Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଏସଏଫର ବଡ କାର୍ଯ୍ୟାନୁଷ୍ଠାନ, ବାଂଲାଦେଶ ସୀମାରେ ୮୨ ନକଲି ଡ୍ରାଇଭିଂ ଲାଇସେନ୍ସ ଜବତ
  • ||
  • ୟୁପି ସମର: ଅଖିଳେଶଙ୍କ ପାଇଁ ପ୍ରଚାର କରିବେ ମମତା, ଫେବୃଆରୀ ୮ରେ ଲକ୍ଷ୍ନୌରେ ଭର୍ଚୁଆଲ ରାଲି
  • ||
  • ଆସନ୍ତାକାଲି ପ୍ରଥମ ଦିନିକିଆ: କିଏ କରିବ ଓପନିଂ ? ଖୁଲାସା କଲେ ରାହୁଲ, ୫ ବର୍ଷ ପରେ ଦିନିକିଆକୁ ପ୍ରତ୍ୟାବର୍ତ୍ତନ କରିବେ ଏହି ଖେଳାଳି
  • ||
  • କାରିଗରଙ୍କଠୁ ଲାଞ୍ଚ ନେବା ମହଙ୍ଗା ପଡିଲା, ଭିଜିଲାନ୍ସ ଦ୍ଵାରା ବନ୍ଧା ହେଲେ ହସ୍ତଶିଳ୍ପ ନିଗମର ସହ-ନିର୍ଦ୍ଦେଶକ ଓ କ୍ରାପ୍ଟମ୍ୟାନ୍
  • ||
  • କଲେଜ୍ରେ ନିର୍ବାଚନୀ ସଭା ନେଇ କଠୋର ହେଲେ ଏସଇସି: ଏସଡିପିଓ ଏବଂ ପ୍ରିନ୍ସିପାଲଙ୍କୁ ନିଲମ୍ବନ କରିବାକୁ ଦେଲେ ନିର୍ଦ୍ଦେଶ
  • ||
  • IPL 2022: କେଏଲ ରାହୁଲଙ୍କ ସହ ଏହି ଦୁଇ ଖେଳାଳିଙ୍କୁ ନିଜ ଦଳରେ ସାମିଲ୍ କଲା ଲକ୍ଷ୍ନୌ ଫ୍ରାଞ୍ଚାଇଜି
  • ||
  • ମଙ୍ଗଳବାର ପୃଥିବୀର ନିକଟତର ହେବ ବିରାଟ ଗ୍ରହାଣୁ : ମାଡ ହେଲେ ଘଟାଇବ ବିନାଶ !
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||

ବାବ୍ରି ମସଜିଦ୍ ଧ୍ଵଂସ ମାମଲା: ଜୁନ ୪ରେ ଆଡଭାନୀ, ଯୋଶୀ, ଉମା ଭାରତୀଙ୍କ ବୟାନ ରେକର୍ଡ

28/05/2020 at 6:21 PM

ଲକ୍ଷ୍ନୌ ୨୮।୦୫: ବାବ୍ରି ମସଜିଦ୍‌ ମାମଲାରେ ସିବିଆଇ ଅଦାଲତ ଜୁନ ୪ରେ ଭାରତୀୟ ଜନତା ପାର୍ଟି(ବିଜେପି)ର ନେତା ସମେତ ସମସ୍ତ ୩୨ ଆରୋପୀଙ୍କ ବୟାନ ରେକର୍ଡ କରିବ। ଏହା ପୂର୍ବରୁ ସ୍ଵତନ୍ତ୍ର ଅଦାଲତ ମେ ୧୮ରେ ସିବିଆଇକୁ କିଛି ନିର୍ଦ୍ଦେଶ ଦେଇଥିଲେ। ଏଥିରେ କୁହାଯାଇଥିଲା ଯେ, ବାବ୍ରି ବିବାଦ ମାମଲାରେ ଶୁଣାଣି କରିବା ଉଦ୍ଦେଶ୍ୟରେ ନ୍ୟାୟାଳୟ କକ୍ଷରେ ଭିଡିଓ କନଫରେନ୍ସର ସୁବିଧା ଉପଲବ୍ଧ କରାଇବା ପାଇଁ ଉତ୍ତର ପ୍ରଦେଶର ମୁଖ୍ୟ ସଚିବଙ୍କୁ ଚିଠି ଲେଖା ଯାଇଛି।

