୍ବାଇ ପୋଲିସର ଯାଞ୍ଚ ଅଧିକାରୀ ଓ ସବ୍ ଇନ୍ସପେକ୍ଟରଙ୍କୁ ସମନ ଜାରି କଲା ସିବିଆଇ

25/08/2020 at 6:38 PM

ମୁମ୍ବାଇ ୨୫/୦୮ : ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାରେ ମୁମ୍ବାଇ ପୋଲିସ ଯାଞ୍ଚ ଅଧିକାରୀ ଭୂଷଣ ବେଲନେକର ଓ ଜଣେ ସବଇନ୍ସପେକ୍ଟରଙ୍କୁ ସିବିଆଇ ସମନ ପଠାଇଛି | ଭୂଷଣ ବେଲନେକର ସୁଶାନ୍ତ ସିଂହ ମାମଲାର ଯାଞ୍ଚ କରୁଥିଲେ | କେନ୍ଦ୍ର ଯାଞ୍ଚ ଏଜେନ୍ସି କିଛି ଦିନ ପୂର୍ବରୁ ଅଧିକାରୀଙ୍କ ବୟାନ ରେକର୍ଡ କରିଥିଲେ | ବର୍ତ୍ତମାନ ତାଙ୍କୁ ପଚରାଉଚୁରା ପାଇଁ ସମନ ଜାରି କରାଯାଇଛି |

ସୁଶାନ୍ତଙ୍କ ଫ୍ଲାଟରେ ରହୁଥିବା ସିଦ୍ଧାର୍ଥ ପିଠାନି, ରୋଷେଇୟା ନିରଜ ସିଂହ ଓ ତାଙ୍କ ଘରୋଇ ସହାୟକ ଦୀପକ ସାୱନ୍ତଙ୍କୁ ସିବିଆଇ ପୁଣିଥରେ ପଚରାଉଚୁରା କରିଛି | ଜଣେ ଅଧିକାରୀ କହିଛନ୍ତି ଯେ ସିଦ୍ଧାର୍ଥ, ନିରଜ ଓ ଦୀପକ ସାନ୍ତାକୃଜରେ କଲିନା ସ୍ଥିତ ଡିଆରଡିଓ ଗେଷ୍ଟ ହାଉସକୁ ପହଞ୍ଚିଥିଲେ | ମାମଲାର ଯାଞ୍ଚ କରୁଥିବା ସିବିଆଇ ଅଧିକାରୀ ସେଠାରେ ପୂର୍ବରୁ ଉପସ୍ଥିତ ଥିଲେ |

ଏହି ତିନି ଜଣ ଜୁନ ୧୪ ତାରିଖରେ, ଯେଉଁଦିନ ସୁଶାନ୍ତ ସିଂହଙ୍କ ମୃତ୍ୟୁ ହୋଇଥିଲା ସେଦିନ ବାନ୍ଦ୍ରା ସ୍ଥିତ ମୋଣ୍ଟ ବ୍ଲାନ୍କ ଆପାର୍ଟମେଣ୍ଟରେ ସୁଶାନ୍ତଙ୍କ ଘରେ ଉପସ୍ଥିତ ଥିଲେ | ସେମାନେ କହିଛନ୍ତି ଯେ ସିବିଆଇ ଟିମ ସୁଶାନ୍ତ ସିଂହଙ୍କ ଆର୍ଥିକ ଲେନଦେଣ ସମ୍ପର୍କରେ ତଥ୍ୟ ଯୋଗାଡ ପାଇଁ ତାଙ୍କ ଚାର୍ଟାଡ଼ ଆକାଉଣ୍ଟାଣ୍ଟକୁ ମଧ୍ୟ ଡାକିଥିଲେ |

ସୋମବାର ଦିନ ସିବିଆଇ ଟିମ ମୁମ୍ବାଇ ସ୍ଥିତ ରିଜୋର୍ଟକୁ ଯାଇ ଯାଞ୍ଚ କରିଥିଲେ | ଏଠାରେ ସୁଶାନ୍ତ ମାସେରୁ ଅଧିକ ଦିନ ରହିଥିଲେ | ଶୁକ୍ରବାର ଦିନ ସିବିଆଇ ଟିମ ସିଦ୍ଧାର୍ଥ, ନିରଜ ଓ ଦୀପକର ବୟାନ ରେକର୍ଡ କରିଥିଲେ | ଶନିବାର ଦିନ ଯାଞ୍ଚ ଟିମ ଏହି ୩ଜଣଙ୍କୁ ସୁଶାନ୍ତଙ୍କ ଫ୍ଲାଟକୁ ନେଇ ସେଠାରେ ଘଟଣାର ନାଟକୀୟ ପୁନରାବୃତ୍ତି କରିଥିଲେ | ୩ଜଣଙ୍କୁ ରବିବାର ଦିନ ପୁଣି ସୁଶାନ୍ତଙ୍କ ଫ୍ଲାଟକୁ ନିଆଯାଇଥିଲା |

   Related Posts