Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କରୋନାର ଦୈନିକ ସଂକ୍ରମଣରେ ବୃଦ୍ଧି, ୨୪ଘଣ୍ଟାରେ ୪୩୮୯୩ ନୂଆ ଆକ୍ରାନ୍ତ ଚିହ୍ନଟ
  • ||
  • ଅପରେସନ ଅଲ୍ଆଉଟ୍ : ସେନା ଗୁଳିରେ ୨ ଆତଙ୍କୀ ନିହତ, ବନ୍ଧୁକ ଓ ଗୁଳି ଜବତ
  • ||
  • ବିହାର ନିର୍ବାଚନ : ପ୍ରଥମ ପର୍ଯ୍ୟାୟ ପାଇଁ ମତଦାନ ଆରମ୍ଭ, ୭୧ଟି ଆସନରେ ଚାଲିଛି ଭୋଟିଂ
  • ||
  • ନଭେମ୍ବରରୁ ପର୍ଯ୍ୟଟକଙ୍କ ପାଇଁ ଖୋଲିବ ଶିମିଳିପାଳ ବ୍ୟାଘ୍ର ପ୍ରକଳ୍ପ
  • ||

ସୋସିଆଲ ମିଡ଼ିଆର ଲୋକପ୍ରିୟ ଆଇଏଏସ ଅଧିକାରୀ ବି.ଚନ୍ଦ୍ରକଳାଙ୍କ ଘରେ ସିବିଆଇ ଚଢ଼ାଉ: ବର୍ଷେରେ ବଢିଛି ୯୦ ପ୍ରତିଶତ ସମ୍ପତ୍ତି

5/01/2019 at 5:17 PM

ଦିଲ୍ଲୀ ୫/୧ : ବେଆଇନ ବାଲି ଉତ୍ତୋଳନ ମାମଲାରେ ସିବିଆଇ ଶନିବାର ଉତ୍ତର ପ୍ରଦେଶ ଏବଂ ଦିଲ୍ଲୀର ୧୨ଟି ଜାଗାରେ ଚଢ଼ାଉ କରିଥିଲା | ସିବିଆଇ ଅଧିକାରୀ କହିଛନ୍ତି ଯେ, ଆଇଏଏସ ଅଧିକାରୀ ବି.ଚନ୍ଦ୍ରକଳାଙ୍କ ସମେତ ବରିଷ୍ଠ ଅଧିକାରୀଙ୍କ ବାସଭବନରେ ଚଢ଼ାଉ କରାଯାଇଛି | ବି.ଚନ୍ଦ୍ରକଳା ଭ୍ରଷ୍ଟାଚାର ଏବଂ ଦୁର୍ନୀତି ବିରୋଧରେ ନିଜ ଅଭିଯାନ ପାଇଁ ସୋସିଆଲ ମିଡ଼ିଆରେ ବହୁତ ଲୋକପ୍ରିୟ | ତେବେ ସିବିଆଇ ଦିଲ୍ଲୀ, ଉତ୍ତରପ୍ରଦେଶ, ହମିରପୁର, ଲକ୍ଷ୍ନୌ ସମେତ ଅନେକ ଜିଲ୍ଲାରେ ଚଢ଼ାଉ କରିଥିଲା |

ଆଲ୍ହାବାଦ ଉଚ୍ଚ ନ୍ୟାୟାଳୟଙ୍କ ନିର୍ଦେଶ ଅନୁଯାୟୀ ସିବିଆଇ ଏହି ମାମଲାର ଯାଞ୍ଚ କରୁଛି | ଚନ୍ଦ୍ରକଳାଙ୍କ ଘର ଯୋଜନା ଭବନ ପାଖରେ ସଫାୟାର ଏଣ୍ଡ ଭିଲ୍ଲା ଠାରେ ଅଛି | ଚନ୍ଦ୍ରକଳା ଏବେ ଡେପୁଟେସନରେ ଅଛନ୍ତି | ଉତ୍ତରପ୍ରଦେଶରେ ଚନ୍ଦ୍ରକଳା ଜଣେ କଡା ଏବଂ ନିଷ୍ଠାପର ଅଫିସର ଭାବେ ବେଶ ଜଣାଶୁଣା | ତାଙ୍କ ସଚ୍ଚୋଟ କାର୍ଯ୍ୟକଳାପ ପାଇଁ ତାଙ୍କୁ ଲୋକେ ବହୁତ ସମ୍ମାନ କରନ୍ତି | ଏହା ପୂର୍ବରୁ ବୁଲନ୍ଦସହର, ହମିରପୁର ସମେତ କେତେକ ଜିଲ୍ଲାରେ ଚନ୍ଦ୍ରକଳା ନିଜର କଡା ଅନ୍ଦାଜ ଏବଂ ଶକ୍ତ କାର୍ଯ୍ୟକଳାପ ପାଇଁ ଅନେକ ବାହା ବା ସାଉଣ୍ଟିଛନ୍ତି |