ବାବ୍ରି ମସଜିଦ ଭଙ୍ଗା ମାମଲାରେ ପୂର୍ବତନ ଉପ ପ୍ରଧାନମନ୍ତ୍ରୀ ଲାଲକୃଷ୍ଣ ଆଡଭାନୀ, ଉତ୍ତର ପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କଲ୍ୟାଣ ସିଂହ, ବିଜେପି ନେତା ମୁରଲୀ ମନୋହର ଯୋଶୀ, ବିନୟ କଟିଆର, ଉମା ଭାରତୀ ଓ ବିଶ୍ଵ ହିନ୍ଦୁ ପରିଷଦର ନେତା ଚମ୍ପତ ରାୟ ଆଦି ଅଭିଯୁକ୍ତ ଅଛନ୍ତି। ସ୍ଵତନ୍ତ୍ର ବିଚାରପତି ଏସକେ ଯାଦବ ନିଜର ଆଦେଶରେ କହିଥିଲେ ଯେ, ସୁପ୍ରିମକୋର୍ଟ ଗତ ମେ ୮ରେ ସ୍ଵତନ୍ତ୍ର ନ୍ୟାୟାଳୟକୁ ଭିଡିଓ କନଫରେନ୍ସ ଜରିଆରେ ଏହି ମାମଲା ଶୁଣାଣି ଜାରି ରଖିବାକୁ ନିର୍ଦ୍ଦେଶ ଦେଇଛନ୍ତି। କାରଣ କରୋନା ସଂକ୍ରମଣ କାରଣରୁ ଘୋଷିତ  ଲକ୍‌ଡାଉନ୍‌ରେ ଅଭିଯୁକ୍ତ ଏବଂ ସାକ୍ଷୀଙ୍କୁ ଅଦଲାତରେ ବ୍ୟକ୍ତିଗତ ଭାବେ  ହଜାର କରିବା ମୁସ୍କିଲ ହେବ।

ସ୍ଵତନ୍ତ୍ର ସିବିଆଇ ଅଦାଲତ କହିଥିଲେ ଯେ, ସୁପ୍ରିମକୋର୍ଟଙ୍କ ନିର୍ଦ୍ଦେଶର ଅନୁପାଳନ କରି ଉତ୍ତର ପ୍ରଦେଶର ମୁଖ୍ୟ ସଚିବ ଅଦାଲତ କକ୍ଷରେ ଭିଡିଓ କନଫରେନ୍ସିଂ ସୁବିଧା ଯୋଗାଇ ଦିଅନ୍ତୁ। ଏହି କାମ ମେ ୧୪ ସୁଦ୍ଧା ପୂରା କରିବାକୁ କୋର୍ଟ କହିଥିଲେ କିନ୍ତୁ ନିର୍ଦ୍ଧାରିତ ତାରିଖ ସୁଦ୍ଧା କିଛି ମଧ୍ୟ ହୋଇ ନାହିଁ।

ରୁଜୁ ହୋଇଥିଲା ୪୯ ମୋକଦ୍ଦମା

ସବୁଠୁ ବଡ କଥା ସ୍ଵତନ୍ତ୍ର ଅଦାଲତକୁ ସୁପ୍ରିମକୋର୍ଟଙ୍କ ନିର୍ଦ୍ଦେଶକ୍ରମେ ଏହି ମାମଲାର ଶୁଣାଣି ଗତ ଏପ୍ରିଲ ୨୦ରେ ପୂରା କରିବାର ଥିଲା, ମାତ୍ର ଲକ୍‌ଡାଉନ୍‌ କାରଣରୁ ଏହା ପୂରା ହୋଇ ପାରି ନାହିଁ। ତେଣୁ ସ୍ଵତନ୍ତ୍ର ଅଦାଲତଙ୍କ ଆବେଦନ କ୍ରମେ ସୁପ୍ରିମକୋର୍ଟ ଶୁଣାଣି କରିବାର ମିଆଦକୁ ଅଗଷ୍ଟ ୩୧ ପର୍ଯ୍ୟନ୍ତ ବୃଦ୍ଧି କରିଛନ୍ତି। ସ୍ଵତନ୍ତ୍ର ସିବିଆଇ ଅଦାଲତ ଅଭିଯୋଗକାରୀଙ୍କ ବୟାନ ରେକର୍ଡ କରି ସାରିଛନ୍ତି। ଏବେ ଅପରାଧ ପ୍ରକ୍ରିୟା ସଂହିତାର ଧାରା-୩୧୩ ଆଧାରରେ ଅଭିଯୁକ୍ତଙ୍କ ବୟାନ ରେକର୍ଡ କରାଯିବ। ଉଲ୍ଲେଖନୀୟ ୧୯୯୨ ଡିସେମ୍ବର ୬ରେ ବାବ୍ରି ମସଜିଦ୍ ଧ୍ଵଂସ ମାମଲାରେ ୪୯ ଜଣଙ୍କ ବିରୋଧରେ ମୋକଦ୍ଦମା ରୁଜୁ ହୋଇଥିଲା। ଯାଞ୍ଚ ପରେ ଏହି ୪୯ ଅଭିଯୁକ୍ତଙ୍କ ବିରୋଧରେ ଅଭିଯୋଗ ପତ୍ର ଦାଖଲ କରାଯାଇଥିଲା। ଏଥିରୁ ୧୭ ଅଭିଯୁକ୍ତଙ୍କ ମୃତ୍ୟୁ ଘଟି ସାରିଛି।

   Related Posts