ସିବିଆଇ ଚନ୍ଦ୍ରକଳାଙ୍କ ହରୀମପୁର ବାସଭବନରେ ଚଢ଼ାଉ କରିଥିଲା | ସେ ୨୦୦୮ ବ୍ୟାଚର ଆଇଏଏସ ଅଧିକାରୀ | ସେ ସୋସିଆଲ ମିଡ଼ିଆରେ ମଧ୍ୟ ପହୁତ ଲୋକପ୍ରିୟ | ଫେସବୁକରେ ଚନ୍ଦ୍ରକଳାଙ୍କ ୮୬, ୩୬୩୪୮ ରୁ ଅଧିକ ଫଲୋୟର ଅଛନ୍ତି |

୨୦୧୭ ମସିହାରେ ଚନ୍ଦ୍ରକଳା ନିଜ ସମ୍ପତ୍ତିର ତାଲିକା ଦେବାରେ ଅସମର୍ଥ ହୋଇଥିଲେ | ସିଭିଲ ସେବା ଅଧିକାରୀଙ୍କୁ ୨୦୧୪ ମସିହା ପାଇଁ ଜାନୁଆରୀ ୧୫ ତାରିଖ ଭିତରେ ନିଜ ସମ୍ପତ୍ତିରା ତାଲିକା  ଦାଖଲ କରିବାର ଥିଲା | କିନ୍ତୁ ବର୍ଷେ ବିତିଯିବା ପରେ ସେମାନେ ରେକର୍ଡ ଦାଖଲ କରିପାରିନଥିଲେ | ଏହି ଅଧିକାରୀମାନଙ୍କ ମଧ୍ୟରେ ଚନ୍ଦ୍ରକଳାଙ୍କ ନାଁ ମଧ୍ୟ ସାମିଲ ଥିଲା |

କେନ୍ଦ୍ର ସରକାରଙ୍କ ସାଧାରଣ ପ୍ରଶାସନ ଏବଂ ପ୍ରଶିକ୍ଷଣ ବିଭାଗରା ସୂଚନା ଅନୁଯାୟୀ ଚନ୍ଦ୍ରକଳାଙ୍କ ସମ୍ପତ୍ତି ୨୦୧୧-୨୦୧୨ ମସିହା ବେଳକୁ ମାତ୍ର ୧୦ ଲକ୍ଷ ଟଙ୍କା ଥିଲା | ୨୦୧୩-୧୪ ମସିହା ବେଳକୁ ତାଙ୍କ ସମ୍ପତ୍ତି ପ୍ରାୟ ୧ କୋଟି ହୋଇଯାଇଥିଲା | ମାତ୍ର ବର୍ଷେ ଭିତରେ ତାଙ୍କ ସମ୍ପତ୍ତି ୯୦ ପ୍ରତିଶତ ବଢି ଯାଇଥିଲା |

୨୦୧୧ ମସିହାରେ ଚନ୍ଦ୍ରକଳା ନିଜ ଗହଣା ଏବଂ ଦରମାରେ ଆନ୍ଧ୍ର ପ୍ରଦେଶ ଉପଲ ଠାରେ ଏକ ୧୦ ଲକ୍ଷ ଟଙ୍କାରା ଫ୍ଲାଟ କିଣିଥିଲେ | କିନ୍ତୁ ଏବେ ତାଙ୍କ ଝିଅ ନାଁରେ ଲକ୍ଷ୍ନୌ ସରୋଜିନୀ ମାର୍ଗ ଠାରେ ଏକ ୫୫ ଲକ୍ଷ ଟଙ୍କାରା ଫ୍ଲାଟ ରହିଛି | ତେବେ ଏହି ଫ୍ଲାଟ ତାଙ୍କୁ ତାଙ୍କ ଶାଶୁ ଶ୍ୱଶୁର ଉପହାର ସଦୃଶ ଦେଇଥିଲେ ବୋଲି ସେ ସଫେଇ ଦେଇଥିଲେ | ଏହାଛଡା ଆନ୍ଧ୍ର ପ୍ରଦେଶ ଅନୁପମନଗର ଠାରେ ସେ ଏକ ୩୦ ଲକ୍ଷ ଟଙ୍କାର ଘର କିଣିଛନ୍ତି |

   Related Posts